TUGURUK YIDNAK WENE 7:7 - Nanduk Ngget Tul Pidnak Wene

⁷ Nde, Nagawan Indo-nen kenabuwa kwarat karuk len kinpid iri-ge, ap enlem yeba ennggendumu kir-e kenlem nggok ala kwarij-e lag-o. Ndemerer-e nggweyak ma yu me-nen-e kit kenlem-e marik komosar-o.

TUGURUK YIDNAK WENE 7:7 ပူးပေါင်းရင်းမြစ်များ

NDAWI ENGGA 105:12

Nandug-e Mbal Pem Nagawan ilirag-e o iri me-ge ap sal nggal woraiga-o. Nde, iri me-ge ap enpe-ge marig-et nak-nen woraiga-o.

NDAWI ENGGA 115:1

Nit kek tak nunpurag-e lag-o. Nagawan Indo wa-e. Nit kek tak nunpurag-e lag-o. Kar-e pempa tugup lak nenabuwa kaso me, mondok kat nak kek tak kuburag-o.

YESAYA 63:9

it-nen anggun panggun kagwi mende-ge at ebem mbij-o. Nde, Nagawan Indo-nen-e it yongga unduwaklug-e, ap ala na, aid nap ala na, mbi wirik inpigit lag-o. Ar-e enabuwa kwarat kasolat me, Nagawan Indo ondomok-net wisirik enpamu-o. Ar-e o nanduk ereba-net mondok ndegel onposolat woraso-t nde,

YESKIEL 36:22

Iri bem-e, Nagawan Indo Mondok Kek tak an-nen Isarael nap yak undusu wene yu yak indi-o: An-nen abok kwarimin iri-ge kit kenabuwa-nen kwarimin pug-o. Isarael nap wa-e. Kit mbiridnak sa-ge an nunu marak iri na-ge kit-nen emben to rak pili iri bem-nen ndowaga kwarimin-o.

MATIUS 7:14

Nde, unluk nak wolmomtak tumende iri-ge mboronggo, nde, tula na marik me, tumende iri nggwe-ge ap wonarak nak-nen nggwili-o.”

LUKAS 12:32

Yuruk, Yesus-nen yosolar-e: ”Nolomba wam wonarak kit yu-ge wa-e. Kit Kineid-nen at-nen tenagaidnak wi wok kundurag-e indi parik me, kwiye kali meyog-o.

OROMA 11:6

Nde, it len inpid iri-ge it-nen kwaridnak mende bem-e lag-o. Are at-nen it unpud kaso bem-net len inpij-o. Nde, it-nen kwaridnak mende bem len inpidnggal-e, it unpud kaso elem iri-ge ebe lak yeleb-o.

OROMA 9:18

Iri ala-ge, Mbal Pem Nagawan indi-n peraidnak pem-net ap unpud kasolat, at indi-n peraidnak pem-net ap inndi amawi rak posolat yoso-o.

OROMA 9:21

Nggweyak yimbe konoso nap-nen-e ndangen nggweyak iri-ge at indi-n puruk nak-nen konoso-o. Nggweyak lubarak misik-nen-e yimbe mberen konosolar-e, misig-e yimbe konak irit konosolat, nde, misig-e we meya nggal konoso nar-o.

TUGURUK YIDNAK WENE 10:22

Nde, mondog-et kit konmborak Mesira mbiriga-ge enpe-ge tuju pulu (70) nak mbiriga-t nde, Nagawan Indo Kenmbal Pem Nagawan-nen-e kenpe kwarat tak konposolar-e, wonaru mbal pem woraso nggal kwarat wonarurak puk tak kinpij-o” yij-o.

TUGURUK YIDNAK WENE 4:37

At-nen konmborak unpud kasolar-e, it-nen wigarak kit len kunpuruk, amawi kwarat pem Mesira-nen lesa wok kunpuruk lobok yij-o.

1 YOANES 3:1

Nineid-nen nit nenabuwa kwarat kaidnak pem ap-nen nit ninmin-e ”Mbal Pem Nagawan ilirag-o” luk yak nindili bem wir-o! Nde, nir-e ndemeret at ilirak-net yili-o. Iri bem-nen nggweyak ma nap-nen-e nit Nineid enaru buk woragwi me, nit na yenggerak ninpili bug-o.

1 YOANES 4:10

Enabuwa kagwi elem-e yur-o. Nit nanduk-nen Mbal Pem Nagawan abuwa kaige-ge lag-o. Are, at-nen nit nenabuwa karuk, nit meya yidnak amberam tak puwakluk at Ambara pil mbuwagaij-o.