TUGURUK YIDNAK WENE 13:9 - Nanduk Ngget Tul Pidnak Wene

^9-10 Mondok kerep pem nak abu wururag-o. Kat nanduk-net lel kasola-nen ap ereb-e kimbirik-nen wururag-o. Nit anggun panggun tak ninpiga sa Mesira-nen wisirik ninpid Nagawan Indo Nenmbal Pem Nagawan iri na eram-nen erepma rak nonposolat lugud tak nenpeyekluk yusu iri-ge mondok abu wururag-o.

TUGURUK YIDNAK WENE 13:9 ပူးပေါင်းရင်းမြစ်များ

YIDNAK YIDNAK WENE 7:58

at na-ge o silmu-nen leget ambaram nggwe lit kuruk mbirigarik, kerep pem wiriga-o. Nde, at obok mbariga nab-e unsum-e sugwe misik unu-ge Saulus na eram ndok wosa piga-o.

YOANES 8:7

Nde, it na-nen wene iri na yak terenak kundugu ala karug-e, Yesus na pugak luk-nen it yak ondosolar-e: ”Kit kennggendumu-nen meya yoso buk nap mbi worala-ge, at nanduk-net kerep waga kwe yu wuruwag-o” luk yak indij-o.

LUKAS 14:26

”Ta-nen nde an neram lobok yosolar-e, at eid ija min ogwe la min owe owosi min at ondomok indi min isili rak pigit lak-nen-e an nimbirik noso nap momtag-e meya-o.

MATIUS 10:37

Ta-nen nde eid ija enabuwa nggulok tak posolat, an nabuwa marik tak pusu nab-e an nap kwat momtag-e meya-o. Nde, ta-nen nde at ambara nde ara nde nak enabuwa nggulok tak posolat, an nabuwa marik tak pusu nab-e an nap kwat momtag-e meya-o.

TUGURUK YIDNAK WENE 7:2

Ap enlem ereba nde Nagawan Indo Kenmbal Pem Nagawan-nen waga kininggem posola-ge, kit-nen urugwe nggwe rak unpuruk, oboksa undurag-o. Enabuwa kagolat, inmin are kondogolat mondok kwarurak pug-o.

TUGURUK YIDNAK WENE 7:16

Ap enlem oboksa Nagawan Indo Kenmbal Pem Nagawan-nen waga kininggiyapma rak posola-ge, mondok unduruk lak tak unpurag-o. Enabuwa na yurak puk. It enmbal pem nagawan na mondok erembel wanurak puk. Kit-nen iri kwarogola-ge, iri-nen ndowaga mondok kenare pugub-o.