TITUS 3:3 - Nanduk Ngget Tul Pidnak Wene

³ Nit na irit nandug-e nenaru buk woragolat, yidnak yidnak kwarigit lak lugud tak nak kwarogolar-e, nit-nen ukwe ukwe yugwi mende min nit nindingen mende pidsa-nen urugwe nggwe rak ninpidnak woraige-o. Meya kwarurak nak peragolat, enambuwon mbarogolat, nin nap inmin nisili kisili woragolat kwat tenak woraige-o.

TITUS 3:3 ပူးပေါင်းရင်းမြစ်များ

NDAK WIRIDNAK WENE 38:9

Alat nde, Onan-nen yebet kasolar-e: ”La ndagimin-e an nondolma purak pug-et nde, an nowe ondolma purak na-t nde” perasolug-e, owe iri na ondolma lak irit wolmaklug-e, owe ogwe togwe iri na imin nene yosolar-e, amburu-ge wesi bem posolat irit woragij-o.

NDAK WIRIDNAK WENE 39:16

Iri luk, sum iri na-ge kwe iri na-nen-e ndok worak irit worasoma, un iri na lobok yij-o.

NGGOMO WENE 8:5

Inndi tenggerak elem tena woragwi buk nab-e inndi tenggerak woragwi elem-e kenaru yer-o. Kit wid kinndi worak nab-e kwara yebet karuk-nen kenaru mer-o.

YESAYA 44:20

Iri nggal kwarusu iri-ge mabe ninggidnak nggal-nen yusu-o. Ap iri-ge indi yebet kaso wid iri-nen amberam lasola, at indi imiri yurag-e meya yusu-o. At-nen-e ut memera ndak wosa pidnak mende at inggem worasu iri-ge ndemeret enmberam laso ebe lak mende-nen yusu-o luk para yigit lak yoso-o.

MATIUS 21:29

Yak tosoloma-ge, la iri-nen wene erep nggarosolar-e: ’An-e nimbir-o’ luk yij-et nde, abok nggwe indi konurug-e, yabu wil mbirij-o.

LUKAS 21:8

Yogolikma-ge, Yesus-nen yosolar-e: ”Kit konmbol pem lujwa naru, kwil kwalsa wolmer-o. Nde, an nggal kwasa ap kwarat lobok yogolat-nen yogolar-e: ’Kerisut na an-er-o’ yogolar-e: ’Iri kwat ma tarem-e panggo yij-o’ luk yil lobok yuwa-t nde, kit-nen iri yuwa nap enne mondok kulurak pug-o.

YOANES 8:34

Yogolikma-ge, Yesus-nen it yak ondosolar-e: ”An-e ndemeret yak kundusu-o. Ta-nen nde meya kwaroso nap ala-ge, meya iri ndegel poso nap-nen yusu-o.

OROMA 11:30

Enlem nin nap kir-e nanduk Mbal Pem Nagawan-nen yidnak wene kuruk togolat woraigeb-et nde, yawo-nen-e it Yawuri nap-nen Mbal Pem Nagawan-nen yidnak wene kuruk tidnak pem, Mbal Pem Nagawan-nen kit kunpud kasu-o.

OROMA 6:12

Iri bem-e, kit kenpe-nen ukwe ukwe yugwi mende iri na langgal luk mburugup naru, kit kenpe piri momtak iri-ge meya kwarugwi elem-nen winde luk wolmomtag-e meya-o.

OROMA 6:17

Nde, nanduk kir-e meya kwarugwi elem ndegel ubugwi nap woraigeb-et nde, yawo-nen-e mul kindidnak ndemeret wene owak iri na wanogolar-e, kinndi min-et wene na wanili ala karuk, Mbal Pem Nagawan wiwa-o luk yak toso-o.

OROMA 6:22

Alat nde, yawo-ge kir-e meya kwarugwi elem ndegel ubugwi inggem-nen weserak kinpidnak me, kir-e Mbal Pem Nagawan ndegel ubugwi nap-net yili-o. Iri bem-e, kit-nen onggo wanogolar-e, Mbal Pem Nagawan amanggim nak woragup pem-e kunlug-et woralik nalik woragub-o.

OROMA 6:6

Nde, wene yu-ge nenaru nar-o. Nit meya kwarugwi nenpage iri na yigisa lak tak peyekluk, nit nenpage nanduk mende iri-ge Kerisut imin e lang pang tak pem worak pamu-o. Iri kwarid iri-ge, nir-e meya kwarugwi elem na ndegel pogolat wolma naru-nen kwarij-o.

