URUT 3:7 - Nanduk Ngget Tul Pidnak Wene

⁷ Nde, Mboas na-ge nunggwi mende min yi min ereba na nuruk yarig-e, ar-e ukwe laksa indi alen luk yarig-e, nggandum mbato oro ligik ereba na eralu nene yij-o. Nene yosola-ge, Urut na-ge tip tap ene lak-nen nak embem sum iri na leksa keya buruk, ujok unggutmu mbiring yil nggwij-o.

URUT 3:7 ပူးပေါင်းရင်းမြစ်များ

NDAK WIRIDNAK WENE 43:34

Nde, it na-ge Yusup nasu ondoro iri na bem-nen nunggwi mende waga mak ondosolar-e, owerak ereba na lima bem mak indij-et nde, Mbenyamin perak dua pulu lima bem mak tij-o. Iri kwasa Yusup imin lambuksa yi min nunggwi mende min inmbitsa ningga-o.

1 NAGAWAN NAGAWAN-NEN KWARIDNAK WENE 21:7

Isebel-nen yak tosolar-e: ”Kar-e Isarael nap nagawan yu-t nde noluk-nen iri kwarij-o? Ndak menluk nunggwi mende min-o. Nabot eyabu iri-ge kar-et wok kirimin-nen yusu-o. Kar-e kindi yanggo yi-o” yak tij-o.

ESET 1:10

Nde, iri na kwarogolat enam nene luk, tuju bem tak pogolar-e, Nagawan Agasuweros iri na-ge anggut amburu kwarat nasolar-e, alen irit yij-o. Iri yosolar-e, at ondomok amanggim kwaruwakluk lenak inpidnak kek tak enpe tuju irit yonggo inpij-o. Nde, ap ereya-ge Meguman min Mbista min Arabona min Mbikta min Abakta min Sesat min Karakas min irit yonggo inpij-o.

NDAWI ENGGA 104:15

Iri-nen inndi alen tak poso anggut amburu kwarak posolat, saitun amburu-nen entare mbenak poso kwarak posolat, nunggwi mende nonggola, ap enmawi rak poso kwarak posolat kwarigen-o.

AID WENE YOSO NAP 9:7

Iri bem-e amere kenalen pem nonggolat, kijik kijak pem-et anggut amburu nonggolat kwarurag-o. Ereba kwarugwi ereba na-ge Mbal Pem Nagawan-nen-e umud neneyaso bug-o. Are, op kwatli-o luk nenperaso-o.

1 KORINTUS 10:31

Iri bem-e, mburu nonggolat, yi nonggolat, yi kwatlik ndi kwatlik kwarogolar-e, Mbal Pem Nagawan kek tak purak nak kwarogolat wolmer-o.

EPESUS 5:18

Anggut engen amburu ndonggosa nuruk, kinndi wawa yurak pug-o. Iri nunggupndig-e, ukwe ukwe rak onposo-nen yusu-o. Alat nde, kir-e Konak Indi nde kenarem kobong tak irit wolmer-o.

URUT 3:6

Yosolug-e, Urut na mberarik, nggandum mbato engen lurugwi sa iri na me wok yosolar-e, ambap-nen at-nen kwarurak yak tid ereba na ndak ndag-et kwarij-o.

URUT 3:8

Nde, kubu nggiringgendumu Mboas na indi luk luk, urugwe nden kagaidnggal-e, kwe misik at ujok unggutmu mbinggirik karuk, wendet yij-o.