TUGURUK YIDNAK WENE 7:9 - Nanduk Ngget Tul Pidnak Wene

⁹ Nde, Nagawan Indo kit Kenmbal Pem Nagawan iri-ge Mbal Pem Nagawan misiget nak, ar-e pempa mot mot lud tak nak kwaroso-nen yusu-o luk yebet ker-o. Nagawan Indo-nen at-nen urul pidnak iri na ndak ndak tak posolar-e, at abuwa kagolat, at-nen enpem pidnak wene ereba na kwatli nap enabuwa kasolar-e, ap tap seribu-t (1.000) enabuwa kasolat wolma-o.

TUGURUK YIDNAK WENE 7:9 ပူးပေါင်းရင်းမြစ်များ

NDAK WIRIDNAK WENE 17:7

Nde, an-nen kat kimin kat-nen wigarak inmin urul yak kindigi iri-ge mondok kwar-et konposolat woramin-o. An-nen urul yak kundusu yu-ge pem woralik nalik irit wolma-o. An-e kat Kembal Pem Nagawan min kat-nen wigarak Enmbal Pem Nagawan min kwat yimin-o.

NDAK WIRIDNAK WENE 28:15

Karu wolmin-o. An-nen-e kat nugun sa oboksa yongga korosolat, nggetlel kuburuk nimin-o. Nde, an-nen-e o yu me-t tuguruk kimin lobok yimin-o. An-e mondok keya kibimin pug-o. Urul yak kirigi oboksa-ge kwar-et kobosolat woramin-o” yak tij-o.

NDAK WIRIDNAK WENE 9:15

an-nen kit na irit, urugup worak mende oboksa na irit, yi-nen-e tuguruk lak tak kunpuwa bug-o luk owak mbara yak kindigi na nindi yebet yebet tak woramin-o.

1 NAGAWAN NAGAWAN-NEN KWARIDNAK WENE 8:23

tepan yosolar-e: ”Nagawan Indo Isarael nap Enmbal Pem Nagawan wa-e. Mbal pem-nen na irit, nggweyakma-nen na irit kat nggal mbi misik worasu bug-o! Kar-e kilirak inndi misiget tak puruk, tugup lak kat-nen yidnak yidnak kwatli nap enabuwa kasolat, kat-nen urul yak indidnag-e ndak ndak nak kwat onposo-o.

NEMIA 1:5

Tepan yosolar-e: ”Nagawan Indo Mbal Pem Nagawan aid arem tena woraso wa-e. Kar-e Mbal Pem Nagawan kek tak me, inndi kwiye min-et keram wok yugwi-o. Kar-e kat kabuwa kagwi nap min kat-nen enpem pidnak kwarugwi nap min inmin-e ’Irit kwat kinpimin-o’ luk urul pidnag-e mborok tak poso buk-nen yusu-o.

NEMIA 9:32

Mbal Pem Nagawan wa-e. Kar-e nit Nenmbal Pem Nagawan kamawi worak-nen yusu-o! Kar-e Mbal Pem Nagawan mondok kek tak kwiye worak-nen yusu-o! Kar-e mondok tugup lag-et kat-nen urul pigen-e puksa tena woralat, kat-nen urul pidnak ereba na-ge ndak ndag-et kwaroso-o. Nde, Asiut nap nagawan nagawan woraiga kuri-nen yawo kuri anggun panggun tak nonpogola, nir-e andi bandi kwarat kagolat worali-o. Iri rak nonpogola-ge, nit-nen idnak nagawan nagawan min tepan ombo min kat kene lomboksa yugwi nap min enne kulugwi nap min iri-nen nonmborak min ap oboksa min oboksa-nen andi bandi rak ninpiga-o. Nde, nit-nen andi bandi kali iri-ge meme rak purak pug-o! Mondok yebet yebet tak wolmin-o!

NDAWI ENGGA 103:18

Nagawan Indo-nen urul pidnak wene iri na puksa tena woragolat, at-nen enpem pidnak wene ereba na tugup lak kwat tenak woragwi nab-e irit kwat onposolat woraso-o.

NDAWI ENGGA 105:8

Ar-e at-nen ”Irit kwarimin-o” luk urul pidnak wene-ge pempa indi yeberak wolma-o. At-nen urul pidnak wene-ge pem irit wolma-o.

NDAWI ENGGA 146:6

Nagawan Indo-net mbal min nggweyak min yi koma min ebem woraso mende oboksa min ndak worak pamu-o. At iri-ge at-nen urul pidnak ereba na pempa tugup lak ndak ndak kwat onposolat woraso-o.

