TITUS 1:5 - Nanduk Ngget Tul Pidnak Wene

⁵ Kereta keya kibigi na-ge yu nggal kwaronokluk-nen keya kibigi-o: Yabu erep worasu na worok tak posolat, o siri ndomok ogore yidnak nap mendak inpil mborosolar-e, an-nen yak kirigi yu yeberak wolmin-o:

TITUS 1:5 ပူးပေါင်းရင်းမြစ်များ

YESAYA 44:7

An nggal-e ta worasu-o? ’Kat nggal-e an-er-o’ yuwak-nen yak ter-o. An-nen ndemerer-o luk perayek-nen an mul nuruwag-o. Tel kwiridnak kuri-nen woroksiyem kuri ereba-nen kwat momtag-e ta-nen ’Iri nggal kwat ma-o’ luk abuwokma ereba-nen urul pamu-o?

YIDNAK YIDNAK WENE 11:30

Iri kwasa yigarik, silobulo na pil mborogolar-e, Mbaranabas min Saulus min ininggem pikma, ogore yidnak nap wok indil mbiriga-o.

YIDNAK YIDNAK WENE 14:23

Nde, it wirik inpidnak nap-nen-e lambuk tak inpidnak nap o nin me nin me woragwi na ennggendumu ogore yidnak nap mendak inpil lobok yiga-o. Mendak onpogolar-e, mburu ninggit lak tepan nak yogolat-nen ogore yidnak nap ereba na-ge ebem inndi angin tubu yidnak Nagawan Indo na eram kegera inggem inpiga-o.

YIDNAK YIDNAK WENE 2:11

Yawuri nap min enlem nin nab-et nde Yawuri nap nggal tak inpidnak nap min Kereta nap min Arap nap min nit oboksa nit nenambikpebe nenne bem Mbal Pem Nagawan-nen kwiye worak mende kwaroso na-ge it-nen yogola kulili-o” luk yiga-o.

YIDNAK YIDNAK WENE 27:12

Nde, e koma kondok yoso sa iri me-ge toro wok yoso tarem wok yosola iri me wolmomtag-e meya alama, ap erep kwarat-nen yogolar-e: ”Yu me-nen mburulndig-e o Penik perak wok luk, iri me-nen toro wok yoso tarem wolmok-nen wal kujwog-o” luk yiga-o. Nde, o Penik iri-ge yi terapmu Kerete iri me e koma kondok yoso sa-o. Nde, Penik iri na yi koma wigaktag-e mo mboso araptap nggwe ponok ponok woragaij-o.

YIDNAK YIDNAK WENE 27:13

Nde, abare ena nggwe-nen obube-ge ndan-et nuk kil lobok yosola, it inndi-nen peragolar-e, ”Nit ninndi pidnak sa irit wok yul-o” luk, e koma tenagoso posid na nggogora pil laruk, yi terapmu Kerete na emende nggut korok korok waiga-o.

YIDNAK YIDNAK WENE 27:21

Nde, ir-e nunggwi mende ninggit lag-et kwarat nggal worarug-e, Paulus na it ennggendumu men luk-nen yak ondosolar-e: ”Naptak wa-e. An nene kologolar-e, Kerete-nen mbirigit lak yelepnggal-e, lel mberel tak ninpilik, nenarengge ondoro rak pilik kwatlep pug-o.

YIDNAK YIDNAK WENE 27:7

Nde, nir-e ndan-et mborogolar-e, mberensa nggal pat nene yige-o. Siri mbaril mbaril-e Kenirus panggosa wok yige-t nde, obube iri-nen ndowaga iri me mbururak meya yosola karuk, e koma arem wagolar-e, ndobo Salmone nggaluk emende nggut mak mak nggwe yi terapmu Kerete waige-o.

1 KORINTUS 11:34

Kit ndok witli iri-ge meya rak kunpurak pem ndok wurugup naru, ta-nen nde nere ala-ge, ama-nen nujwag-o. Nde, wene ereb-e an lobok yimindik-nen konimin-o.

1 KORINTUS 14:40

Alat nde, yi kwatlik ndi kwatlik kwarogolar-e, mot mot nak kwarogolat, kwarugwi-t kwarogolat yurag-o.

1 KORINTUS 4:17

Iri kwarobog-o luk-nen an nambara Timotius nindi kundik Nagawan Indo ebem mot mot nak kwaroso iri kendam pil lobok yigi iri-ge an-e Kerisut Yesus ebem woralat-nen kwaroso wene, an-e yi wi ndi wi-nen lambuk tak inpidnak nap pidsa mul indil nusu wene iri-ge yeberak kunpuwakluk pil lobok yigi-o.

KOLOSE 2:5

An nebe kit kinmin-e worasu bug-et nde, nindi kinmin worasolar-e, kir-e mondok tugup lak woragolat-nen lambuksa Kerisut ebem kinndi angin tubu yidnak iri-ge kasoluk, an nalen kasu-o.

1 TIMOTIUS 1:3

Nde, an-e Makeronia nggwe mbereyekluk yosolar-e, ”Kar-e mondok Epesus wolmin-o” luk yak kirigi nar-o. Nde, Epesus woralar-e, iri me-nen ap kabak tak unpugwi wene mul indili nap ereba na inmin-e ”Wene iri yurak pug-o” luk met unpurag-o.

2 TIMOTIUS 2:2

Ap kwarat inmbiri bem an-nen nggomo kirigi na-ge kat-nen na iri nggal-et mot mor-et kwarugwi nap enpem posola-ge, it-nen na iri nggal-et nin nap mul unduwaklug-e, yak ondosolat wolmin-o.

TITUS 1:12

O Kereta nap-net it ennggendumu yari mbinen yosolar-e: ”Kereta nab-e pempa enesiget nak yogolat, isilepma worak ndakngge nggal yogolat, perari lembe-net nde, suguru kondogolat yugwi-o” luk yij-o.