URUT 2:12 - Nanduk Ngget Tul Pidnak Wene

¹² Nde, kat-nen konak kwarigen ereba-ge Nagawan Indo-nen onggo puwag-o. Kar-e kimiri yuwakluk at eram lobok yidnak me, Nagawan Indo Isarael nap Enmbal Pem Nagawan-nen-e mondok kat wok kururag-et wok kuruwa iri na-ge wanonog-o” luk yak tij-o.

URUT 2:12 ပူးပေါင်းရင်းမြစ်များ

NDAWI ENGGA 19:11

Ndegel koboso nap an-e kat-nen yidnak wene ereba oboksa-nen mul nurusu-o. Ereba oboksa-nen yidnak yidnak kwarugwi nap enmanggim-e onggo abu lid lud tak pidnak worasu-o.

NDAWI ENGGA 63:7

Kat-nen pempa an yongga noroso bem-e an-e kat kisiyamu arem woralat, nalen pem ndawi yosolat worasu-o.

NDAWI ENGGA 91:4

At-nen-e isiyamu-nen yemndak kubuwama, kar-e isiyamu arem kona irit woragun-o. At-nen mot mot tugup lak kwaroso-ge kat kundumno kwat ma-o.

NGGOMO WENE 23:18

kat kiyuruk kalen pem-et woragun-o.

YEREMIA 31:16

Yip tusu keya buruk, ndong yosolat, kiyip lengen ndowarosolat kwari-o! Kat-nen kilirak enmanggim kirigak mbij-e we-t kababok lak yusu-ge lag-o. Onggo-ge wanugun-er-o. Kat kilirag-e unuwim nap enma-nen lobok yuwa-o.

MATIUS 23:37

”Yerusalem wa-e. Yerusalem wa-e. Kat-nen-e Mbal Pem Nagawan ene lomboksa yugwi nap mondok ondosolat, kat keram inpil lobok yidnak nap na kerep pem ondosolat yoso-o. Nde, towe wam ija-nen at amarig-e eraplabe-nen yomondoso nggal, iri nggal-et pempa an-nen kat kilirak na an nurugom tak enpeyekluk yigi-t nde, kat-nen-e ’Nimbir-o’ yigen-o.

MATIUS 5:12

Kit woragit lak ma-nen nanduk Mbal Pem Nagawan ene lomboksa yugwi nap na iri nggal-et lel mberel inpikma me, aid arem-nen kit wok kundurak onggo nggulok worasu me, kenalen pen-et woragolat, kijik kijak wolmer-o.”

MATIUS 6:1

”Ap-nen yik kiniyujwakluk, kit-nen konak nak kwarugwi mende iri na ap inmbiri bem-et kwarurak pug-o. Iri nggal kwarogola-ge kit Kineid aid arem woraso-nen-e onggo wok kunduwa bug-o.

LUKAS 6:35

Lag-o! Kir-e kunuwim nap enabuwa kagolat, it inmin konag-et kwarogolat yugup na-e. Kunuang luru wok unduruk, uwi yagurak yebet kudtak pug-o. Iri kwarugup ala-ge, onggo nggulok wanogolat, Kek tak Woraso Mbal Pem Nagawan ilirak kwat yugub-o. Mbal Pem Nagawan-nen-e wa yugwi buk nap min meya yugwi nap min-e enabuwa nak kaso-o.

KOLOSE 2:18

Enesiget nde, it ondomok inndi tebe luk, aid nap entembel wanogolat, nabi nggwe nggal kaidnak nggulok tak pogolat kwarugwi nap-nen-e urugwe nggwe rak kunpuwakluk, nggeyok yurak pug-o. Iri kwarugwi nab-e ki nap inndi-n yebet kagwi bem it ondomok kek yugwi-nen yili-o.

2 TIMOTIUS 1:18

Onesiporus-nen-e o Epesus-nen an kwarat yongga nirid wene-ge kar-e karu nar-o. Iri kwarid pem-e, woroksiyem ap enpem wene mbaruwa Tarem-nen-e Nagawan Indo-nen at ubud kujwag-o.

