TITUS 1:7 - Nanduk Ngget Tul Pidnak Wene

⁷ Lambuk tak inpidnak nap yik eneyarok woraso nab-e Mbal Pem Nagawan eyabu winde me, mondok ebem ambut lak irit wolmomtag-o. At iri-ge at ambikpebe kek yoso buk nap, ndag-et nak isilepma yoso buk nap, anggut engen amburu ndonggosa nok tenak woraso buk nap, yig na poso buk nap, silobulo na terak mena wanoso buk nap,

TITUS 1:7 ပူးပေါင်းရင်းမြစ်များ

NDAK WIRIDNAK WENE 49:6

Ir-e insilepma yili iri bem-net ap ondogolat ondomok inndi alen yurak pem nak lembu wam emengen mbara tu mbururak meya rak pogolat yugwi me, an-e it ndok wutluk wene mbarogola na enne erep wanimin pug-o. It ndok worogola na ennggendumu nggwimin pug-o.

NGGOMO WENE 15:18

Ap ndag-et insilepma yugwi iri-nen ndowaga-ge yuk puk mbugwi ijak worak pugwi-o. Alat nde, mamak pugwi nap-nen-e lambuksa woragwi elem ennggendumu kwarak pugwi-o.

YESAYA 28:7

Mbal Pem Nagawan ene lomboksa yugwi nap min tepan omborak min-e anggut engen amburu ndonggosa nonggolar-e, inndi lak lak yogolar-e, tula-ge ya landok nak nili-o. Nde, Mbal Pem Nagawan ene lomboksa yugwi nab-e Mbal Pem Nagawan-nen nabi nggal pem mirik inpidnak ereba na-ge kwara yebet kali bug-o. Nde, tepan omborag-e it-nen wene nggaruksa mbaruwa-o luk ap-nen wene mbenaruwakluk enpem pugwi-t nde, it-nen-e wene nggaruksa mbarurag-e meya-o.

MATIUS 24:45

”Iri ala-ge, mot mot kwaroso indi kwid pidnak ndegel poso nab-e ta-o? At eid iri-nen-e at ama woragwi ndegel ubugwi nap ereb-e at iri na inggem onposolar-e, norak tarem ndak ndak yosola mak unduwakluk at ebem-et poso nap iri-nen yusu-o.

LUKAS 12:42

Yosoloma-ge, Nagawan Indo-nen at yak tosolar-e: ”Mot mot kwaroso, indi nggat nggat worak ndegel oboso nab-e ta nde kali-o? Eid iri nin sa mbereyeklug-e, iri yidnak nap-nen-e yi mende ndi mende lid lud tak puwakluk, at inggem posolat, ndegel ubugwi nap ereb-e norak tarem wok yosola, nunggwi mende mak unduwakluk, at inggem posolat ma nap iri-nen yusu-o.

EPESUS 5:18

Anggut engen amburu ndonggosa nuruk, kinndi wawa yurak pug-o. Iri nunggupndig-e, ukwe ukwe rak onposo-nen yusu-o. Alat nde, kir-e Konak Indi nde kenarem kobong tak irit wolmer-o.

PILIPI 1:1

Pilipi woragwi marak nap oboksa, Kerisut Yesus ebem kinndi angin tubu yigep nap kit min ogore yidnak nap min it yongga undugwi nap min kenmanggim-e Kerisut Yesus ndegel ubugwi nap nit Paulus min Timotius min-nen yili-o.

TITUS 1:5

Kereta keya kibigi na-ge yu nggal kwaronokluk-nen keya kibigi-o: Yabu erep worasu na worok tak posolat, o siri ndomok ogore yidnak nap mendak inpil mborosolar-e, an-nen yak kirigi yu yeberak wolmin-o:

TITUS 2:3

Nde, iri nggal-et kweyap indi worak yak ondosolar-e: ”Mbal Pem Nagawan indi aye worak kweyap-nen woragwi irit woragolar-e, kenpage marak irit wolmer-o. Ap erep unnu meya rak purak pug-o. Anggut engen amburu na ndonggosa norak pem iri ndegel pugwi kweyap yurak pug-o.

1 PETERUS 4:10

Kir-e Mbal Pem Nagawan-nen we wok ondoso mende kona tena woragwi nap yogolar-e, kenariktak we wok kindidnak na bem-e kit na kit-net yongga yongga wolmer-o.

1 PETERUS 5:2

Mbal Pem Nagawan-nen kininggem pidnak lomba wam iri na towarak woragolar-e, Mbal Pem Nagawan indi-n pidnak ndak ndag-et kwarogolar-e, kinsili lag-et, kenalen min-et yik karok wolmer-o. Nde, yik karok woragolar-e, onggo wanurak pem nak-nen yik karok wolmomtag-e lag-o. Are, ndemeret kinndi-nen ndegel enpeyeg-o peraruk-nen ndegel unpurag-o.

2 PETERUS 2:10

Iri len unpuwa iri-ge it ondomok kopkap tobok tak onposo ukwe ukwe yugwi iri-nen yidnak yidnak kwarogolar-e, Mbal Pem Nagawan ene kulurak insili nap iri-ge len unpusu irir-o. Enesiget siget mul undugwi nap iri-ge kwiye lag-e, ondomok kek yogolar-e, teram woragwi enabinal worak nap iri na kwiye lag-et pesel inpili-o.