TUGURUK YIDNAK WENE 12:3 - Nanduk Ngget Tul Pidnak Wene

³ It-nen unkugwiwak amanggim kan pugwi ondoro-ge mijara keya bogolat, it-nen erembel wanugwi kerep sindik ereba-ge ndamera keya bogolat, kugwi Asera ut memera ndak wiridnak ereba-ge kan pogolat, kugwiwak ininggi-nen ndak wiridnak ereba-ge yigisa keya bogolat kwarugupmu, it-nen ereba me erembel wanugwi ereba na-ge mondok tuguruk erembel wanigit lak mag-o.

TUGURUK YIDNAK WENE 12:3 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 23:14

It-nen erembel wanugwi kerep mot konidnak ereba na min kugwi Ndewi Asera ut memera konidnak ereba na min ereba na-ge langgona mbud tak pij-o. Iri rak puruk, kerep mot min kugwiwak ndak worak min woragid ondoro ereba me-ge Yosia-nen-e ap onowak nggilarak ereba na ligik puruk keya bij-o.

NDAWI ENGGA 16:4

Kugwiwak erembel wanili nab-e pempa kwarat inndi abi kalok yogolat wolmag-o. An-e kugwiwak amanggim wam wosa kan posolat wolmomtag-e mondok nisili-o. Unu yurak tet mondok nisili-o.

MBIRIGA WENE 23:13

Nagawan Indo an-nen yak kindigi wene-ge kwara yebet ker-o. Kir-e Mbal Pem Nagawan nin mbi erembel wanurak pug-o. Mondok unnu anggambut tet yurak pug-o” yij-o.

MBIRIGA WENE 23:24

Erem nin nap-nen erembel wanugwi kugwiwak ereba erembel wanogolat, it-nen kek tak pogolat kwarugwi abage ereba na mondok kit-nen mumururak pug-o. Unkugwiwak it-nen erembel wanugwi ereba-ge yigisa keya bogolat, it-nen erembel wanugwi kerep mot ereba-ge ndamerak per-o.

MBIRIGA WENE 34:13

Iri ala, kir-e iri nggal-e kwarurak pug-o. Are, unkugwi amanggim pugwi ondoro-ge mijara keya bogolat, it unkugwiwak na ndamera keya bogolat, it-nen unkugwi Asyera iri erembel wanugwi e sindil lobok yidnak ereba-ge ndarak pogolat kwarurag-o.

OSEA 2:17

An-nen-e Mbaal unnu tuguruk yuwa naru, mondok imiri mbarak worasola, ap-nen-e Mbaal unnu-ge meme rak puwa-o.

MIKA 5:14

An-nen yidnak yidnak kwarugwi buk nap enlem oboksa-nen meya kwarugwi ereba na-ge nisilepma kwiye worak pem-net onggo pimin-o” luk yij-o.

TUGURUK YIDNAK WENE 12:4

Kit-nen Nagawan Indo Kenmbal Pem Nagawan erembel wanogolar-e, it ap ereba-nen unkugiwak erembel wanugwi memera erembel wanurak pug-o.

TUGURUK YIDNAK WENE 7:25

It-nen erembel wanugwi kugwiwak ininggi-nen ndak wosa pidnak mende ereba-ge mondok kan purag-o. Kugwiwak ereba bem panggarak pidnak emas ala na, perak ala na, kit-nen ukwe luk mondok wanurak pug-o. Kit-nen nde wene iri kwid togola-ge, Nagawan Indo ge kugwiwak erembel wanugwi iri-ge mondok isili me, kir-e mondok wat yugub-o.

TUGURUK YIDNAK WENE 7:5

Iri bem-e ap enlem ereba-nen enmbal pem nagawan amanggim kan pugwi ondoro ereba-ge mondok ndamera keya ber-o. It-nen erembel wanugwi kerep sindil lobok yidnak ereba-ge mondok yigisa keya ber-o. Kugwi Asera erembel wanugwi e ereba na-ge ndara keya ber-o. Kugwi ut memera ndak wiridnak erembel wanugwi ereba-ge kan per-o.

NAM PARA WENE 13:1

Iri luk, an yik kaginggal-e, yi koma arem-nen ndakngge isilepma worak misik nam yosola kagi-o. At iri anggul ambo-ge sepulu, nde, anggul-e tuju woragaij-o. Nde, anggul ambo ereya na bem iritsa nagawan-nen yurugwi topi pago, nde, anggulwak ereya na bem iritsa unnu-ge Mbal Pem Nagawan obok pugwi na mbarag-o.

WENE MBENARUGWI NAP-NEN KWARIDNAK WENE 2:2

Iri bem-e kir-e o yu woragwi nap inmin-e mondok are kundurak pug-o. It unkugwiwak amanggim kan pugwi ondoro ereba-ge mondok mijara keya burag-o’ luk yak kindigi-t nde, kit-nen iri nggal kwarigit lak yogolat, kwarurak puk yigi iri na nde kwatli-o.