URUT 1:6 - Nanduk Ngget Tul Pidnak Wene

⁶ Nde, siyak woraruk, Naomi-nen kulidnggal-e, ”Nagawan Indo-nen Isarael nap inmbiringgat tak pamu, nunggwi mende konak nak mbatli-o” yidnak wene kulurug-e, ilirak onkwela togwe mberen ya na inmin Moap-nen mburuwokluk yiga-o.

URUT 1:6 ပူးပေါင်းရင်းမြစ်များ

NDAK WIRIDNAK WENE 21:1

Nagawan Indo-nen-e: ”Kimbiringgat tak pimin-o” luk Sara yak tid iri na ndak ndag-et Sara na-ge imbiringgat tak pij-o.

NDAK WIRIDNAK WENE 28:20

Iri luk Yakup-nen owak mbarosolar-e: ”Nagawan Indo-nen nde an tu yu mborosola, yongga norosolat, kurak nuburuk mborosolat, nunggwi mende min an yururak nusum min yongga norosola,

NDAK WIRIDNAK WENE 48:15

Iri rak unpuruk, Yusup na imbiringgat tak onposolat-nen yosolar-e: ”Mbal Pem Nagawan iri-ge nomborak Abaram min Isak min-nen erembel wanugwi Nagawan Indo-nen yusu-o. At iri-net an-e pem lit niyuruk noso-net, yawo na lit niyuruk nusu-o.

NDAK WIRIDNAK WENE 50:25

Iri yak unduruk yarig-e, owe owot yak ondosolar-e: ” ’Mondok irit mul-o’ luk owak mbarer-o. Kit nde Mbal Pem Nagawan-nen lit kunpuruk o iri me nde mborogolar-e, an norogag-e mondok waruk mbururag-o” yak indij-o.

NDAWI ENGGA 102:14

Sion iri-ge tudsa nggilara ngguru ma-t nde, ndegel kubugwi nap-nen-e imin inndi kundugu irit wolma-o. At iri-ge mabe nggal yigisa labuk ma-t nde, it-nen-e ubud kagolat wolma-o.

NDAWI ENGGA 111:5

At iri-ge at-nen ”Kwat kinpimin-o” luk urul pidnak ereba na pempa indi yeberak woralat, at indi aye worak woragwi nab-e nunggwi mende mak ondosolat woraso-o.

NDAWI ENGGA 132:15

Sion woragwi nap-nen ukwe pidnak mende-ge ndak yaga kwarat wok ondosolat, iri me insilobulo lak wolma nab-e kwarat inmbitsa mak indimin-o.

NDAWI ENGGA 145:15

Urugup worak mende oboksa-nen indi-ge kat kebem nak mbung mbung tak woragola, kat-nen-e it-nen ukwe peragwi mende mak ondoso-o.

NDAWI ENGGA 146:7

At iri-ge anggun panggun tak inpili nap enambigit yosolat, enmanggim wene mot mot mbenaroso-nen yusu-o. Nere arem woragwi nab-e nunggwi mende mak ondoso-nen yusu-o.

MBIRIGA WENE 3:16

Nde, kar-e mburugundik, Isarael nap-nen enne kulugwi nap oboksa ndok worak unpuruk yak ondosolar-e: ’Nagawan Indo an-e kit konmborak Enmbal Pem Nagawan, Abarakam min Isak min Yakup min Enmbal Pem Nagawan iri na at ondomok-net an nimbiri bem nam luk-nen yosolar-e: ”An-e kit kendam lobok yigirik, Mesira nap-nen kwat kinpili iri-ge kasu-o” luk yij-o’ yak indi-o.

MBIRIGA WENE 4:31

Kwarosola-ge, it-nen-e ndemerer-o luk yebet kaiga-o. ”Nagawan Indo-nen kit lombot konposolat, kit anggun panggun tak kinpili na keneyasur-o” luk yak ondogola, kulurug-e, ir-e entare nggwe tud luk, Mbal Pem Nagawan erembel waniga-o.

NGGOMO WENE 30:8

An-nen lugud tak kwarosolat, nenesiget yosolat woramin naru, mondok lak tak pi-o. Silobulo lak woralat, silobulo ombo woralat wolmakluk na keya nuburak pug-o. Are, an-nen norak ndak wosa nak wok nururag-o.

YESAYA 55:10

Talme-ge mbal pem-nen mbuwarug-e tugurug-e laso bug-o. Are, nggweyak nde piri rak posolar-e, yi mende ndi mende alim tak posolat, yagidnak mende wirik posolat, uwi pil kudtak min nunggwi mende min wok ondoso iri nggal-et

YOEL 2:19

Iri luk, at-nen wene onggo it yak ondosolar-e: ”Yawo-ge nggandum mbato min anggut amburu min saitun amburu min irit kit-nen nonggolat kinmbit worabok-nen wok kindimin-o. An-nen-e kir-e ap enlem erep-nen pesel konpogolat, nda kondogolat wolmakluk keya kinpimin pug-o.

MATIUS 6:11

Yawo norak mburu ndak yaga wok nindi-o.

LUKAS 1:68

”At elem nap yongga ondosolat, wisirik enpeyekluk lobok yid Isarael nap Enmbal Pem Nagawan, Nagawan Indo iri nak erembel wanuwog-o.

LUKAS 19:44

It-nen-e kat min kat keleget arem woragwi nap min-e mondok irit lak tak kunpuwa-o. Nde, iri kwat konpogolar-e, kerep ebem lud lud kona pidnak misiger-o luk tet wolma bug-o. Mbal Pem Nagawan-nen kimiri yekluk lobok yosola, yenggerak pigit lak yigen pem, iri nggal kwat kubuwa-o!” luk yij-o.

1 TIMOTIUS 6:8

Nde, nunggwi mende min nunsum min worala-ge, ”Iri-ge abu ndag-o” luk wolmomtag-o.

1 PETERUS 2:12

Enlem nin nap ennggenggerak woragolar-e, kit-nen kwarugwi mende-ge konak nak kwarugup na-e. Iri nggal kwarogola-ge, it-nen-e kir-e meya kwarugwi nab-o luk konpok puwokluk yuwa-t nde, kit-nen kwaridnag-e konak nak ala-ge, Nagawan Indo lobok yuwa tarem-e ir-e Mbal Pem Nagawan erembel wanuwa-o.

URUT 1:5

Naomi ambararak Maklon min Kilion min ya na-ret wat yikma, Naomi na-ge arik irit woragij-o.

URUT 1:7

Iri lug-e, it ya na Yewura nggweyak pem mburuwokluk mborogolat, tundumu wok yogolar-e,

1 SEMUEL 2:21

Nde, Nagawan Indo-nen Ana iri na imbiringgat ebem posolar-e, ambararak kenan, ararak mberen irit ndet inpij-o. Nde, Semuel na-ge Nagawan Indo ndegel eberenak irit worasoma, nggok irit yij-o.