TITUS 1:6 - Nanduk Ngget Tul Pidnak Wene

⁶ Ogore yidnak nap iri-ge ebem ambut lak nap, kwe misiget un ala, ilirak na mondok inndi angin tubu yidnak ala, ilirak na mondok mot mot kwarugwi me, onpok pugwi buk ala, ap iri nggal nak mendak unpurag-o.

TITUS 1:6 ပူးပေါင်းရင်းမြစ်များ

NDAK WIRIDNAK WENE 18:19

Nde, Abarakam linigi na-ge at-nen-e at elirak min at-nen wigarak min at-nen watsa yak ondosola, it-nen-e an-nen yidnak yidnak yogolat, konak mot mot nak kwarogolat wolmakluk linigi na-ge, nde, it-nen nde iri kwat tenak woragola-ge, an-nen Abarakam imin urul pigi na-ge kwar-et onposolat woramin-o” peragij-o.

MALEAKI 2:15

Mbal Pem Nagawan misiget iri na-net kit min konkwerak min-e kenpe min kinndi min-e misiget tak kinpid iri na-ge lag-a? Iri kwasa kinpid iri-ge Nagawan Indo indi-ge no peraruk-nen kinpij-o? Iri kwarid iri-ge nin pem-nen-e lag-o. Kit-nen kinlirak ndakola, kinlirak ereba na-ge ndemeret Mbal Pem Nagawan ilirak kwat makluk-nen kwarak kenpamu-o. Iri ala-ge, kit kennggendumu-nen konkwerak inmin tugup lak woragit lak yugub-o luk, kit na kit-net kondomok tak kinndi towarak wolmer-o.

LUKAS 1:5

O Yurea nagawan Erores worala-ge, tepan ombo misik unu-ge Sakaria irit woragaij-o. At iri-ge tepan ombo Abia winde nab-o. Nde, at ijambal unu-ge Elisabet na irit, tepan ombo-nen nderak irit woragaij-o.

EPESUS 5:18

Anggut engen amburu ndonggosa nuruk, kinndi wawa yurak pug-o. Iri nunggupndig-e, ukwe ukwe rak onposo-nen yusu-o. Alat nde, kir-e Konak Indi nde kenarem kobong tak irit wolmer-o.

1 TESALONIKA 5:14

Nennggamirak wa-e. Kir-e wene kuruk tugwi nap iri nggomo ondogolat, inndi terak yugwi nap iri inndi uwi ya bogolat, ndeyak woragwi nap iri na yongga ondogolat, ap oboksa inmin kinndi luruk puruk wolmer-o luk kenmengen mbatli-o.

1 TIMOTIUS 1:9

Wene yu kwara yebet ker-o: Imiri mbarak pidnak wene iri-ge lud tak nak kwarugwi nap enmanggim yidnag-e lag-o. Are, wene kuruk tugwi nap min Mbal Pem Nagawan ene kulugwi buk nap min Mbal Pem Nagawan enaru buk nap min meya kwarugwi nap min Mbal Pem Nagawan indi-n pidnak kwarugwi buk nap min aid wene enaru buk, it inndi-n pidnak nak kwarugwi nap min ineid iniya undugwi nap min ap undugwi nap min

1 TIMOTIUS 3:12

Ogore yidnak nab-e ogwe misiget worak nap, at ilirak min ama woragwi nap min kwara ndegel onposo nap mag-o.

TITUS 1:10

Ap kwarat-nen yidnak yidnak kwarigit lak yili-t nde, it ennggendumu ap kwarar-e it Yawuri nap iniye ambasap wabugwi wene tena woraiga nap irir-o. It-nen yugwi ebe lak wene iri na-nen-e ap ereb-e kabak tak inpili-o.

1 SEMUEL 2:11

Iri lug-e Elkana ogwela inmin-e enma Arama mbiriga-o. Alat nde, la Semuel iri na-ge o Silo woralat Nagawan Indo ndegel obosolar-e, tepan ombo Eli iri na-nen yidnak yidnak kwarosolat woragij-o.

1 SEMUEL 2:22

Nde, Eli iri na-ge indi worak irit yij-o. At ambararak-nen enabut meya Isarael nap inmin kwarugwi wane-ge kolosolat irit woragij-o. Iri-nen Nagawan Indo woraso uwi iri na tumende ambigit nggwe yabu wanugwi kweyap ereba na inmin nene yugwi wene min-et kulij-o.