TITUS 1:4 - Nanduk Ngget Tul Pidnak Wene

⁴ Kat min an min Yesus ebem ninndi angin tubu yigerik me, ndemeret nambara Titus kamanggim mbarusu-o. Nineid Mbal Pem Nagawan min Ninmiri Yoso Kerisut Yesus min-nen idnak we wok ondoso elem min yamuksa woragwi elem min-e kimin wolmag-o.

TITUS 1:4 ပူးပေါင်းရင်းမြစ်များ

LUKAS 2:11

Yawo kubu-ge kit kinmiri yurak nap, Nagawan Indo Kerisut iri-ge Ndaud ama-nen ndet yij-o.

YOANES 4:42

it-nen kwe na yak togolar-e: ”Yawo ninndi angin tubu yili yu-ge kat-nen yidnak pem nak-nen yili-ge lag-o. Are, nit na nondomok-net at-nen yidnak wene kuluruk, at yu-ge ndemeret ki nap pidsa Inmiri Yoso Nap-nen yusu-o luk nenaru yili-o” luk yak tiga-o.

OROMA 1:12

Iri yigi iri-ge, nir-e Kerisut ebem ninndi angin tubu yidnak nap me, nit na nit-net ninndi eyak wat kerak mbogolat wolmomtak nde yigi-o.

OROMA 1:7

Iri bem-nen an-e Mbal Pem Nagawan-nen kenabuwa worak nap at ilirak len kinpidnak nap tobok-nen yonggo kinpidnak nap kit Oroma woragwi pidsa kenmanggim engga yu mbarusu-o. Nineid Mbal Pem Nagawan min Nagawan Indo Yesus Kerisut min-nen we wok ondoso elem min yamuksa woragwi elem min kinmin wolmag-o.

2 KORINTUS 12:18

Titus na kit kendam lobok yuwakluk emengen mbarigirig-e, at totno mburuwakluk nennggam misik iri-ge an-nen ibil lobok yigi-o. Nde, Titus-nen-e kit kinsilobulo mbi terak lesa wanid, lak? Titus nenmbereg-e Konak Indi misiget iri na-nen yidnak yidnak nak kwarogolat, nit nunuwok na misiget nak pugwi bug-a?

2 KORINTUS 2:13

Alat nde, nenggam Titus iri na kagit lak me, an nindi mondok kabak alar-e, o iri nap na an-e mburusu-o yak unduruk, Makeronia mbirigi-o.

2 KORINTUS 4:13

Mbal Pem Nagawan engga bem-nen yosolar-e: ”An nindi angin tubu yidnak ala-nen wene yusu-o” luk yij-o. Nde, nit ninndi-ge wene iri yid nap indi nggal-et me, nit-nen na irit ninndi angin tubu yidnak pem-net wene yili-o.

2 KORINTUS 7:6

Alat nde, inndi teberak nap yanggonoso Mbal Pem Nagawan-nen-e nit ninndi yanggonosolar-e, Titus na ibil lobok yij-o.

2 KORINTUS 8:16

Nir-e kit yongga kundurak pem ninndi embem yili nggal, Mbal Pem Nagawan-nen kit yongga kundurak pem Titus na indi embem wok tid iri bem nit Mbal Pem Nagawan wa yak tili-o.

2 KORINTUS 8:23

Titus iri perak nde, nannggam an totno yabu wanugwi nap, an totno yongga kundugwi nap-nen yusu-o. Nde, nennggamirak mberen at imin waring kali nap iri perak nde, lambuk tak inpidnak nap-nen wirik inpidnak nap, Kerisut unu kek tak pugwi nap-nen yili-o.

2 KORINTUS 8:6

Iri bem-e, ap enabuwa kagwi yabu tel kwirid nap Titus na-nen kit kendam lobok luk, yabu iri na kit kennggendumu iminep mbal makluk at emengen mbarige-o.

NGGALATIA 2:3

An totno mbirige nap Titus na elem-e Yunani nab-et nde, ”Mondok iye ambasap waburag-o” luk yigir-e lag-o.

NGGALATIA 3:26

Nde, kit pidsa Kerisut Yesus ebem kinndi angin tubu yigep pem-e Mbal Pem Nagawan ilirak-nen yili-o.

NGGALATIA 3:28

Iri bem-e, Yawuri nab-o yurak na lag-o. Yunani nab-o yurak na lag-o. Ndegel unpugwi nab-o yurak na lag-o. Wisirik woragwi nab-o yurak na lag-o. Ab-o yurak na lag-o. Kwami-o yurak na lag-o. Kit oboksa-ge Kerisut Yesus ebem-e misiget nak kwat yili-o.

EPESUS 1:2

Nineid Mbal Pem Nagawan min Nagawan Indo Yesus Kerisut min-nen we wok ondoso elem min lambuksa woragwi elem min-e kenpem mbuwag-o.