2 TIMOTIUS 4:8

Nde, yawo-nen-e ombol nggwe yidnak nap wok undurak wirik iri-ge an namanggim lid lud tak worasu-o. Mot mot nak enpem wene mbaroso Nagawan Indo-nen-e at lobok yuwa Tarem-nen wirik iri na wok nuruwa-o. Nde, an narig-et wok nuruwa-ge lag-o. Are, Nagawan Indo lobok yuwa-o luk inndi ebem mbung mbung tak woragwi nap oboksa na wok unduwa-o.

IBERANI 11:26

Nde, at-nen perasolar-e, Kerisut ebem-nen nggweyel nuburak iri perak nde onggo nggulok terak minik wanurak mende kagi. Nde, Mesira silobulo kwarat iri-ge ebe lak mende-o luk peragaid iri-ge, abok-nen onggo kwarat irit wanurak mende yik karuk-nen peragaij-o.

IBERANI 11:6

Nde, ap-nen-e Mbal Pem Nagawan ebem indi angin tubu yigit lak ala-ge, Mbal Pem Nagawan-nen-e ap iri ebem-e alen kujwa bug-o. Nde, Mbal Pem Nagawan eram lobok yuwa nap-nen perasolar-e: ”Mbal Pem Nagawan-e ndemeret worasu-o” yuruk, ”Mbal Pem Nagawan-nen-e kwara at ogore yuwa nap na onggo wok unduwa-o” luk wene na bem indi angin tubu yosolat wolmag-o.

IBERANI 6:10

Nde, Mbal Pem Nagawan-e mborok tak kwaroso-ge lag-o. At-nen-e kit-nen wanigep yabu iri meme rak posolat, kit-nen at abuwa kagolar-e, mbek tak inpidnak nap kwara yongga indigep min yawo na yongga indili min ar-e meme rak puwa bug-o.

URUT 1:16

Alat nde, Urut-nen onggo yosolar-e: ”Nembab-o. Kat keya kuburuk mburuwakluk ’Mbiri-o’ yak nurusu-ge meyog-o. Nembap kat kimin-et mbirimin-o. Nembap kat mburugun sa an na iri me-t mbirimin-o. Kat woragun sa na an na iri me-t woramin-o. Nembap kerem nap ereba-ge an nerem nap-net ma-o. Kat-nen erembel wanoso Kembal Pem Nagawan iri na an-nen na erembel-et wanimin-o.

URUT 2:11

Yosoloma, Mboas-nen onggo yak tosolar-e: ”Kat kun wat yamu-nen kun ija kwat obosolat kwarigen wene ereba-ge an-e kuligi-o. Kar-e keid kiya min kuwi nggweyak min keya buruk lobok yigendik, kat eneyaso buk nap inmin worasu yu na an-e naru-o.

URUT 2:13

Yosoloma, Urut-nen onggo yosolar-e: ”Nab-o. An-e kat keyabu wanugwi yeba nggal ndak ndag-e lag-et nde, kar-e an nimin-e konag-et kwarusu-o. Kat-nen an nimin konak nak wene ndurusu bem-e an nindi kwarat alen tak pusu-o” luk yak tij-o.

URUT 4:15

Kambararak tuju-nen wok ketleb-e mariger-et nde, kambara ogwe iri-nen kabuwa karuk, wok kirid iri-ge mondok terak minig-et wok kirij-o. Nde, yawo kombo marik misik wok kirid iri-nen-e kindi yamuk tak posolat, kindi worak yugundik pem ndegel kobosolat kwaruwa-o” yak tiga-o.

1 SEMUEL 24:19

Ap-nen unuwim nap inmin lambuk lug-e, keya unpugwi bug-et nde, kar-e keya nibidnak me, kat-nen yawo konak kwat nibigen iri bem-e Nagawan Indo-nen imbiringgat tak kubuwa-o!

1 SEMUEL 24:20

Nde, an-nen-e kar-e Isarael nap ennggendumu nagawan yugun-o luk keberasu-o. Iri yosolar-e, Isarael yu me kat-nen tenakun uwi-ge mondok tugup lak irit wolma-o luk perasu-o.