URUT 4:10 - Nanduk Ngget Tul Pidnak Wene

¹⁰ Ereya min lomboksa-ge Moap kwe Urut Maklon ogwe togwe iri na min-et wanusu-o. Iri nggal kwarosolar-e, nggweyak iri na-ge nggweyak ombo wat yidnak iri na-nen wigarak nggweyag-et wolmag-o. Wat yidnak nap ondolma pimin na o it wok indidnak sa-t onowe onowot ennggendumu-t wolmag-o. Kit kenlengen pem-et kwarusu me, kenaru-t wolmar-o, nap tag-o” luk yak indij-o.

URUT 4:10 ပူးပေါင်းရင်းမြစ်များ

NDAK WIRIDNAK WENE 29:27

Kindi abu nak wolmin-o. Kwe wanogolat nunggwi mende sakolat tuju tarem woragwi iri na woraruk, i worok yosola-nen-e Arakel na wog-et kirimin-o. Nde, mbigija-ge kat-nen tuguruk yabu wok norosolat, olengen tuju woragun iri nag-o” luk yak tij-o.

NDAK WIRIDNAK WENE 38:9

Alat nde, Onan-nen yebet kasolar-e: ”La ndagimin-e an nondolma purak pug-et nde, an nowe ondolma purak na-t nde” perasolug-e, owe iri na ondolma lak irit wolmaklug-e, owe ogwe togwe iri na imin nene yosolar-e, amburu-ge wesi bem posolat irit woragij-o.

NDAWI ENGGA 34:16

Alat nde, meya kwarugwi nab-e isilepma onposo-o. It nde wat yogola-ge, ndag-et nak meme rak onposo-o.

OSEA 3:2

Nde, an-nen-e perak tol lima belas min nggandum mbato angin-e 150 kilo min kwe iri onggo pigi-o.

MALEAKI 2:14

At-nen wanigit lak ala, kit-nen kin wanogolar-e: ”Noluk-nen Nagawan Indo-ge nit-nen amanggim pidnak mende-ge wanusu bug-o?” luk yili-o. At-nen wanigit lak yusu iri-ge kit konkwerak sujwe ndugum pem nimbiri kimbiri wok kerak mbigep ereba na inmin-e tugup lak worali bug-o. Konkwerag-e kenpe misiger-et nde, kir-e konkwela-ge keya inpili iri-ge nanduk Mbal Pem Nagawan imbiri bem urul pogolat-nen owak mbarogolar-e: ”Nir-e pempa tugup lak nonkwerak inmin-et wulmul-o” luk owak mbarigeb-et nde, keya inpili-o. Nde, kit-nen iri kwatli iri-ge Nagawan Indo-ge aru me, iri-nen ndowaga kit-nen amanggim pidnak mende wanusu bug-o.

EPESUS 5:25

Konkwerak worak nap oboksa wa-e. Kerisut-nen lambuk tak inpidnak nap enabuwa kasolar-e, it enmanggim at-net at ondomok indi wisirik pid nggal, iri nggal-et kit na kit konkwerak enabuwa kagolat wolmer-o.

TUGURUK YIDNAK WENE 25:6

Wanuruk, li ap nde ndagurug-e, kit Isarael nap kennggendumu-nen ap wat ma iri na unu lak ma naru, la iri na-ge at wat yidnak iri na-nen ondolma pidnak nggal irit yik kudtag-o.

IBERANI 13:4

Ap oboksa-nen wok kerak mbugwi iri-ge konak-net yusu-o luk pururag-o. Nde, un min ogwe min-e mbabi kwarogolat wolmomtak pug-o. Nde, terak ye unpugwi min mbabi yugwi min enpem-e Mbal Pem Nagawan-nen wene mbaruwa-o.

YOSUA 7:9

Nde, Kanaan nap min yu me nap oboksa min-nen wene yu kulurug-e, lop lop nunduwarik, mondok oboksa nunduwa-o. Iri ala-ge, kat kunu kek tak purak pem-e kar-e no kwarugun-o?” luk yak tij-o.

URUT 4:9

Iri yosoloma, Mboas-nen enne kulugwi nap min ap erep iri me worali ereba na min oboksa yak ondosolar-e: ”Yawo-ge kit oboksa kenlengen pem-et Elimelek ambararak Kilion min Maklon min enarengge oboksa-ge Naomi ebem abu onggo pigi-o.