TITUS 2:2 - Nanduk Ngget Tul Pidnak Wene

² Ap indi worak yak ondosolar-e: ”Kir-e kinndi min-et woragolat, kinndi nggat nggat worak woragolat, kondomok kinndi towarak woragolat mer-o. Nde, kinndi angin tubu yidnak pem na, ap enabuwa kagwi bem na kinndi luruk puruk woragwi bem na iminep mbarak irit wolmer-o” luk yak indi-o.

TITUS 2:2 ပူးပေါင်းရင်းမြစ်များ

YESAYA 65:20

Iri me-ge li marik pem wat yugwi na lak irit wolma-o. Nde, indi worag-e unluk mot pem-et wolma-o. Ap olengen seratus wolma-t nde, unsujwe nggal irit wolma-o. Nde, iri nggal woragit lak ma wat ma iri-ge ap-nen peragolar-e: ’Nagawan Indo-nen angin worak ebem pamu-o’ luk yuwa-o.

TEPAN OMBO-NEN KWARURAK WENE 19:32

Kir-e ap indi worak endam tebe luk, it-nen yidnak yidnag-et kwarogolat wolmer-o. Kenmbal Pem Nagawan an naye worak wolmer-o. An-e Nagawan Indo-nen yusu-o.

MARAKUS 5:15

Kil lobok yogolat, Yesus eram wok yiganggal-e, kugi Kwarat arem lin yidnak woragaid nap iri na indi kwatluk, sum yutluk, iri me koreyak worala karuk, it pidsa kwiye kaiga-o.

LUKAS 8:35

Nde, wene na kuluruk, ap ereba-nen-e iri kwarid iri na kujwokluk mbiriga-o. Mbirigarik, Yesus eram wok yiganggal-e, kugi arem-nen wirik pidnak nap na-ge usum yutluk, indi min-et Yesus eralu koreyak worala, yik kaiga-o. Kagolug-e, it pidsa kwiye kaiga-o.

YIDNAK YIDNAK WENE 24:25

Alat nde, Paulus-nen-e lud tak kwarugwi wene yosolat, inndi-nen tebe yoso wene yosolat, abok-nen nit nenpem wene mbarurak tarem obok yosolat yosola karug-e, Pelik iri na kwiye kwarat luk-nen yosolar-e: ”Yu bem-et ndag-o. Mbiri-o. Abok-nen kat kene kulurak tarem ndak yosola-ge, yonggo kibimin-o” luk yij-o.

OROMA 12:3

Nde, Mbal Pem Nagawan-nen we wok ondoso elem wok nirid iri na bem-nen kit oboksa nggomo kindimin-o. Woragwi ndak ndak kek yurak na keya buruk, kit na kit-net terak mena kek yurak pug-o. Are, kat woraso kabage na yebet karuk, kinndi tebe luk, kit kondomok tak-nen Mbal Pem Nagawan-nen kinndi angin tubu yugwi mende wok kindidnak na ndak ndag-et ”An-e iri nggal worasu-o” luk yebet ker-o.

1 KORINTUS 15:34

Kir-e kwara kondok luk, meya yugwi iri keya ber-o. Kit kinnggiri kabokluk an-e wene yu yak kundusu-o: Kit kennggendumu ap ereb-e Mbal Pem Nagawan enaru bug-et worali-o.

1 KORINTUS 9:25

Keyari purak nap-nen-e keyari pogolar-e, iri nggal kwaru-o yidnak iri na ondomok tak lid lud tak pugwi-o. Nde, it iri-ge lak momtak kid kud wanuwokluk nen yili-t nde, nir-e pem wolmomtak kid kud wanuwokluk-nen yili-o.

2 KORINTUS 5:13

Nit ninndi wawa-nen yili ala-ge, Mbal Pem Nagawan amanggim-et yili-o. Nde, nit ninndi imin-net nde yogola-ge, kit kenmanggim-et yili-o.

NGGALATIA 5:23

yamenak woragwi nde, inndi-n lid puruk woragwi nde, iri nggal yoso-o. ”Iri nggal kwarurak pug-o” luk imiri mbarak pidnak worasu-ge lag-o.

PILIPI 4:8

Nowe nowosi wa-e. Worok tak posolar-e, wene yu yak kendeyeg-o. Kit kinndi-nen yebet kagolar-e, lud tak kwarugwi min entembel wanugwi min mot mot nak kwarugwi min marak nak woragwi min konak mende min konak kulugwi mende min oboksa iri-ge kinndi konak tak purak mende worasola na, kek tak unpurak mende worasola na, iri mende oboksa bem nak kinndi-nen yebet kagolat wolmer-o.

1 TESALONIKA 5:6

Iri bem-e, nin nap-nen nene yogolat worali nggal, nit na nene yurak pug-o. Are, nir-e nunluk woragolat, ninndi min-et wolmog-o.

1 TESALONIKA 5:8

Alat nde, nir-e lengge imin kwin yidnak nap me, ninndi min-et wolmog-o. Nit-nen yorogolar-e, ninndi angin tubu yidnak min ap enabuwa kagwi elem min-e tagun nggal yorogolat, nenanggul ndimno nggal-e ninmiri yurak ninndi ebem mbung mbung tak woragwi iri na yuruwog-o.

