TITUS 2:8 - Nanduk Ngget Tul Pidnak Wene

⁸ Kat kene eyak wurugwi nap-nen nit nonpok puwokluk yuwa-t nde, nit-nen yidnak yidnag-e konak nak ala, pesera mbuwakluk, kat-nen wene yosolar-e, kwalug-et ap-nen obok purak puk wene-t yurag-o.

TITUS 2:8 ပူးပေါင်းရင်းမြစ်များ

YESAYA 66:5

Kit Nagawan Indo aye worak woragolat, at-nen yidnak yidnak kwatli nap wa-e. Nagawan Indo-nen yak kundusu wene kwara koler-o. At-nen yosolar-e: ”Kit-nen an-nen yidnak yidnak tugup lak kwarogolat worali bem-e, kit kenlem nap ennggendumu ap erep-nen-e insili rak konpogolat, kit kinmin kundurak insili yili-o. It-nen pesel konpogolat-nen yogolar-e: ’Kit-nen kenalen kagola, nit kujwok-nen Nagawan Indo-nen at-nen kek tak woraso iri na mirik nunpuwag-o’ luk yili-o. Alat nde, it ondomok nde innggiri ma-o.

MARAKUS 12:17

Yogolikma-ge, Yesus-nen it yak ondosolar-e: ”Iri nde ala-ge, Kaisat arengge ala, Kaisat amanggim purag-o. Nde, Mbal Pem Nagawan arengge ala, Mbal Pem Nagawan amanggim purag-o” luk yosoloma kuluruk, wi langgu mbariga-o.

MARAKUS 12:28

Iri luk, imiri mbarak pidnak wene aru nap misik lobok yarig-e, Yesus min Saruki nap min kin wok kerak mbili iri na kulidnggal-e, Yesus-nen-e wene onggo-ge ndak ndag-et yosola kuluruk, at-nen Yesus kin wok obosolar-e: ”Mbal Pem Nagawan-nen ’Iri nggal kwarurag-o’ yidnak wene enggendumu owak ndum lombog-e ngge-o?” luk kin wok obosoloma-ge.

MARAKUS 12:32

Yosoloma-ge, imiri mbarak pidnak wene aru nap na-nen Yesus yak tosolar-e: ”Mul Nondoso Nap wa-e. Lud tag-et yigen-o. Nagawan Indo iri-ge Mbal Pem Nagawan misiget nak-nen yusu-o. Mbal Pem Nagawan nin mbi mondok lak me,

MARAKUS 12:34

Yosoloma-ge, Yesus-nen yik kagaidnggal-e, imiri mbarak pidnak wene aru nap iri-nen wene onggo-ge ludsa nak yosola karuk, Yesus-nen ap na yak tosolar-e: ”Kar-e Mbal Pem Nagawan elem nap yurak kwat yusu-o” luk yak tij-o. Iri rak purug-e, ap misiger-o luk tet tuguruk wene Yesus kin wok uburag-e kwiye yiga-o.

LUKAS 13:17

Iri yosola kulurug-e, Yesus imin wene eyak wiriga nap oboksa-ge innggiri kaiga-o. Nde, ap erep oboksa-ge Yesus-nen kwaridnak mende pidsa-ge wi yurak mende ala karuk, enalin enalen kaiga-o.

2 TESALONIKA 3:14

Nit-nen mbaridnak engga yu-nen yidnak yidnak nak kwaroso buk nap mbi worala-ge, kit-nen ap iri na lombot uburuk, at inggiri kujwakluk mondok imin are kundurak pug-o.

1 TIMOTIUS 5:14

Iri bem-e, nit ninmin wim mbarak nap-nen nit nonpok pigit lak makluk, it togwe-net nde ndugum ala, ap wanuruk, inlirak ndaguruk, enma woragwi ndegel onpogolat wolmomtak iri-ge an-e nindingen-o.

1 TIMOTIUS 6:3

Nin wene owak mul ondosolat, nit Nenagawan Indo Yesus Kerisut-nen ndemeret yidnak wene min Mbal Pem Nagawan-nen kwaroso nggal nit-nen mul undugwi wene min ”Ndemerer-o” luk perasu buk nab-e

TITUS 3:14

It-nen pempa ukwe peragwi mende na ndak nak wolmakluk, nit nab-e konak nak kwarurak iri-ge mondok kwarogolat wolmag-o. Ir-e we kasabat wolmomtag-e meya-o.

1 PETERUS 2:12

Enlem nin nap ennggenggerak woragolar-e, kit-nen kwarugwi mende-ge konak nak kwarugup na-e. Iri nggal kwarogola-ge, it-nen-e kir-e meya kwarugwi nab-o luk konpok puwokluk yuwa-t nde, kit-nen kwaridnag-e konak nak ala-ge, Nagawan Indo lobok yuwa tarem-e ir-e Mbal Pem Nagawan erembel wanuwa-o.

1 PETERUS 2:15

Kit-nen konak nak kwarugwi iri-nen kasa kasa wene yugwi nap enne pok tak purak iri-ge Mbal Pem Nagawan indingen-o.

1 PETERUS 3:16

Alat nde, kinndi yanggonak, teberak pem-net kit kinndi mbek tak woragolat-nen wene onggo yurag-o. Iri kwarogola-ge, kir-e Kerisut ebem woragolat-nen konak nak kwarugwi me, kit konpok pili nap na innggiri ma-o.