MBIRIGA WENE 20:6

Alat nde, an nubud kagolat, an-nen yidnak yidnak kwarogolat kwatli nap iri na-ge an-nen enabuwa kaso elem iri na mirik onposolar-e, tabun pem lud, lila bem lud, ap tap wonarurak puk irit enabuwa kasolat woramin-o.

YESAYA 49:7

Mbal Pem Nagawan Mondok Marak, Isarael nap inmiri yoso iri na-nen ap nggweyel unpugwi nap-nen nggweyel obogolat, ap enlem oboksa-nen insili rak obogolat, o tena woragwi nap ereba ndegel onposo nap kwarak pogolat kwatli nap iri na yak tosolar-e: ”Nagawan nagawan-nen-e an-nen kwat kibimin iri karuk, it-nen-e an kek tak nubuwa-o. Enmawi worak nap-nen na iri karug-e, entare nggwe tud ma-o” luk yij-o. Iri kwaruwa iri-ge Nagawan Indo-nen at ndegel oboso nap linid iri bem-nen kwaruwa-o. Isarael nap Enmbal Pem Nagawan Mondok Marak iri-ge at-nen urul pidnag-e lugud tak poso buk ala-nen kwaruwa-o.

NDANIEL 9:4

Iri yosolar-e, an nelem nap-nen meya kwarugwi ereba na-ge para Nagawan Indo Nembal Pem Nagawan yak tigi-o. Iri yosolat, an-nen yosolar-e: ”Nagawan Indo kar-e mondok nggok ala karuk, nir-e kat nak kek tak kibili-o. Kat-nen ’Kwat kinpimin-o’ luk urul yak indidnak ereba na-ge ndak ndag-et kwat onposolat, kat kabuwa kagolat, kat-nen it enpem pidnak ereba na ndak ndak kwarogolat yugwi nab-e kat-nen-e pempa enabuwa kaso-o.

WONARIDNAK WENE 14:18

’An-e ndag-et nisilepma yoso bug-o. An-e pempa mondok kenabuwa kwarat kasolat, an nimin eyak wurugwi nap min meya kwarugwi min-nen meya yidnag-e namberam tak pimin-et nde, ineidtak-nen meya kwarugwi bem onggo posolar-e, it inlirak-nen ndaguwa kuri-nen ap tap mberen pem min ap tap kenan enpem min-et onmborak-nen kwaruwa onggo-ge pimin-o’ yigen iri nar-o.

OROMA 8:28

Mbal Pem Nagawan abuwa kagwi nap, at indi-n pidnak kwaruwakluk yonggo ninpidnak nap nenmanggim-e Mbal Pem Nagawan-nen yi mende ndi mende oboksa kwat nonposolar-e, nit konak nak kwat nenpeyekluk yusu-o luk nenaru yili-o.

1 KORINTUS 1:9

At Ambara Yesus Kerisut, nit Nenagawan Indo iri imin kundik worabokluk wene mbo kinpidnak Mbal Pem Nagawan iri-ge mot mot nak kwaroso-nen yusu-o.

1 KORINTUS 10:3

It pidsa-ge inndi amanggim mburu misiget erep nak nonggolat,

1 KORINTUS 8:3

Alat nde, ta-nen Mbal Pem Nagawan abuwa kasu nab-e, Mbal Pem Nagawan-nen at na aru yusu-o.

2 KORINTUS 1:18

Mbal Pem Nagawan-e ndemeret wene nak yoso me, wene urul an-nen yak kondosolar-e: ”Ob-o, Lag-o” yurak pem yak kundusu-ge lag-o.

TUGURUK YIDNAK WENE 32:39

Kwara yebet ker-o. Mbal pem nagawan nin mbi-ge mondok lak. Mbal Pem Nagawan-e an narig-et nak-nen yusu-o. An-e lak tak onposo min unluk tak poso min-nen yusu-o. An-e mep tak onposo min ambut tak onposo min-nen yusu-o. An-nen kwarosola-ge, ap misiger-o luk tet nebem kore yugwi buk-nen yusu-o.

TUGURUK YIDNAK WENE 32:4

Nagawan Indo yongga kondoso amawi worak, yabu-ge mondok iminep mbarak nak wanosolat, at-nen kwaril mboroso oboksa-ge mot mot nak kwaroso. Mbal Pem Nagawan iri-ge mondok mot mot nak kwaroso, ap enmberam laso buk-nen yusu-o. Ar-e ndemeret mondok konak nak kwaroso.

