TITUS 1:2 - Nanduk Ngget Tul Pidnak Wene

² Enesiget yoso buk Mbal Pem Nagawan-nen o ndak wirigit lak ma-net: ”Unlug-et woralik nalik wolmomtak elem irit wok kindimin-o” luk urul pid iri na bem ninndi mbung mbung tak worali-o.

TITUS 1:2 ပူးပေါင်းရင်းမြစ်များ

YESAYA 1:20

Alat nde, kit-nen an nimin wim mbal tenak woragola-ge, yak kendeyeg-o. An-e Nagawan Indo-nen yak kundusu-o. Kir-e mondok wim pem-nen kunduwa-o” luk yij-o.

WONARIDNAK WENE 23:19

Mbal Pem Nagawan iri-ge ki nap nggal enesiget yoso bug-o. ’O! Niri nera-o’ na yoso buk. Mbal Pem Nagawan-nen nde ’Irit kwarimin-o’ yosolug-e, mondok iri na-t kwaroso-o. Nde, at-nen nde wene yosola-ge, mondok yidnak iri nat kwat yoso-o.

MATIUS 25:34

Iri luk, Nagawan na-nen at inggi kigit nggwe wolma nap na yak ondosolar-e: ’An Neid-nen imbiringgat tak kinpid nap wa-e. Lobok yer-o. Nggweyak ma yu me ndak wirid kuri-nen kit kenmanggim lid lud tak pidnak nagawan-nen tenagaidnak wi yu winde yil lobok yer-o.

MATIUS 25:46

Iri ala-ge, it iri na-ge pempa andi bandi kagolat woragwi sa inpil ngguwa-o. Nde, lud tak nak kwarugwi nap na-ge pempa unlug-et woragwi sa iri me ngguwa-o” luk yij-o.

MARAKUS 10:17

Yesus na mbururak sa nggwe mborosoma-ge, ap misik at eram puburak lobok yarik, at urugom endaru yunggusa kore luk-nen kin wok obosolar-e: ”Mul Nondoso Nap, Konak Nap wa-e. Nurug-et woralik nalik wolmomtak waneyek-nen an-e ngge nde kwarimin-o?” luk kin wanij-o.

MARAKUS 10:30

yawo-nen perak terak mena winde yosolar-e, uwi min owe owot min iridtak min eid ija min ilirak min eyabu min-e winde yuwa-t nde, iri-nen andi bandi min-et wanuwa-o. Nde, abok-nen perak nde unlug-et pem-et wolmomtak elem irit wanuwa-o.

YOANES 10:28

An-nen-e unlug-et woralik nalik momtak elem wok undusu me, ir-e pem-et lak ma bug-o. Ap misiger-o luk tet-nen an ninggem-nen ming unpurak na meya-o.

YOANES 17:2

Kat-nen lena wok niridnak nap iri-ge unlug-et woralik nalik elem an-nen wok unduwakluk, ki nap oboksa tena unpuruk wolmomtak amawi-ge an ninggem pigen-o.

YOANES 17:24

Neid wa-e. An lena wok nirigen nab-e an kek tak woraso na kujwakluk, an woramin sa it na iri me totno wolmomtak perasu-o. Nde, an-nen kek tak woraso iri-ge nggweyak yu awo ndak wirigit lak ma, kar-e an nabuwa kasolar-e, wok nirigen nar-o.

YOANES 5:39

’Mbal Pem Nagawan engga mbarak yu bem unlug-et wolmomtak elem wanul-o’ peragoluk, kit-nen-e engga na kwara mbenarogolat worali-o. Irit nde, engga iri-nen an nowene kenggel kundusu-t nde,

YOANES 6:54

Nde, an nebe min neyabi min nasu nab-e, urug-et woralik nalik momtak elem tena worasu-o. Nde, i woronosolat tarem-nen-e an-e uruk tak ibimin-o.

YOANES 6:68

Simon Peterus-nen at yak tosolar-e: ”Nagawan Indo wa-e. Ta eram nde mburul-o? Kat kene-ge unluk yaga wok ondoso-nen yusu-o.

YIDNAK YIDNAK WENE 15:18

nanduk-net wene yu kwarosolat enaru rak pid nap Nagawan Indo-nen-e irit yij-o.’

OROMA 1:2

Aid wene iri-ge Mbal Pem Nagawan-net obi-net urul paga Mbal Pem Nagawan ene lomboksa yugwi nap enpem posola, it-nen konak engga bem mbariga-o.

OROMA 16:25

Mbal Pem Nagawan erembel wanuwog-o! At-nen-e kit kinndi angin tubu yidnak pem tugup lak tak kunpurag-e ndak-nen yusu-o. Iri kwarusu iri-ge, an-nen yak kindidnak aid wene, Yesus Kerisut owene iri-ge, obi-net kura woraidnak wene iri yawo nam tak pusu wene na bem-nen irit kwarusu-o.

OROMA 2:7

Ap erep-nen-e konak mende nak kwarogolar-e, Mbal Pem Nagawan unu nak kek tak purak nak kore yogolat, at erembel wanurak nak kore yogolat, pem-et wolmomtak nak kore yili nab-e Mbal Pem Nagawan-nen unlug-et pem-et woralik nalik wolmomtak elem wok unduwa-o.

