TITUS 1:3 - Nanduk Ngget Tul Pidnak Wene

³ Nde, aid wene iri na nam tak purak tarem-net nam tak pij-o. Wene iri-ge an nebem pamu, Ninmiri Yoso Mbal Pem Nagawan-nen: ”Wene iri yi-o” yidnak pem-et yil nusu-o.

TITUS 1:3 ပူးပေါင်းရင်းမြစ်များ

YESAYA 45:15

Isarael nap inmiri yoso Mbal Pem Nagawan iri-ge kura nak woraso Mbal Pem Nagawan-nen yusu-o.

YESAYA 45:21

Kit-nen konowene nam-et nak yak nerer-o. Ndemerer-o luk yurak wene-ge para nam-et nak yer-o. It ereba-ge lambuksa wene mbaruwag-o. Ta-nen nanduk-net wene iri-ge wigarosolat, kenaru rak posolat kwaramu-o? Nagawan Indo an-net kwarukmu-o. Kugwiwak Mbal Pem Nagawan an nggal misik mbi worasu-ge lag-o. An-e mot mot kwarosolat, inmiri yosolat Mbal Pem Nagawan-nen yusu-o. An nggal nin mbi worasu bug-o.

NDANIEL 8:23

Nagawan ereya-nen tenagidnak wi ereba na woroksiyem wok yosola-ge, meya kwarugwi-t mondok nggok ma-o. Meya kwarugwi nggok yosola-ge, ap nagawan wene koloso buk, ap enmberam laso misik men ma-o.

NDANIEL 9:24

Olengen tuju kali tuju pulu ereya worarug-e, Mbal Pem Nagawan-nen kat kelem nap min kuwi siri marak iri min-e yi meya ndi meya kwarugwi min meya kwarugwi elem min arem-nen wesera keya unpurak irit wat tak pidnak worasu-o. Nde, yi meya ndi meya oboksa amberam tak posolat, pempa lud tak mot mot kwarugwi nak nggok tak puwa-o. Iri kwat yosola-ge, kat-nen nabi bem nggal kaigen iri na min ebe-ge iri nggal-nen yusu-o luk yidnak min-e ndak ndak irit kwat ma-o. Iri yosolar-e, Nagawan Indo uwi marak iri na-ge tuguruk Nagawan Indo erembel wanugwi rak puwa-o.

ABAKUK 2:3

An-nen nam tak pimin mende-ge awo worasu me, engga bem mbarurag-o. Alat nde, iri kwaruwa tarem-e yanem-et wok ma-o. An-nen kat kimbiri bem nam tak pigi mende-ge ndemeret kwar-et ma-o. Yik kagolar-e, woraruk-nen kwat ma-o luk perali-t nde, mondok karok nak wolmin-o! Iri kwarurak tarem-e wog-et ma-o. Nimik tak puwa bug-o.

MARAKUS 1:15

it yak ondosolar-e: ”Mbal Pem Nagawan-nen tenagaidnak wi kwat momtak tarem-e abu wok yusu-o. Kit meya yidnak keya buruk, kondok yogolat, aid wene bem kinndi angin tubu yogolat wolmer-o” luk yak indij-o.

MARAKUS 13:10

Nde, aid wene na-ge mondok nandug-et ap pidsa yak undurag-o.

MARAKUS 16:15

Met unpuruk, Yesus-nen it yak ondosolar-e: ”Kir-e yi wi ndi wi ap pidsa aid wene yak indil mberer-o.

LUKAS 1:47

Mbal Pem Nagawan iri-ge an Nimiri Yoso ala, an nindi alin alen yusu-o.

YIDNAK YIDNAK WENE 10:36

Mbal Pem Nagawan-nen Isarael nap enmanggim wene wosa pid iri-ge ap oboksa Nagawan Indo Yesus Kerisut ebem lambuk yurak aid wene irit yak indij-o.

YIDNAK YIDNAK WENE 17:26

At-nen-e nggweyak yu ebem yi wi ndi wi pidsa wolmakluk, ap misiget ebem nak-net nde, ab-e ap enlem pidsa ndak worak inpij-o. Ndak worak unpurug-e, it wolmomtak tarem min it unuwi nggweyak min kuri wosa arik tak mbara wok indij-o.

OROMA 15:19

kwaril nosolar-e, yenggerak purak mende amawi min kwiye worak mende amawi bem-nen na iri pidsa Konak Indi amawi bem-nen kwaril nigi-o. Iri nggal kwaril nosolar-e, o Yerusalem-nen Kerisut-nen idnak aid wene na-ge kwara timbiril timbiril Ilirikum kuri pigi-o.

OROMA 16:25

Mbal Pem Nagawan erembel wanuwog-o! At-nen-e kit kinndi angin tubu yidnak pem tugup lak tak kunpurag-e ndak-nen yusu-o. Iri kwarusu iri-ge, an-nen yak kindidnak aid wene, Yesus Kerisut owene iri-ge, obi-net kura woraidnak wene iri yawo nam tak pusu wene na bem-nen irit kwarusu-o.

OROMA 16:26

Nde, yawo-nen-e pem-et woraso Mbal Pem Nagawan-nen-e ”iri nggal mag-o” yidnak pem yi nap ndi nap oboksa-nen enaru luk inndi angin tubu yogolat, at-nen yidnak yidnak nak kwarogolat makluk-ge, Mbal Pem Nagawan ene lomboksa yugwi nap-nen mbaridnak engga bem-nen-e kura yidnak wene iri-ge nam tak pili-o.

