TUGURUK YIDNAK WENE 4:1 - Nanduk Ngget Tul Pidnak Wene

¹ Musa-nen Isarael nap yak ondosolar-e: ”Kit kunlug-et Nagawan Indo konmborak Enmbal Pem Nagawan-nen wok kunduwa o iri me nggugupndik woraboklug-e, an-nen mirik kunpusu yeba oboksa-ge ndak ndag-et kwarogolat wolmer-o.

TUGURUK YIDNAK WENE 4:1 ပူးပေါင်းရင်းမြစ်များ

NDAWI ENGGA 105:45

Iri kwarid iri-ge at ilirak-nen at-nen imiri mbarak pidnak wene wok indid iri na-nen yidnak yidnag-et kwarogolat, at-nen ”Irit kwarurag-o” luk enpem pidnak ereba na ndak ndag-et kwarogolat wolmakluk-nen kwarij-o. Nagawan Indo nak erembel wanurag-o!

MBIRIGA WENE 18:20

Kat-nen-e it-nen kwaruwakluk Mbal Pem Nagawan-nen enpem pidnak wene kona ndindera yak ondosolat, it konak nak wolmomtak wene min mondok it-nen kwarurak wene min mul undurag-o.

YESKIEL 36:27

Nde, an nindi-ge kit kinndi arem nggilara nggorak pimin-o. Kit woragolar-e, an-nen imiri mbarak pidnak wene ereba na ndak ndag-et kwarogolat, an-nen kenpem pidnak ereba na-nen yidnak yidnak kwarogolat worabokluk an-nen-e yik keneyarok woramin-o.

YESKIEL 37:24

It enlem mberen woragwi iri-ge lambuksa misiget tak unpuruk, it iri-ge an ndegel noboso Nagawan Ndaut nggal nagawan misik-nen tena unpuruk pem irit woralik nalik wolma-o. Iri kwasa woragolar-e, mondok tugup lak pempa an-nen idnak imiri mbarak pidnak wene ndak ndak nak irit kwat tenak wolma-o. Nde, an-nen Yakup wok tigi nggweyak, it onmborak-nen woraiga nggweyak iri na me-t it na irit, it-nen wigarak-nen na irit, pem irit iri na me wolma-o.

TEPAN OMBO-NEN KWARURAK WENE 19:19

An-nen ’Iri kwarurag-o’ yak kindidnak nak kwarogolat wolmer-o. Wam unu misik mende-nen wam unu misik mende iye nujwakluk eram purak pug-o. Yakwi mende engen-e unu ariktag-et nde, ondoro misik me lambuksa yagurak pug-o. Nde, sum-e kere unu ariktak pem-nen yagidnag-e mondok yururak pug-o.

TEPAN OMBO-NEN KWARURAK WENE 19:37

An-nen ’Iri kwarurag-o’ luk watsa kenpem pigi oboksa ndak ndag-et kwarogolat wolmer-o. An-e Nagawan Indo-nen yusu-o” yij-o.

MATIUS 28:20

an-nen ’Iri nggal mer-o’ luk yak kindigi wene oboksa-ge it mul ender-o. Yebet yebet tak wolmer-o. An-e pempa-t kit kinmin irit worasoma, woroksiyem wok ma-o” luk yak indij-o.

LUKAS 1:6

Nagawan Indo-nen ”Irit kwarurag-o” yidnak min imiri mbarak pidnak wene min iri-nen yidnak yidnak nak kwarogola-ge, Mbal Pem Nagawan-nen it enmberek eneyasolar-e, it enmbereg-e mot mot kwarugwi irit eneyagaij-o.

YOANES 15:14

Nde, kit-nen nde an-nen kenpem pidnak wene na nak kwarogola-ge, kir-e an nanggamirak-nen yili-o.

OROMA 10:5

Imiri mbarak pidnak wene-nen yidnak yidnak kwarugwi bem lud tak nak unpuwa nap onowene Musa-nen engga mbarosolar-e: ”Imiri mbarak pidnak wene-nen yidnak yidnak kwaruwa nab-e, iri bem-net unlug-et wolma-o” luk mbarij-o.

TUGURUK YIDNAK WENE 1:3

It Mesira keya buruk mbirigarig-e, waneya sebelas tanggal satu olengen-e empat pulu iri bem-e Nagawan Indo-nen Isarael nap yak unduwakluk ebem pid wene ereba na oboksa Musa-nen-e Isarael nap yak indij-o.

TUGURUK YIDNAK WENE 1:8

O ereba oboksa-ge Nagawan Indo an-nen konmbo Abarakam min Isak min Yakup min it-nen wigarak min ”Wok kindimin-o” luk urul yak undukmu-o. Iri yidnak me, kir-e mburugupndig-e, o ereba winde yer-o’ yij-o” luk yak indij-o. 1:9–3:29 Pasal 1 erep min Pasal 2 min Pasal 3 min ereya arem-e it Isarael nap Sinai ndobo bem-nen mbirigarik, nembaga ereba me waring kagolat-nen kwaridnak wene nggok nggal ereba na tuguruk Musa-nen ndindera yak indidnak wene mbarak worasu-o.

