URUT 2:7 - Nanduk Ngget Tul Pidnak Wene

⁷ Ar-e it nggandum mbato mbatli yeba-nen mbarogolat liring kali yeba pundugurak pem-e ’Yeba an pundugurag-e nunggwirig-o?’ luk an nebem nggi yarik, kuplila-nen pak mbid pindigid pindigid yanem-et marig-et o lije ma ababok kwarusu-o” luk yak tij-o.

URUT 2:7 ပူးပေါင်းရင်းမြစ်များ

NGGOMO WENE 13:4

Perari worak nab-e at-nen wanurak kwarat ukwe yuwa-t nde, misiget ter-o luk mondok wanuwa bug-o.

NGGOMO WENE 15:33

Nagawan Indo indi aye worak wolmomtak iri-ge enaru yugwi mende enaru yurak mabin-nen yusu-o. Kek tak woragwi iri-ge inndi teberak woragwi iri-nen pil lobok yoso-o.

NGGOMO WENE 22:29

Ab-e yabu-ge mondok enpam ndak wanogola, eneyaso, lak? Ap iri-ge we o ma yabu ereba wok turag-e lag-o. Are, yabu-ge nagawan woraso sa iri me wok turag-o.

AID WENE YOSO NAP 9:10

Kat abog-e ap watluk ndok wurugwi sa mburugun-o. Nde, iri me-ge yebet kagwi min yabu min enaru yugwi mende min inndi tenggerak woragwi min-e watluk ndok wurugwi sa-ge lak me, kat-nen yabu oboksa wanosolar-e, kamawi min-et wanosolat nak wolmomtag-o.

MATIUS 5:3

”Mbal Pem Nagawan imbiri bem inndi tebeluk worali nab-e, Mbal Pem Nagawan-nen tenagaidnak wi iri winde-nen yili me, enalen kali-o.

OROMA 12:11

Yabu kwara wanogolar-e, perari yurak pug-o. Kinndi embem pem-net Nagawan Indo eyabu wanogolat wolmer-o.

NGGALATIA 6:9

Iri bem-e, nir-e konak nak kwarurak na-ge perari yurak pug-o. Nir-e nenperari lag-et kwarogolat wulmulndig-e, mbarurak tarem wok yosola-ge, engen na mbarul-er-o.

EPESUS 5:21

Kerisut indi aye woragolar-e, kit na kit-net kenggam urugom tebe yogolat wolmer-o.

URUT 2:2

Nde, misik tarem-e Urut-nen Naomi yak tosolar-e: ”Nembab-o. Nggandum mbato mbarugwi kweyap-nen mbarogolat abapno ininggem-nen kapsa mberak pili mbi worasola-ge, yapmu mbirimindik, kapsa mbidnak ereba ndok wereyek-nen mbirimin-o. Mbirimindig-e, an punduguwakluk keya nuburak nab-e mbi worasu-t nde ma-o” yak tij-o. Yosoloma, Naomi-nen onggo yak tosolar-e: ”Nowor-o. Ob-er-o. Mbiri-o” yak tij-o.

URUT 2:21

Yosoloma, Urut-nen yosolar-e: ”Nembab-o. At-nen yak norosolar-e: ’Kar-e an mbato mbarugwi kweyap ereba inmin pempa an neyapmu nak nggandum mbato-ge pindik tenak irit worasoma, nggandum mbato ese nggaruk yosola-net ndong yurag-o’ luk yak nirij-o” luk yak tij-o.

URUT 2:6

Kin wanosola, at-nen onggo yosolar-e: ”Kwe iri-ge Moap kwe-o. Naomi imin Moap-nen nggeret lobok yidnag-o.

URUT 2:8

Yak tosoloma, Mboas-nen Urut yak tosolar-e: ”Kar-e wene yak kirimin yu kwara kuli-o. Kar-e it nin eneyapmu nggandum mbato abapno pindigil-e mbururak pug-o. Are, an neyapmu nggandum mbatombarugwi kweyap yeba-nen an neyapmu yu me mbarogola, kar-e inmin abapno liring kagola pundugurag-o. It keya unpurak pug-o. Alat nde, it mburuwa sa iri-ge kar-e kerengen waruk inmbirik nak nurag-o. Nde, kat-nen nde yi nere ala-ge, an ndegel nubugwi nap-nen yimbe nggok ereba arem yi kenangga pidnak ereba-t norag-o. Nde, an-nen-e it yak ondosolar-e, kat keresa ’Imin-e yi kwatlik ndi kwatlik mondok kwarurak pug-o’ luk yak undukmu-o” luk yak tij-o.