OROMA 5:6

Nit nanduk ndeyak woragola, Mbal Pem Nagawan indi-n pidnak tarem ndak ndag-et yosolar-e, Kerisut-e Mbal Pem Nagawan ene tarugwi nap nenmanggim wat yamu-o.

1 KORINTUS 9:17

An nindi-nen yabu wanosolat nggal-e, ”Onggo wok nerer-o” yeleb-o. Alat nde, an yabu wanusu yu-ge an nindi-nen wanusu-ge lag-o. An nebem-et pidnak ala-nen wanusu-o.

NGGALATIA 4:4

Alat nde, iri kwarurak tarem-e ndak yosola-ge, Mbal Pem Nagawan-nen-e at ambik ambara ibil lobok yosola, at ambara na-ge ki kwami-nen ndet ebamu-ge, imiri mbarak pidnak wene urugwe nggwe worala-ge,

EPESUS 1:10

Mbal Pem Nagawan-nen ”Irit timin-o” luk lud tak pid wene-ge yu-o: Misiget tak purak tarem-e ndak yosola-ge, aid arem woraso tengge min nggweyak ma woraso tengge min, ndak worak pidnak tengge pik paksa-ge Kerisut ebem-nen mondok lambuksa misiget tak puwa-o.

EPESUS 2:17

Iri bem-e, Kerisut na lobok yij-e, lambuk tak woragwi aid wene-ge ap oboksa yak ondosolar-e, Mbal Pem Nagawan imin wud tak woragwi enlem nin nap kit yak kondosolat, Mbal Pem Nagawan eralu koroga woragwi Yawuri nap na yak ondosolat yij-o.

PILIPI 1:13

Iri kwat nibidnak pem-e, it nagawan woraso sa woragwi nap oboksa min ap erep oboksa min-nen neberagolar-e, ”Ar-e Kerisut ebem-nen o kubu me ibil nggwiga-o” luk nam-et neyali-o.

KOLOSE 1:23

Nde, mbigija-ge kit-nen kinndi angin tubu yidnak pem mondok tugup lak woragolar-e, aid wene kuligep na bem kinndi mbung mbung tak woraidnak na amawisa-t wanogolat woragup na-e. Aid wene iri-ge nggweyak ma woragwi nap oboksa yak indidnak wene-nen yusu-o. Nde, Paulus an-e aid wene iri ndegel oboso nap-nen yusu-o.

KOLOSE 1:6

Nde, kit kendam wok yid aid wene iri-ge iri nggal-et nggweyak ma yu me yi wi ndi wi wigak yosolar-e, ebe kwat yusu-o. Mbal Pem Nagawan-nen we wok ondoso elem obok na kulurug-e, ndemeret kenaru yigep kuri-nen yawo tarem-e kit kennggendumu-nen na irit aid wene wigak yusu-o.

1 TESALONIKA 2:4

Are, Mbal Pem Nagawan-nen-e at-nen idnak aid wene yurag-e ndak neneyaruk, nenpem pidnak me, nit-nen wene yogolar-e, ki nap indingen tak puwokluk-nen yili-ge lag-o. Are, nit ninndi ngaroso Mbal Pem Nagawan at nak indingen tak puwokluk-nen yili-o.

1 TIMOTIUS 1:1

Ninmiri Yoso Mbal Pem Nagawan-nen yidnak pem-nen na, nit ninndi ebem mbung mbung tak woragwi Kerisut Yesus ebem-nen na, Kerisut Yesus-nen wirik nibidnak nap Paulus an-nen-e

1 TIMOTIUS 1:11

Ndemeret wene iri-ge mondok erembel wanugwi kek tak Mbal Pem Nagawan-nen idnak Konak Wene-ge an-nen yuwakluk nebem pidnak wene iri-nen yusu-o.

1 TIMOTIUS 2:3

Iri nggal yogolar-e, konak-nen yusu me, nit Ninmiri Yoso Mbal Pem Nagawan indingen tak purak mende-ge irir-o.

1 TIMOTIUS 4:10

Nde, uruk nak woraso Mbal Pem Nagawan na ebem ninndi kwara mbung mbung tak worali me, nir-e nenmawi kondogolat, yabu kwarat wanili-o. Nde, Mbal Pem Nagawan iri-ge ap oboksa Inmiri Yoso Nab-et nde, nggog-e inndi angin tubu yidnak nap Inmiri Yoso-nen yusu-o.

2 TIMOTIUS 4:17

Alat nde, Nagawan Indo an nimin worala me, aid wene pidsa-ge an-nen ndak yak ondosola, it enlem nin nap oboksa kuluwaklug-e, amawi wok nirij-o. Iri nggal yosolar-e, singa ndakngge emendam-nen mengga keya nibij-o.

TITUS 2:10

enarengge yariya wanogolat yurak pug-o. Are, Ninmiri Yoso Mbal Pem Nagawan-nen yidnak wene iri-ge kek tak nak pogolat wolmakluk, ir-e pempa yi mende ndi mende kwarogolar-e, konak nak kwarogolat, mot mor-et kwarogolat mag-o.

TITUS 2:13

Nde, yawo-ge nit Nenmbal Pem Nagawan anggu obok worak min Ninmiri Yoso Nap Yesus Kerisut min-nen idnak abinal nam tak purak Tarem iri na bem nit ninndi mbung mbung tak woragwi iri na yik karok worali-o.

NAM PARA WENE 14:16

Yak tosoloma-ge, nggan nggan pem koreyak worasu nap-nen at eyalawi nggweyak ma mberak pil mbuwaruk, nggweyak ma-nen pidnak ogore yidnak oboksa mbarij-o.