2 KORINTUS 12:20

An-e kit kendam wok yimin nggal-e, an nindi-n peraidnak kwarigit lak nde keneyamin-o luk numud kasu-o. Nde, iri nggal-et an-nen na kit kinndi-nen peraidnak mende kwarigit lak niyudtak iri-ge numud kasu-o. An yik keneyamin nggal-e, yuk puk yugwi nde, enlengen ale yugwi nde, insilepma yugwi nde, kuri wat wat woragwi nde, nobokpe kobokpe pugwi nde, yagap yagap pem ap onpok pugwi nde, inndi-n kek tak pugwi nde, narop karop kwarugwi nde kwarogolat woragola keneyamin-o luk, numud kasu-o.

NGGALATIA 6:3

Ap misik-nen perasolar-e, ar-e konag-e lag-et nde, ”An-e ijar-o” luk perasu iri-ge at na at ambikpebe ombol pem lasu-o.

KOLOSE 1:21

Nanduk kir-e Mbal Pem Nagawan imin nuruk tak woragolar-e, kit kinndi-n peragwi bem-nen na, kit meya yugwi bem-nen na, Mbal Pem Nagawan imin wim mbarak woraigeb-o.

KOLOSE 3:7

Nanduk kit na irit iri kwarugwi mende urugwe nggwe woragolar-e, kit na iri mende-t kwarogolat woraigep nar-o.

2 TIMOTIUS 3:13

Nde, meya yugwi nap min ap onmbol pem lagwi nap min-e meya kwarat ebem lud lud kwarogolar-e, ap onmbol pem lali-t nde, it na enambik onmbol pem lali-o.

2 TIMOTIUS 3:6

It ennggendumu ap erep-nen-e ap enma ya nggwilik nogolar-e, meya yurak inndi te yidnak kwami, it meya yidnak mondok kwarat-nen tebel inpidnak kwami, it-nen ukwe peraidnak nin tak nan tak kobong tak pidnak kwami ereba na enare puwokluk ya nggwilik nili-o.

TITUS 1:16

It-nen yogolar-e: ”Mbal Pem Nagawan-e nit nenaru-o” luk yili-t nde, it-nen kwarugwi iri bem-nen ar-e lak tak ibili-o. Ir-e meya nak kwarogolat, yidnak yidnak kwarigit lak yogolat, konak mbi kwarurag-e mondok meya-o.

TITUS 2:12

We wok ondoso elem-nen mul nondosolar-e: ”Mbal Pem Nagawan isili rak pidnak kwarugwi min nggweyak ma mende ukwe ukwe yugwi min iri na mbo buruk, nggweyak ma yu me woragolar-e, kondomok kinndi towarak woragolat, mot mor-et kwarogolat, Mbal Pem Nagawan indi aye worak wolmer-o” luk mul nundusu-o.

YAKOBUS 1:26

Ap-nen-e ”An-e Mbal Pem Nagawan erembel wanoso-nen yusu-o” luk perasolat-net nde, indi-ge konigit lak, wene-ge we ama bem perek nak yosola-ge, at-nen at ambik ombol pem lasu-o. Mbal Pem Nagawan erembel wanusu iri-ge we kasa ereba-t wanusu-o.

1 PETERUS 1:14

Kir-e Mbal Pem Nagawan-nen yidnak yidnak nak kwarogolat wolmer-o. Nde, kit nanduk Mbal Pem Nagawan kenaru buk woragolat-nen kinndi-nen ukwe ukwe yoso-nen yidnak yidnak kwarugwi na kwarurak pug-o.

NAM PARA WENE 12:9

waro nggulok pare iri na-ge mbo bil mbuwagaij-o! Nde, at iri-ge nanduk-nen woraso unu misig-e Sere, are, Kugi oboksa onmbol pem laso iri nar-o. Ar-e at-nen idnak aid nap inmin-et nggweyak ma mbo bil mbuwagaij-o.

NAM PARA WENE 13:14

At iri na-ge ndakngge isilepma worak nanduk na-nen wok tid amawi bem-et at imbiri bem-et kwiye worak mende kwarat kwarosolar-e, nggweyak ma woragwi nap oboksa onmbol pem lagaij-o. Nde, at ene amawi bem watsa nggweyak ma woragwi nap oboksa yak ondosolar-e: ”Yalawi bem wiridnag-et nde, urug-et worasu ndakngge isilepma worak iri na erembel wanuwoklug-e, at nggal ndak worak puruk, erembel waner-o” luk yak indij-o.

NAM PARA WENE 18:2

At-nen ene ngguloksa yosolar-e: ”Tud yij-o! O siri Mbabel nggulok na-ge tud yij-o! Nde, yawo tud yosola-ge, ar-e kugi meya min meya inndi min ondoro kwat yosolar-e, arem-e yi towe ndi towe mbilaro ngin meya insili rak pugwi na worasu-o.