TUGURUK YIDNAK WENE 4:35

Nde, iri kwarusu iri-ge kit-nen yenggerak pogolar-e, Nagawan Indo iri-ge at nggal misik mbi worasu-ge lag-o luk yenggerak pobokluk-nen mirik kunpusu-o.

TUGURUK YIDNAK WENE 4:39

Iri bem-e, yawo-ge kwara yebet ker-o. Mondok meme rak purak pug-o. Mbal Pem Nagawan nin mbi worasu-ge mondok lag-o. Nagawan Indo arig-et nak mbal pem-nen nggweyak pem-nen at nak worasu-o luk yebet ker-o.

1 TESALONIKA 5:24

Wene mbo kinpid Mbal Pem Nagawan iri-ge mot mot nak kwaroso me, irit kwat kunpuwa-o.

2 TESALONIKA 3:3

Alat nde, Nagawan Indo-ge mot mot nak kwaroso-nen yusu-o. At-nen-e amawi rak konposolat, Meya nak Kwaroso Nap na-n meya rak kunpuwa naru kontowarak worasolat ma-o.

2 TIMOTIUS 2:13

Nit nde mot mot kwarigit lak yogola-ge, ar-e mot mot nak kwaroso me, at ondomok eyubul purag-e meya-o.”

TITUS 1:2

Enesiget yoso buk Mbal Pem Nagawan-nen o ndak wirigit lak ma-net: ”Unlug-et woralik nalik wolmomtak elem irit wok kindimin-o” luk urul pid iri na bem ninndi mbung mbung tak worali-o.

IBERANI 10:23

Mbal Pem Nagawan-nen-e at-nen urul pidnag-e mondok kwaroso-t me, ”Irit kwat nunpuwa-o” luk peragwi na bem ninndi mbung mbung tak woragwi iri-ge puksa tena wolmog-o.

IBERANI 11:11

Nde, Sara na irit at indi angin tubu yidnak pem-net ar-e kwe arowe li yidnag-et nde, la ndagurak ndak kwat agaij-o. At-nen perasolar-e, urul paga yak tid nap Mbal Pem Nagawan iri-ge mot mot nak kwaroso me, kwaruwar-o luk peragaij-o.

IBERANI 6:18

Mbal Pem Nagawan-nen urul pid min owak mbarid min wene mberen iri-ge tuguruk nden kujwa-ge lak me, Mbal Pem Nagawan-e enesiget yurag-e meya-o. Iri bem-e nit ninmiri yuwakluk Mbal Pem Nagawan indipma worali nap nit-nen-e abok-nen wok nundurak lid lud tak pidnak iri na bem nit ninndi mbung mbung tak pidnak iri-ge puksa tena wolmomtag-o.

YAKOBUS 1:12

At indi ngarosola-t nde, mamak puruk wolma nab-e imbiringgat-nen yusu-o. Nde, indi kayekluk indi ngaruwa-t nde, ombol nggwe yuwa nap iri-ge Mbal Pem Nagawan abuwa kagwi nap enmanggim unlug-et wolmomtak kid kud Mbal Pem Nagawan-nen urul paga pidnak irit wanuwa-o.

1 YOANES 1:9

Mbal Pem Nagawan-e mot mot nak, ndung tak na kwaroso me, nit-nen meya yidnak para yak togola-ge, nit meya yidnag-e at amberam tak puruk, nit meya yugwi mende pidsa marak nunpuwa-o.

WENE MBENARUGWI NAP-NEN KWARIDNAK WENE 2:1

Nagawan Indo-nen idnak aid nab-e o Nggilnggal-nen mberarik Mbokim wok yosolat-nen Isarael nap yak ondosolar-e: ”Kir-e an-nen Mesira-nen wesera keya kunpuruk, an-nen konmborak wok kindimin-o luk urul yak indigi o iri na me kinmin lobok yigi-o. An-e tugurug-et yak kondosolar-e: ’An-nen urul yak kindigi iri-ge mondok worok tak pimin pug-o.

WENE MBENARUGWI NAP-NEN KWARIDNAK WENE 5:31

Nagawan Indo wa-e. Kuwim nap oboksa-ge Sitera lak yid iri nggal-e lak mag-o. Alat nde, kat kanggamirak oboksa-ge molengen kona bil wasolat konak eyaya worag-et wasu iri nggal-et wolmag-o. Iri lug-e o iri na kona yamuksa woragolar-e, olengen empat pulu (40) irit woraiga-o.