KOLOSE 1:2

Kolose woragwi nap, Kerisut ebem kinndi angin tubu yidnak marak woragwi nap kenmanggim engga yu mbatli-o. Nineid Mbal Pem Nagawan-nen we wok ondoso elem min lambuksa woragwi elem min kinmin wolmag-o.

1 TIMOTIUS 1:12

An-nen at eyabu yu wanuwakluk amawi wok nirid Nenagawan Indo Kerisut Yesus-nen-e at ndegel uburak pem ar-e ndak-net yusu-o luk neberaidnak pem an-nen wiwa-o yak tusu-o.

2 TIMOTIUS 1:1

Kerisut Yesus ebem unlug-et wolmomtak aru pidnak wene yak unduwakluk, Mbal Pem Nagawan indi-n pidnak pem Kerisut Yesus-nen idnak wirik nibidnak nap Paulus an-nen-e

2 TIMOTIUS 1:2

kabuwa worak nambara Timotius kamanggim mbarusu-o. Nineid Mbal Pem Nagawan min nit Nenagawan Indo Kerisut Yesus min-nen-e we wok ondoso elem min ap unpud kagwi elem min yamuksa woragwi elem min wok kuruwag-o.

2 TIMOTIUS 4:10

Nde, Ndemas na-ge nggweyak ma mende indingen tak puruk, an yumbuk neyaruk, Tesalonika mbirij-o. Kereskes na-ge Nggalatia mborosolat, Titus na-ge Ndalmatia mborosolat yiga-o.

TITUS 1:3

Nde, aid wene iri na nam tak purak tarem-net nam tak pij-o. Wene iri-ge an nebem pamu, Ninmiri Yoso Mbal Pem Nagawan-nen: ”Wene iri yi-o” yidnak pem-et yil nusu-o.

TITUS 2:13

Nde, yawo-ge nit Nenmbal Pem Nagawan anggu obok worak min Ninmiri Yoso Nap Yesus Kerisut min-nen idnak abinal nam tak purak Tarem iri na bem nit ninndi mbung mbung tak woragwi iri na yik karok worali-o.

2 PETERUS 1:1

Yesus Kerisut ndegel oboso nap, at-nen wirik nibidnak nap, Simon Peterus an-nen-e. Nenmbal Pem Nagawan min Ninmiri Yoso Yesus Kerisut min-nen-e lud tak nak kwaroso elem na bem-e kit kinndi angin tubu yuwakluk wok kondosolar-e, kit kinndi angin tubu yigep iri-ge nit ninndi angin tubu yige iri na nggal-et iminep mbarak irit wok kindid nap kenmanggim engga yu mbarusu-o.

2 PETERUS 1:11

Iri kwarak woragola-ge, Nenagawan Indo Ninmiri Yoso Yesus Kerisut-nen tenagaidnak wi, pem-et woralik nalik wolmomtak wi iri me nggurak nap ndak tak kunpuwa-o.

2 PETERUS 2:20

Nde, ap-nen-e Nenagawan Indo Ninmiri Yoso Yesus Kerisut na enaru yidnak pem-nen nggweyak ma yu-nen kopkap tobok tak woragwi inggem-nen wesera labuk yidnag-et nde, iri mende-nen tuguruk it kamat unpuruk, urugwe nggwe rak onposola-ge, ap iri na nanduk meya kwarogolat woraidnag-e meya-t nde, abok-nen kwatli iri-ge mondok meya lombog-o.

2 PETERUS 3:18

Alat nde, we wok ondoso elem wanogolat na, Nenagawan Indo Ninmiri Yoso Yesus Kerisut kenaru yogolat na kit kenarem-e anggam nambek anggam nambek kwarat mag-o. Yawo-nen na irit, woragolat nagolat-nen na irit, at nak kek tak pogolat wolmag-o! Amen.

2 PETERUS 3:2

An yak kundusu yu-ge nanduk Mbal Pem Nagawan ene lomboksa yugwi marak nap-nen yidnak wene min Nagawan Indo Ninmiri Yoso Nap-nen yidnak wene wirik inpidnak nap-nen yak kindidnak wene min yeberak worabokluk yak kundusu-o.

1 YOANES 5:14

Nit-nen nde at indi-n pidnak ndak ndag-et at ebem yi mende ndi mende nggi yak togola-ge, nenne koloso me, nir-e kwiye lag-et Mbal Pem Nagawan eram mbitli-o.

YURAS 1:3

Nanggamirak kenabuwa worak wa-e. Nit totno ninmiri yidnak wene iri na engga kenmanggim mbareyekluk yosoma-t nde, an nindi-nen perasolar-e: Lag-o. Yawo-ge Mbal Pem Nagawan-nen at winde nap mondog-et wok indidnak inndi angin tubu yugwi wene na amanggim kenmawi kondogolat wolmer-o luk nggomo kundurak wene engga bem mbal kundurak perak nde nggulog-o luk peragi-o.