URUT 2:13 - Nanduk Ngget Tul Pidnak Wene

¹³ Yosoloma, Urut-nen onggo yosolar-e: ”Nab-o. An-e kat keyabu wanugwi yeba nggal ndak ndag-e lag-et nde, kar-e an nimin-e konag-et kwarusu-o. Kat-nen an nimin konak nak wene ndurusu bem-e an nindi kwarat alen tak pusu-o” luk yak tij-o.

URUT 2:13 ပူးပေါင်းရင်းမြစ်များ

NDAK WIRIDNAK WENE 32:6

Nde, mbiriga na tuguruk Yakup eram lobok yogolat-nen yogolar-e: ”Nde, nir-e kowe Esau na eram wok luk lobok yili-o. Nde, yawo-ge ab-e empat ratus (400) inmin luk, kat kimin lid pid yuwokluk lobok yusu-o” luk yiga-o.

NDAK WIRIDNAK WENE 33:10

Yak tosoloma, Yakup-nen yosolar-e: ”Nowe kar-e kindi alen tak posolat wok korosola-t nde, kar-e noluk-nen ninggem keya busu-o? Mondok wani-o. Kar-e an nimin konag-et kwarosola keyasolar-e, kerare-ge Mbal Pem Nagawan erare yik kaidnak nggal-et yik keyasu-o.

NDAK WIRIDNAK WENE 33:15

Yosoloma, Esau-nen yosolar-e: ”Iri ala-ge, an nilirak ereb-e kat ndegel kuburuk mbururak keram keya inpimin-o” yosoloma, Yakup-nen yosolar-e: ”Nab-o. No manggim-o? An-e kat kindi alen tak purak iri nak perasu-o” yak tij-o.

NDAK WIRIDNAK WENE 33:8

Iri lug-e Esau-nen kin wanosolar-e: ”Nde, no peraruk-nen wam ereba-ge arik tak lena mbo nduguluk neram wok yogola kagi-o?” yosoloma, Yakup-nen onggo yosolar-e: ”Nowe kindi alen makluk-nen kwaridnag-o” luk yak tij-et nde,

NDAK WIRIDNAK WENE 34:3

Iri lug-et nde, at indi-ge Ndina ebem wat tak purug-e, at Ndina-nen indi at ebem purak pem tula kore yosolat woragij-o.

NDAK WIRIDNAK WENE 43:14

Nagawan Indo Amawi Ambik iri na-nen Ngguberenot iri arem yabu wanosola, kit kenabuwa kasolat, Simeon min Mbenyamin min kendam tuguruk puwag-o. Nde, an-e nilirak lag-et yuwama-ge, no kwarimin-o? Meya-o” luk yij-o.

2 SEMUEL 16:4

Yosoloma, Ndaut-nen Siba yak tosolar-e: ”Yawo kuri-nen tel korosolar-e, yi mende ndi mende Mebiboset arengge-ge kat karengge kwat ma-o” luk yak tij-o. Yak tosoloma-ge, Siba-nen yosolar-e: ”Nap wiwa-o. Nagawan kat-nen-e pempa kindingen tak nobosolat wolmomtag-o” yak tij-o.

NGGOMO WENE 15:33

Nagawan Indo indi aye worak wolmomtak iri-ge enaru yugwi mende enaru yurak mabin-nen yusu-o. Kek tak woragwi iri-ge inndi teberak woragwi iri-nen pil lobok yoso-o.

OSEA 2:16

Iri yosolar-e, an nimin-e ’An-nen idnak Mbaal-o’ yoso iri na-ge keya buruk, an nimin-e ’An nun-o’ luk yuwa-o.

PILIPI 2:3

Kit kondomok kunnu kek tak purak pem, kit kondomok kentembel wanurak pem-e yi kwatlik ndi kwatlik kwarurak pug-o. Are, kinndi tebe yogolar-e, kit kondomok tebe luk, nin nab-e kek tak irit yik iniyudtag-o.

URUT 2:12

Nde, kat-nen konak kwarigen ereba-ge Nagawan Indo-nen onggo puwag-o. Kar-e kimiri yuwakluk at eram lobok yidnak me, Nagawan Indo Isarael nap Enmbal Pem Nagawan-nen-e mondok kat wok kururag-et wok kuruwa iri na-ge wanonog-o” luk yak tij-o.

URUT 2:14

Iri luk, nunggwi mende norak panggo yosola-ge, Mboas-nen Urut yak tosolar-e: ”Nunggwi mende nil lobok yi-o. Nde, nunggwi mende amburu rak purak amburu-ge yu-o” yak tij-o. Yosoloma-ge, Urut na-ge nggandum mbato mbarugwi kweyap ereba na inmin nunggwi mende ningga-o. Nonggola-ge, Mboas-nen nggandum mbato wora ereba na min-et wok tij-o. Iri yamu, nunggwi mende-ge imbitsa nuruk, erep minggirik keya bij-o.

1 SEMUEL 1:18

Yak tosoloma, Ana-nen onggo yak tosolar-e: ”Nab-o. Kat-nen nabuwa kanog-o” luk, Ana na-ge mberarig-e, nunggwi mende-ge kwara nasolat, indi puru yoso iri na-ge lak irit woragij-o.

1 SEMUEL 25:41

Iri yak togola, Abigail na menluk nggweyak pem erare nggwe tud yosolat-nen yosolar-e: ”An-e Ndaut ndegel oboso kwat luk at ndegel ubugwi nap ereba unuwok marurag-e mondok ndak-net yusu-o” yosoluk,