1 TIMOTIUS 1:10

mbona yugwi nap min ap-net nde ap ye unpugwi nap min ap-net ap yariya wok unpugwi nap min enesiget yugwi nap min enesiget wene ap enpem pugwi nap min nderemet wene na keya buruk, iri nggal erep kwarugwi nap min enmanggim yidnak-nen yusu-o.

1 TIMOTIUS 1:14

Nde, Nenagawan Indo-nen-e we wok ondoso elem kwarat tak nobosolar-e, Kerisut Yesus ebem-nen-e inndi angin tubu yugwi elem min enabuwa kagwi elem min wok nirij-o.

1 TIMOTIUS 1:2

kat kindi angin tubu yidnak pem ndemeret an nambara kwat yidnak Timotius kamanggim engga yu mbarusu-o. Nde, Nineid Mbal Pem Nagawan min Nenagawan Indo Kerisut Yesus min-nen we wok ondoso elem min ap unpud kagwi elem min yamuksa woragwi elem min-e kimi wolmag-o.

1 TIMOTIUS 1:5

It nggomo undugun iri-ge it-nen ap enabuwa kagolar-e, enarem marak pem-net kagolat, yebet kagwi inndi yek tak pem-net kagolat, inndi angin tubu yidnak mondok mot mot pem-net kagolat makluk-nen nggomo ondugun-o.

1 TIMOTIUS 3:11

Iri nggal-et it onkwerak na konak nak kwarugwi kweyap, ap onpok na pugwi buk kweyap, ondomok inndi mamak puruk woragwi kweyap, yi mende ndi mende bem mot mot nak kwarugwi irit mag-o.

1 TIMOTIUS 3:2

Nde, lambuk tak inpidnak nap yik eneyarok woraso nab-e meya kwaroso buk nap, ogwe misiget worak nap, ondomok indi mamak poso nap, indi nggat nggat worak nap, indi lid puruk-nen kwaroso nap, ”Ap sal nama nggumer-o” yoso nap, ap mul ondoso aru nap,

1 TIMOTIUS 3:4

at ama woragwi nap-nen at-nen yidnak nak kwarugwi nap, ilirak-nen at indi aye min-et at ene kuluwakluk onggomo ondoso nap irit mag-o.

1 TIMOTIUS 3:8

Iri nggal-et lambuk tak inpidnak nap yik eneyarok woragwi ogore yidnak nab-e mot mot na woragwi nap, enne ndogwal mberen yugwi buk nap, anggut engen amburu ndonggosa nunggwi buk nap, uwang nggok tak pugwi buk nap irit mag-o.

1 TIMOTIUS 5:1

Ap inndi worak inmin-e wene mbaroksa yurak pug-o. Are, kat keid nggal tak puruk, nggomo wururag-o. Nde, ap sugwe inmin-e kat kanggamirak tak unpuruk,

TITUS 1:13

Nde, at-nen kinggirid iri-ge ndemerer-o. Iri bem-e, it inndi angin tubu yidnak na tugup lak wolmaklug-e, mondok kene amawi min-et nggomo indi-o.

TITUS 1:8

are, ”Ap sal nama nggumer-o” yoso nap, konak nak kwarurak peraso nap, idi worak nap, mot mor-et kwaroso nap, marak nak woraso nap, at ondomok indi tena woraso nap irit mag-o.

TITUS 2:7

Nde, kat na kebage ob-et kiyujwaklug-e, yi mende ndi mende kwarosolar-e, konak nak kwarugun na-e. Kar-e kindi mot mor-et woralat, ndemeret kindi-net mul ondosolat wolmin-o.

PILEMON 1:9

Iri yurag-e ob-et nde, Paulus an-e ap nindi worak Kerisut Yesus ebem ala, yawo o kubu me nibidnak na worasu-t nde, kat kabuwa-nen an-e kwat obonokluk wene nak yak kurusu-o.

1 PETERUS 1:13

Iri bem-e, kinndi enggengge bem puruk, kwil kwalsa woragolar-e, Yesus Kerisut abok lobok yosolat-nen we wok ondoso mende wok kunduwa na bem kinndi mbung mbung tak wolmer-o.

1 PETERUS 4:7

Yi mende ndi mende pidsa lak momtak tarem panggo yusu-o. Iri bem-e, tepan yobok-nen kit kondomoktak kinndi tena woragolat, kwil kwalsa wolmer-o.

1 PETERUS 5:8

Kit kunuwim nap Sere na-nen-e: ”No nap lebena mbo namin-o?” luk singa ndakngge nggal ene yolo ngolo waring kasu me, kir-e lid lud tak puruk, kwil kwalsa wolmer-o.

2 PETERUS 1:6

Nde, enaru yugwi mende min lombok tak pogolar-e, kondomok-nen kinndi tena woragwi na lambuksa waner-o. Nde, kondomok-nen kinndi tena woragwi na min lombok tak pogolar-e, kinndi tugup lak woragwi na lambuksa waner-o. Nde, kinndi tugup lak woragwi na min lombok tak pogolar-e, Mbal Pem Nagawan-nen kwaroso nggal kwarugwi irit lambuksa waner-o.