TUGURUK YIDNAK WENE 9:9 - Nanduk Ngget Tul Pidnak Wene

⁹ Nde, an-e Nagawan Indo-nen kit kinmin kondosolat, urul pidnak wene mbarak kerep iri na waneyekluk Sinai ndobo bem lagirik worasolar-e, lengge empat pulu, kubu empat pulu woralar-e, nunggwi mende min yi min ninggit lak woragi-o.

TUGURUK YIDNAK WENE 9:9 ပူးပေါင်းရင်းမြစ်များ

MBIRIGA WENE 34:28

Nde, Musa Sinai ndobo bem Nagawan Indo imin woralar-e, kubu-nen lengge-nen empat pulu tarem woralar-e, nunggwi mende min yi min mondok ninggit lak woragij-o. Mbal Pem Nagawan-nen urul yak indidnak imiri mbarak pidnak wene sepulu iri-ge kerep abak mberen iri na bem mbarij-o.

MBIRIGA WENE 24:18

Wene mbo obosoloma-ge, Musa na-ge lagarik, nggan nggan iri na arem nggwarik woralar-e, lengge-nen kubu-nen empat pulu bem irit woragij-o.

1 NAGAWAN NAGAWAN-NEN KWARIDNAK WENE 19:8

Yosoloma, Elia iri na men yosolar-e, yi min nunggwi mende min ninggij-o. Nuruk, amawi rak purug-e, Mbal Pem Nagawan ondomok-nen nam yaga mirik inpid Ndobo Sinai iri na me mborosolar-e, empat pulu (40) tarem irit mbirij-o.

MBIRIGA WENE 24:15

Iri yak unduruk, Musa na Sinai ndobo bem lasola-ge, nggan nggan mbi-nen muruk tak ibij-o.

MBIRIGA WENE 24:12

Iri luk, Nagawan Indo-nen Musa yak tosolar-e: ”Kar-e an neram ndobo bem luwasug-o. Yu me-nen an-nen imiri mbarak pidnak wene mbarak kerep abak mberen wok kirimin-o. Imiri mbarak pidnak wene oboksa mbarak iri-ge it enlem Isarael nap iri mirik unpurak pem irit wok kirimin-o” yij-o.

MATIUS 4:2

Nde, Yesus na-ge mburu ninggit lak, lengge-nen kubu-nen empat pulu worarug-e, mburu nere ebem wok yij-o.

TUGURUK YIDNAK WENE 9:18

Iri luk, tuguruk ndobo bem lagirik, Nagawan Indo eram iri me tud tak worasolar-e, nunggwi mende min yi min ninggit lak lengge empat pulu, kubu empat pulu irit woragi-o. Iri kwarigi iri-ge kit-nen Nagawan Indo erengen pem meya kwarogolar-e, meya-o luk yik kaso iri na kwarogola, at isilepma yosola-nen kwarigi-o.

NGGALATIA 4:24

Wene yu-ge nden karuk wene-nen yusu-o. Kwami mberen iri-ge ”Iri nggal ma-o” luk yidnak wene mberen-nen yili-o. Kwe misik, Agat iri na-ge, Sinai ndobo bem-nen lobok yidnak me, at-nen ndet inpidnak li-ge ndegel unpugwi nap yurak nap ndet onposo-o.

2 NAGAWAN NAGAWAN-NEN KWARIDNAK WENE 6:22

Yosoloma, Elisa-nen onggo yosolar-e: ”Wim nggogolat-nen kat-nen kugun pem wok inpidnak ereba-ge kesan min keyalawi bem ondoso-a? Iri ala, it yeba na undurak pug-o. Are, yi min nunggwi mende min mak unduruk, keya unpugunmu, tuguruk it-nen idnak nagawan eram mburuwag-o” luk yij-o.

TUGURUK YIDNAK WENE 9:15

Yosoloma, an-e urul pidnak wene mbarak kerep mberen ereya na ninggi mberen-nen wanuruk mbuwasolar-e, ndobo amare lasu iri na nggwe-t mbuwagi-o,

MBIRIGA WENE 31:18

Sinai ndobo bem-nen Mbal Pem Nagawan-nen Musa imin wene mbatlug-e, Mbal Pem Nagawan-nen-e kerep abak mberen Mbal Pem Nagawan-nen imiri mbarak pidnak wene mbarak irit Musa wok tij-o.

IBERANI 9:4

Nde, o ma iri me-ge emben worak mende kan pugwi sa emas-nen konidnak iri min emas-nen mbeyoksa keya bidnak labu mbarak iri min woragaij-o. Nde, Mbal Pem Nagawan-nen urul pidnak wene labu mbarak na arem-e no mende mburu yarak emas-nen konidnak yimbe na min Arun owangun isit mbiridnak iri na min Mbal Pem Nagawan-nen imiri mbarak pidnak wene sepulu mbaridnak kerep abak mberen iri na min-e labu mbarak iri arem yarak woragaij-o.

TUGURUK YIDNAK WENE 8:3

At-nen keyaptak kenpamu nere yogola-ge, mana wok kindij-o. Nde, mana iri-ge konmborak-nen na irit, kit-nen na irit mondok nunggwi bug-et nde, mak kindij-o. Nde, Nagawan Indo-nen iri kwarid iri-ge ab-e nunggwi mende bem nak-nen-e unluk woragwi bug-o. Are, Nagawan Indo-nen yidnak wene bem nak-nen unlug-et woragwi-o luk mirik konposolat-nen kwarij-o.

TUGURUK YIDNAK WENE 9:11

Nde, lengge empat pulu, kubu empat pulu worarug-e, Nagawan Indo-nen urul pidnak wene mbarak kerep mberen ereya na wok nirij-o.

MBIRIGA WENE 32:1

Nde, it Isarael nap-nen-e Musa Sinai ndobo bem lagaid iri na ndag-et mbuwagit lag-et worala karug-e, Isarael nab-e Arun eram ndok worogolat-nen yak togolar-e: ”Mesira-nen lit nunpuruk lobok yid nap Musa na-ge yawo-ge ngge kwat yidnak worasu? Nit nenaru bug-o. Iri ala karuk, yawo nit lit nunpuruk mbururak mbi nenmanggim ndak wiri-o” yak tiga-o.