TUGURUK YIDNAK WENE 11:1

TUGURUK YIDNAK WENE 13:1

Kit kennggendumu-nen nde abok-nen kwat yurak wene urul yoso nap ala na, nabi ludtak nak kaso nap ala na-nen nde ’Kagwi buk mende ala na, wi yurak mende ala na kwat ma-o’ luk urul posola-ge,

TUGURUK YIDNAK WENE 30:16

Nde, kir-e yi mende ndi mende kwarat winde yogolat, kenlem nggok yoboklug-e, kit-nen Nagawan Indo Kenmbal Pem Nagawan abuwa kagolat, at-nen yidnak yidnak nak kwarogolat, at-nen imiri mbarak pidnak wene kenpem pid oboksa kwarer-o luk yawo yak kundusu-o. Nde, Nagawan Indo Kenmbal Pem Nagawan-nen-e o yanem kit nggugupndik iri me woragola-ge, imbiringgat tak kunpuwa-o.

TUGURUK YIDNAK WENE 30:19

Yawo-ge kit nak-nen lembener-o. Kunluk wolmomtak nde wanugup, lak? Are, wat momtak nde wanugub-a? Imbiringgat lem nde wanugup, lak? Are, imbiri lamut lem nde wanugub-a? Kit nak-nen lembener-o. Kit-nen wene nggaruksa yugup iri-ge mbal min nggweyak min aru-o. Kit-nen-e kunluk wolmomtak irit waner-o.

TUGURUK YIDNAK WENE 30:20

Nagawan Indo Kenmbal Pem Nagawan abuwa kagolat, mot mor-et at-nen yidnak yidnak nak kwarogolat wolmer-o. Iri yogola-ge, kit min kit-nen wigarak min-e Nagawan Indo-nen o konmborak Abarakam min Isak min Yakup min wok kindimin-o luk urul yak indid o iri na me woragolat, kunluk mot pem-et woragub-o” yij-o.

TUGURUK YIDNAK WENE 4:40

Kit min kit-nen wigarak min Nagawan Indo Kenmbal Pem Nagawan-nen pempa winde worabokluk wok kundusu o nggweyak iri na me yamuksa worabok-nen imiri mbarak pidnak wene yawo an yak kundusu yeba-ge oboksa kwarogolat wolmer-o” luk yak indij-o. 4:41–5:33 Pasal 4 erep min Pasal 5 min ya arem-e mo luwaso (timur) ambigit Yareren eyak ponok nggwe ap nde inndi-nen mengesa peragit lak ma undurug-e, ondomok inmiri yurak nggugwi o siri unnu mbarak min imiri mbarak pidnak wene sepulu iri na min mbarak worasu-o. (Wonaridnak Wene 20 iri ker-o.)

TUGURUK YIDNAK WENE 4:8

Ap enlem nggog-e tarak nggal-nen imiri mbarak pidnak wene mot mot an-nen yawo mul kundusu yu nggal mbi it tena worali-a?

TUGURUK YIDNAK WENE 6:1

Musa-nen yosolar-e: ”O yanem nggugupndik woragup sa iri me woragolat-nen kwat tenak wolmomtak kenpem pidnak wene yeba oboksa Nagawan Indo Kenmbal Pem Nagawan-nen-e kit mirik kunpuwakluk nebem pamu-nen yak kundusu-o.

TUGURUK YIDNAK WENE 6:24

Nagawan Indo Nenmbal Pem Nagawan-nen nit nenpem posolar-e, at-nen nenpem pidnak oboksa kwarogolat, at nak kek tak uburag-o. Nit-nen nde iri nggal-et kwarogola-ge, at-nen-e nit nenlem nab-e kwara ndegel onposolat, pem enalen worag-et wolmakluk ndegel unpuwa-o.

TUGURUK YIDNAK WENE 7:11

Iri ala-ge, kwarurak pem kenpem pid wene an-nen yawo yak kundusu yeba ndak ndag-et kwarogolat wolmer-o.

TUGURUK YIDNAK WENE 8:1

Musa-nen yosolar-e: ”Nagawan Indo-nen konborak urul yak indidnak wi iri na me kunluk woragolar-e, kwarat wigak yogolat, o iri na winde yoboklug-e, imiri mbarak pidnak wene oboksa an-nen yawo yak kundusu yeba-ge mondok mot mot nak kwarogolat wolmer-o.

TUGURUK YIDNAK WENE 8:11

Musa-nen yosolar-e: ”Nagawan Indo Kenmbal Pem Nagawan meme rak pul naru, mondok kwara yik karok wolmer-o. At-nen idnak imiri mbarak pidnak wene yawo an-nen yak kundusu yeba-ge misiger-o luk mondok nano nano rak purak pug-o.

TUGURUK YIDNAK WENE 9:1

Musa-nen yosolar-e: ”Nenggamirak Isarael nap wa-e. Kwara koler-o. Yawo-ge yi Yareren mbatluk ndil lugupndik, kir-e kenlem na marik, kenmawi na lag-et nde, ap enlem terak minik nggok-nen enmawi worak unuwi nggweyak iri na me kore yurak pem ndil lagub-o. Nde, it unuwi siri-ge yok nggok nak, nde, o siri yeba pag-e nggasiril abu laidnag-o.

YOSUA 3:9

Yosoloma, Yosua-nen Isarael nap wene mbo unpuruk-nen yak ondosolar-e: ”Nagawan Indo Kenmbal Pem Nagawan-nen kenpem puwa wene-ge kwara kolobok-nen lobok yer-o.