TUGURUK YIDNAK WENE 4:7 - Nanduk Ngget Tul Pidnak Wene

⁷ Ap enlem nggog-e tarak nggal-nen Nagawan Indo nit Nenmbal Pem Nagawan nenndam koroga woralat, nit-nen nggi yogola, yongga nundusu yu nggal it enmbal pem nagawan mbi enndam panggorak worasu-a?

TUGURUK YIDNAK WENE 4:7 ပူးပေါင်းရင်းမြစ်များ

2 SEMUEL 7:23

Isarael nap nak perak nde kat-nen kondomok kilirak tak enpeyekluk anggun panggun tak unpugwi sa Mesira-nen wisirik inpigen iri nggal yi wi ndi wi oboksa ap enlem Isarael nap nggal mbi worali bug-o. Kat-nen kwat inpigen mende nggok ereba-nen ndowaga kat kanggu kobok yi wi ndi wi mburusu-o. Kat kilirak-nen ap enlem nin nap enpem kore yogola-ge, enpe min-et unkugwiwak min-et kat-nen maga wirik inpigen-o.

NDAWI ENGGA 145:18

At iri-ge ap-nen at eram wene mbo bogolat, ndemeret inndi-net at ebem nggi yogolat kwatli nap endam woraso-o.

NDAWI ENGGA 148:14

At-nen-e at ilirak amawi wok ondosola, at ilirak indi kundik Isarael nap-nen-e at nak erembel wok tenak worali-o. Nagawan Indo nak erembel wanurag-o!

NDAWI ENGGA 34:17

Nagawan Indo inndi aye worak woragwi nap-nen at eram wene mbo bil lagola-ge, at-nen enne kuluruk, anggun panggun kagwi arem-nen inmiri yoso-o.

NDAWI ENGGA 34:18

Nagawan Indo-ge ”Ngge kwarimin-o?” luk inndi kabak yidnak nap inmin-et woraso-o. Inndi engga nggwe mbiridnak nab-e at-nen-e inmiri yoso-o.

NDAWI ENGGA 46:1

Mbal Pem Nagawan iri-ge nit kurak yugwi nondoro min nenmawi elem min-nen yusu-o. Mangonokma rak ninpidnak woragola-ge, at iri-ge yongga nundurag-e pempa ndak lid lud tak puruk woraso-o.

NDAWI ENGGA 73:28

Alat nde, an perak nde Mbal Pem Nagawan eram wolmomtag-e mondok konak lombog-o. Nagawan Indo Mbal Pem Nagawan-e an-nen-e an kurak yoso nondoro rak pusu-o. Iri kwarusu iri-ge at-nen kwaroso wene-ge an-nen wigareyekluk-nen kwarusu-o.

YESAYA 43:4

An nerengen pem kar-e mondok nggok-net yusu-o. An-nen-e kat kek tak kobosolat, kabuwa-t kasu me, an-nen-e kat kondolma-ge ap posolat, nde, kimiri yosolar-e, ap enlem kwarat ereba pimin-o.

YESAYA 55:6

Nagawan Indo worasola ya-t at eram mberer-o. At koroga worala ereya-t wene mbo eber-o.

WONARIDNAK WENE 23:21

Yakup ebem-e meya mbi kagit lag-o. Isarael ebem-e anggun worak mbi ebem kasu bug-o. Nagawan Indo Enmbal Pem Nagawan-e it inmin worasu-o. It-nen enne nggok pem yogolar-e: ’Ar-e nit nennggendumu Nagawan-net yusu-o’ luk yili-o.

WONARIDNAK WENE 23:9

Ndobo ereba anggul pem-nen Isarael nab-e yik iniyil mbirigi-o. Ndobo amun ereba bem-nen eneyagi-o. It iri-ge ap enlem nin nap inmin nat karug-e lak. It nag-et lenak eneyagi-o.

YIDNAK YIDNAK WENE 17:27

Ap-nen Mbal Pem Nagawan ogore yuwakluk-nen ndak worak inpij-o. Ar-e nit nenambiktak lombok ninmin koroga worasu-t nde, at ogore yogolar-e, ininggi pak pak kore yugwi nggal at tenaga wok ubuwakluk ndak worak inpij-o.

TUGURUK YIDNAK WENE 26:19

Nagawan Indo-nen-e at-nen ndak wat inpid nap oboksa ennggendumu-nen kir-e mondok kek tak kunpuwama, kentembel wanogolat, kit nak kunnu kek tak pogolat yuwa-o. Kir-e at-nen urul yak kindid iri na ndak ndag-et at ilirak kwat yugub-o” luk yak indij-o.

TUGURUK YIDNAK WENE 33:29

Isarael wa-e. Kalen pem wolmin-o! Ap enlem ereb-e Nagawan Indo-nen kimiri yidnak worasu iri nggal mbi inmiri yidnak worali bug-o. Nagawan Indo iri-ge kat yongga korosolat, kat ombol nggwe rak kobosolat kwarosolar-e, keyalawi nggal, kundumno nggal-nen yusu-o. Nde, kat kuwim nab-e: ”Nenabuwa ki-o” luk kemengen mbaril lobok yogola-ge, kat-nen kuwok liri rak unpugun-o.

TUGURUK YIDNAK WENE 4:32

Kit ndet yigit lak ma nanduk-nen kwaridnak ereba mbenarogolat, Mbal Pem Nagawan-nen ap nggweyak ma yu me ndak wosa inpid kuri mbenarogolar-e, nggweyak urugwe ombol na mbenarer-o. Wene nggok yu nggal-e mbi kwat yamu kagup, lak? Are, yu nggal-e mbi kwat yamu-o luk ap-nen yugwi, lak?

YAKOBUS 4:8

Kit-nen-e Mbal Pem Nagawan eram panggosa mborogola-ge, at-nen-e kit kendam panggosa lobok yuwa-o. Meya yugwi nap wa-e. Kininggi marer-o. Kinndi mberen nap wa-e. Kinndi mbek tak per-o.