TUGURUK YIDNAK WENE 24:3 - Nanduk Ngget Tul Pidnak Wene

³ siyak woraruk-nen nde isili rak puruk, kwe iri na keya burak engga mbal turuk langgara wirik posolat ala na, un abok wanidnak iri na wat yidnak ala na,

TUGURUK YIDNAK WENE 24:3 ပူးပေါင်းရင်းမြစ်များ

YESAYA 50:1

Nagawan Indo-nen Isarael nap yak ondosolar-e: ”Nilirak wa-e. Kit kinndi-nen yebet kagolar-e: ’Ununtak-nen onkwerak langgara wirik inpili iri na nggal Nagawan Indo-nen wirik nunpusu-o’ luk perali-a? Iri nde peragolat ala-ge, ’Keya kinpimin-o’ luk engga mbal kindigi-ge ngge-o? Kit kinndi arem-nen peragolar-e: ’Namat wanidnak pem ilirak namat uwi yaga arengge ombo wok indili iri na nggal ap enpem Nagawan Indo-nen nonnggo yarusu-o’ luk perali-a? Iri nggal-e lag-o! Kit kondomok-nen wene kwid togolat, meya kwarogolat kwarigep iri na bem-nen kamasa mbo kinpil mbiriga-o.

MATIUS 5:31

Nde, nanduk-nen na yogolar-e: ’Ap-nen ogwe keya peyeklug-e, ”Keya kibigi-o” luk engga mbara wok tuwag-o’ luk yidnak worasu-t nde,

MARAKUS 10:4

it-nen yogolar-e: ”Musa-nen yosolar-e: ’Ap-nen kwe keya bogolar-e, engga mbara wok turuk-nen keya burag-e konag-o luk yij-o’ ” luk yiga-o.

TUGURUK YIDNAK WENE 24:1

Musa-nen yosolar-e: ”Ap misik-nen kwe ndugum misik wanuruk worasoma nde, kwe iri na-nen meya ap iri na inggiri rak purak mende mbi kwaridnak ala karuk, isili rak posolar-e, ap iri na-nen-e kwe iri na keya burak pem engga mbal turuk langgara o ma-nen wirik purag-o.

TUGURUK YIDNAK WENE 24:2

Nde, abok kwe iri na ap misik-nen wanuwarik-net nde,

TUGURUK YIDNAK WENE 24:4

kwe iri na-ge un nandug-et keya ubuwa iri na-nen-e tuguruk mondok wanurak pug-o. At-nen kwe iri yik kasolar-e, emben to rak pidnak kwe irit yik kudtag-o. Alat nde, at-nen tuguruk kwe iri na wanuwa nggal-e, Nagawan Indo Kenmbal Pem Nagawan mbilaro ngin tak ubugup naru, mondok wanurak pug-o. Nagawan Indo-nen wok kunduwa wi iri na woragolar-e, meya iri mende-ge mondok kwarurak pug-o.