TUGURUK YIDNAK WENE 7:2 - Nanduk Ngget Tul Pidnak Wene

² Ap enlem ereba nde Nagawan Indo Kenmbal Pem Nagawan-nen waga kininggem posola-ge, kit-nen urugwe nggwe rak unpuruk, oboksa undurag-o. Enabuwa kagolat, inmin are kondogolat mondok kwarurak pug-o.

TUGURUK YIDNAK WENE 7:2 ပူးပေါင်းရင်းမြစ်များ

NDAK WIRIDNAK WENE 14:20

Wim nap urugwe nggwe rak unpuruk, ombol nggwe rak kibid Mbal Pem Nagawan Mondok Kek tak iri nak erembel wanugwi irit wolmag-o” luk yak tij-o. Yak tosoloma-ge, Abaram-nen-e at-nen wim kugun pem wanid yi mende ndi mende ereba na enggep lombok menggesa karetkwe irit Melkisendek wok tij-o.

ESERA 10:3

Iri-ge, ’Yawo nir-e enlem nin kweyap wanige yeba-ge mondok inlirak inmin ndegera langgara wirik unpul-o’ luk Mbal Pem Nagawan imbiri bem owak mbaruwog-o. Iri rak puruk, nir-e kat min Mbal Pem Nagawan enpem pidnak wene ereba na kwarugwi nap min-nen nenpem pugup wene ereba na ndak ndak nak kwarul-o. Iri yogolar-e, Mbal Pem Nagawan-nen idnak imiri mbarak pidnak wene nak kwarul-o.

MBIRIGA WENE 22:20

Nagawan Indo an namanggim nak wam wosa kan purag-et nde, ta-nen nde Mbal Pem Nagawan nin amanggim wam wosa kan posola-ge, mondok wururag-o.

WONARIDNAK WENE 21:2

Nde, Isarael nap-nen Nagawan Indo imin owak mbarogolat-nen watsa yogolar-e: ”Kat-nen nde ap enlem yu nit nininggem kegera pugunmu-ge, mondok unuwi siri min lak yaga keya unpul-o” yiga-o.

TUGURUK YIDNAK WENE 13:8

enne na mondok kulurak puk. Kinndi lunuwakluk larok na yurak puk. Enabuwa na kudtak puk. Mondok inmiri na yurak pug-o.

TUGURUK YIDNAK WENE 13:9

Mondok kerep pem nak abu wururag-o. Kat nanduk-net lel kasola-nen ap ereb-e kimbirik-nen wururag-o. Nit anggun panggun tak ninpiga sa Mesira-nen wisirik ninpid Nagawan Indo Nenmbal Pem Nagawan iri na eram-nen erepma rak nonposolat lugud tak nenpeyekluk yusu iri-ge mondok abu wururag-o.

TUGURUK YIDNAK WENE 31:5

Nde, Nagawan Indo-nen-e it urugwe nggwe rak unpuruk, kir-et ombol nggwe rak kunpuwama, kit-nen it kwat onpogolar-e, an-nen yak kundusu yeba ndak ndag-et kwat unpugub-o.

TUGURUK YIDNAK WENE 33:27

Mbal Pem Nagawan-e pem kit nggetlel kunpuruk woraso-nen yusu-o. Pem woraso erabit pem kit yogo kunpuruk worasu-o. At-nen kunuwim nap kenndam-nen maga wirik onposolar-e, ”Mondok lak tak enper-o” yak kindij-o.

TUGURUK YIDNAK WENE 7:16

Ap enlem oboksa Nagawan Indo Kenmbal Pem Nagawan-nen waga kininggiyapma rak posola-ge, mondok unduruk lak tak unpurag-o. Enabuwa na yurak puk. It enmbal pem nagawan na mondok erembel wanurak puk. Kit-nen iri kwarogola-ge, iri-nen ndowaga mondok kenare pugub-o.

TUGURUK YIDNAK WENE 9:3

Alat nde, yawo-ge Nagawan Indo Kenmbal Pem Nagawan-e lak tak poso kanduk nggal iri na lit kunpuruk mborosolar-e, at-nen kunuwim nap urugwe nggwe rak unpuwa iri-ge kenlengen-nen kagub-o. Iri rak onposola-ge, kit-nen-e at-nen urul yak kindid iri na ndak ndag-et maga wirik onpogolat ndag-et nde lak tak unpugub-o.

YOSUA 2:14

Yosoloma, ap mberen ereya na-nen wene onggo yak togolar-e: ”Nagawan Indo-nen nde o yu nit nininggem posola-ge, mondok konag-et kwat kunpul-o. Alat nde, mbigija-ge kat-nen nit nonpok lek kagit lak yugun iri nag-o. Nde, nit-nen kinmiri yurak yige iri nde kwarigit lak yogola-ge, Nagawan Indo-nen imbiri lamut tak nunpuwag-o” luk yiga-o.

YOSUA 8:24

Isarael nap ap kere ereba na-nen wim nap it muk iniyuruk ap lak ma karu me mbiriga ereba na-ge oboksa indiga-o. Iri luk, tuguruk Ai lobok yogolar-e, iri me woraiga yengge wam oboksa indiga-o.

YOSUA 9:24

Yosoloma, it-nen onggo yogolar-e: ”Nit iri yige iri-ge Nagawan Indo kat-nen erembel wanoso iri-nen ndegel oboso nap Musa ebem pamu, o yu nggweyag-e nap kat wok keramu, o yu me woragwi nab-e kat-nen oboksa ondosolat, onggweyak wanosolar-e, nit min-et nundugun naru-nen kwiye-nen ereba-ge kwarige-o.

YOSUA 9:7

Alat nde, Isarael nap-nen yogolar-e: ”Noluk-nen nir-e kit kinmin are kundurak yili-o? Kit woragwi sa-ge koroga yeba-t nde yili, lak?” luk yak indiga-o.

WENE MBENARUGWI NAP-NEN KWARIDNAK WENE 2:2

Iri bem-e kir-e o yu woragwi nap inmin-e mondok are kundurak pug-o. It unkugwiwak amanggim kan pugwi ondoro ereba-ge mondok mijara keya burag-o’ luk yak kindigi-t nde, kit-nen iri nggal kwarigit lak yogolat, kwarurak puk yigi iri na nde kwatli-o.