TUGURUK YIDNAK WENE 7:5 - Nanduk Ngget Tul Pidnak Wene

⁵ Iri bem-e ap enlem ereba-nen enmbal pem nagawan amanggim kan pugwi ondoro ereba-ge mondok ndamera keya ber-o. It-nen erembel wanugwi kerep sindil lobok yidnak ereba-ge mondok yigisa keya ber-o. Kugwi Asera erembel wanugwi e ereba na-ge ndara keya ber-o. Kugwi ut memera ndak wiridnak erembel wanugwi ereba-ge kan per-o.

TUGURUK YIDNAK WENE 7:5 ပူးပေါင်းရင်းမြစ်များ

MBIRIGA WENE 23:24

Erem nin nap-nen erembel wanugwi kugwiwak ereba erembel wanogolat, it-nen kek tak pogolat kwarugwi abage ereba na mondok kit-nen mumururak pug-o. Unkugwiwak it-nen erembel wanugwi ereba-ge yigisa keya bogolat, it-nen erembel wanugwi kerep mot ereba-ge ndamerak per-o.

MBIRIGA WENE 32:20

Iri rak purug-e, Isarael nap-nen ndak wiriga sapi iri na wanosolar-e, kan ma woraga yigisa mabe rak pij-o. Iri rak purug-e, yi min naruk karuk tak puruk, Isarael nap mak indij-o.

MBIRIGA WENE 34:13

Iri ala, kir-e iri nggal-e kwarurak pug-o. Are, unkugwi amanggim pugwi ondoro-ge mijara keya bogolat, it unkugwiwak na ndamera keya bogolat, it-nen unkugwi Asyera iri erembel wanugwi e sindil lobok yidnak ereba-ge ndarak pogolat kwarurag-o.

TUGURUK YIDNAK WENE 7:25

It-nen erembel wanugwi kugwiwak ininggi-nen ndak wosa pidnak mende ereba-ge mondok kan purag-o. Kugwiwak ereba bem panggarak pidnak emas ala na, perak ala na, kit-nen ukwe luk mondok wanurak pug-o. Kit-nen nde wene iri kwid togola-ge, Nagawan Indo ge kugwiwak erembel wanugwi iri-ge mondok isili me, kir-e mondok wat yugub-o.

TUGURUK YIDNAK WENE 9:21

Nde, kit-nen posid logam pem sapi ndak wirigep iri na-ge an-nen kan puruk, ndamera yigisa mabe nggal tak puruk, mabe-ge yi waru ndobo bem-nen mburusu iri na arem mberak pigi-o.