TUGURUK YIDNAK WENE 26:2 - Nanduk Ngget Tul Pidnak Wene

² kit-nen keneyapmu yakup mende oboksa nandug-et anggul mbara mbarugup ereba na-ge mul sum misik arem yarak puruk, waruk Nagawan Indo-nen ondoro lenak pid iri na me pil mbururag-o.

TUGURUK YIDNAK WENE 26:2 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 4:42

Nde, misik tarem-e ap misig-e o Mbaal-Salisa-nen lobok yosolar-e, nggandum mbato ngget mbarak min olengen iri arem-nen nggandum mbato nandug-et ngget mbara pidnak pem-nen woraidnak oroti dua pulu min irit Elisa wok til lobok yamu-ge, Elisa-nen-e: ”Mbal Pem Nagawan ene lomboksa yugwi nap ereba na tembet indi-o” luk ndegel oboso nap iri na yak tij-et nde,

MBIRIGA WENE 20:24

An namanggim wam wosa kan purak ondoro nggweyak-nen kona ndamil li-o. Ndamuruk iri na bem-e kowam sapi min lomba min-e an namanggim wosa kan pogolat, an nimin kundurak pem wosa kan pogolat wolmomtag-o. Nde, an nerembel wanogolat wolmomtak ondoro an-nen lenak pidnak sa ereba na me an-e lobok yosolar-e, imbiringgat tak kinpimin-o.

MBIRIGA WENE 22:29

Kit-nen an namanggim pogolar-e, an namanggim purag-o luk wat tak pidnak tarem-et kit keneyapmu-nen ebe yidnak mbato min anggut engen amburu min saitun engen amburu min an namanggim purag-o. Nde, kinlirak li ap manggiya na an wok nururag-o.

MBIRIGA WENE 23:16

Nde, misig-e olengen iri nggoboksa lak yosola ndak ndag-e kit keneyapmu-nen yagidnak anggut engen min engen kerengen min mbara ndok worogolat ereya na-ge kir-e O Lije Engga Kerengga Wi Wutluk Sakwi Tarem yebet kudtag-o.

MBIRIGA WENE 23:19

Pempa olengen ndak wosa kit nen yagidnak mbato anggul mbara mbarugub-e Nagawan Indo Kenmbal Pem Nagawan an nama pil lobok yurag-o. Lomba marik ala na, kambing wam marik ala na, ija agamo amburu min-e mondok sagurak pug-o” yij-o.

MBIRIGA WENE 34:26

Nagawan Indo Kenmbal Pem Nagawan an nama waruk lobok yogolar-e, konnggweyak pem yagidnak nandug-et mbaridnag-e olengen ndak wosa pempa waruk lobok yurag-o. Lomba amarik mbarak min kambing amarik mbarak min-e ambik ija agamo engen min-e sagurak pug-o” yij-o.

YEREMIA 2:3

Isarael kar-e an nondomok narengge, nindi pungen, nindi kundugu woraigenma-o. An-nen-e lak tak onposo mende-ge kat andi bandi rak kibiga nap oboksa enpem mberak posolat woragi-o. Nagawan Indo an-net yigi-o’ yak indi-o” luk yij-o.

OROMA 11:16

Nandug-et mbaridnak oroti-ge Mbal Pem Nagawan amanggim lenak pidnak nde ala-ge, oroti erep konidnak pidsa na irit Mbal Pem Nagawan wok tidnak-nen yusu-o. Nde, e emengen iri-ge Mbal Pem Nagawan amanggim lenak pidnak nde ala-ge, inggi ngga min-et ndoksa at arengge-net yusu-o.

OROMA 16:5

It enma ndok wurugwi lambuk tak inpidnak nap na inmin-e ”Wa yak kindij-o” luk yak undurag-o. O Asia-nen nandug-et Kerisut ebem indi angin tubu yid nap, nanggam nindi kundik Epenetus na imin-e ”Wa yak kirij-o” luk yak turag-o.

OROMA 8:23

Alat nde, ndak worak inpidnak mende it nak yane witli-ge lag-o. Nit-nen na ninndi arem-nen yane witli-o. Nde, Mbal Pem Nagawan-nen nandug-et we wok nindid Konak Indi wanige nap nir-e nenpe ebis-et weserak nunpuruk, Mbal Pem Nagawan ilirak tak nunpuwakluk yik karok woragolar-e, yane witli-o.

1 KORINTUS 15:20

Alat nde, Kerisut-e ndemeret wat yidnak nap ennggendumu-nen uruk tak pidnag-e, tel korak posolat-nen at uruk tak parik pem wat yidnak nap na irit unluk tak puwa-o.

1 KORINTUS 15:23

Alat nde, it ondomok tak-nen nit nit men yogolar-e: tel korosolar-e, Kerisut na uruk lug-e, imbirig-e at lobok yuwa tarem-e Kerisut arengge wolma nab-e unluk ma-o.

1 KORINTUS 16:2

An lobok yosola tarem nak-nen tol ndok wuru-ge lag-o. Are, pempa pempa Hari Minggu tarem ndok worogolar-e, kit kenarik tak-net kontol wanugwi ndak ndak tol ereb-e menggesa ndok worogolat wolmer-o.

TUGURUK YIDNAK WENE 26:1

Musa-nen yosolar-e: ”Kit nde Nagawan Indo Kenmbal Pem Nagawan-nen kunduwa o iri na me nggugupndik woragolar-e,

TUGURUK YIDNAK WENE 26:3

Iri luk, iri tarem tepan ombo iri me yabu wanosolat wolma iri na yak togolar-e: ’An-e yawo Nagawan Indo Nembal Pem Nagawan para yak tusu-o. Nit wok nundurak pem nonmborak urul yak indid iri na me ngguwagi-o’ luk yak turag-o.

YAKOBUS 1:18

At ondomok indi-n pidnak pem-net lud tak nak yoso ene bem-nen-e nit ndak wat nonposolar-e, at-nen ndak worak pidnak tengge oboksa ennggendumu nir-e at indi kundik tak nenpeyekluk, ndak worak ninpij-o.

NAM PARA WENE 14:4

It iri na-ge kwami inmin nene yugwi buk me, kopkap lak-nen yili-o. Ir-e kwami wanugwi buk-nen yili-o. Nde, ir-e Lomba Wam Marik na mbiridnak sa nak imbirik nak nugwi-o. It iri-ge nggweyak ma nap ennggenggerak-nen onnggo bidnak nap me, ir-e nanduk nandug-et Mbal Pem Nagawan min Lomba Wam Marik min enmanggim wosa inpidnak-nen yili-o.