OROMA 5:2

Nit ninndi angin tubu yidnak pem nir-e Mbal Pem Nagawan-nen idnak we wok ondoso elem pem worali-o. ”Mbal Pem Nagawan unu kek tak pogola, at ondok yul-o” luk iri kwarurak pem ninndi mbung mbung tak woragolar-e, nenalen kali-o.

OROMA 5:21

Iri ala-ge, meya kwarugwi elem urugwe nggwe woragolar-e, wat yugwi nap woraige nggal, iri nggal-et we wok ondoso elem urugwe nggwe woragolar-e, lud tak nak nunpuruk, Nenagawan Indo Yesus Kerisut ebem-e nunlug-et woralik nalik momtak elem wok nundusu-o.

OROMA 5:4

ninndi tugup lak uwi yaboso iri-nen ombol nggwe rak poso-o. Nde, ombol nggwe rak onposo iri-nen-e inndi ebem mbung mbung tak woragwi rak poso-o.

OROMA 6:23

Nde, meya kwarugwi elem na onggo-ge wat yugwi irir-o. Alat nde, Mbal Pem Nagawan-nen we wok nondoso iri-ge Nenagawan Indo Yesus Kerisut ebem-nen pem-et unlug-et woralik nalik elem-nen yusu-o.

KOLOSE 1:27

Mbal Pem Nagawan-nen ”Irit timin-o” luk yidnag-e yu nggal-o. At-nen idnak kura wene, kek tak pidnak wene iri-ge, ap enlem oboksa ennggendumu-nen nam tak purag-o luk yusu-o. Nde, kura wene iri-ge yu-o: Kerisut kit kenarem worala-ge, Mbal Pem Nagawan unu kek tak pidnak iri-ge totno-t wanul-o luk kinndi mbung mbung tak wolmomtag-o.

1 TESALONIKA 2:15

Yawuri nap iri-nen-e Nagawan Indo Yesus worogolat, Mbal Pem Nagawan ene lomboksa yugwi nap na ondogolat, nit na lel mberel nonpogolat yiga-o. It iri-ge Mbal Pem Nagawan indi-n pidnag-e perali bug-o. Ap oboksa inmin na sirid mbarak worali-o.

1 TESALONIKA 5:8

Alat nde, nir-e lengge imin kwin yidnak nap me, ninndi min-et wolmog-o. Nit-nen yorogolar-e, ninndi angin tubu yidnak min ap enabuwa kagwi elem min-e tagun nggal yorogolat, nenanggul ndimno nggal-e ninmiri yurak ninndi ebem mbung mbung tak woragwi iri na yuruwog-o.

1 TIMOTIUS 6:12

Kindi angin tubu yidnak wim-e konag-et tomborosolat wolmin-o. Iri kwarosolar-e, unlug-et woralik nalik momtak elem wanugun-o. Kar-e ap kwarat inmbiri bem-et ”Nindi angin tubu yigi-o” luk kinggirigen tarem-e Mbal Pem Nagawan-nen unlug-et woralik nalik momtak elem wok kururak pem wene mbo kibid irir-o.

1 TIMOTIUS 6:19

Iri nggal kwarogolar-e, it abok wolmomtak amanggim pem-et wolmomtak silobulo kwarat it enmanggim ndok wuruwa-o. Iri kwatli iri-ge ndemeret unlug-et wolmomtak elem na wanuwa-o.

2 TIMOTIUS 1:1

Kerisut Yesus ebem unlug-et wolmomtak aru pidnak wene yak unduwakluk, Mbal Pem Nagawan indi-n pidnak pem Kerisut Yesus-nen idnak wirik nibidnak nap Paulus an-nen-e

2 TIMOTIUS 1:9

Mbal Pem Nagawan-nen-e nit ninmiri yosolat, at-nen idnak nap makluk wene mbo nonposolat kwarid iri-ge nit-nen kwaridnak pem-e lag-o. Alat nde, at indi-n peraruk, at-nen we wok ondoso bem-net kwat ninpij-o. Nde, we wok ondoso elem iri-ge o awo ndak wirigit lak ma-net Kerisut Yesus ebem wok nindij-o.

2 TIMOTIUS 2:10

Iri bem-nen Mbal Pem Nagawan-nen len inpidnak nap enmanggim, it na irit inmiri yurak elem Kerisut Yesus ebem worasu iri min, pem-et wolmomtak abinal min wanuwakluk, kwarat lel mberel nobogola-t nde, neyak linggirik worasu-o.

2 TIMOTIUS 2:13

Nit nde mot mot kwarigit lak yogola-ge, ar-e mot mot nak kwaroso me, at ondomok eyubul purag-e meya-o.”

2 TIMOTIUS 2:15

Mbal Pem Nagawan-nen: ”An neyabu wanoso nap ndag-o” luk kuburujwaklug-e, kar-e ndemeret kamawi kondosolat wolmin-o. Nde iri-ge kat-nen yabu wanidnak na bem kinggiri kagun naru, ndemeret wene iri-ge mot mor-et mul ondosolat wolmin-o.

TITUS 2:13

Nde, yawo-ge nit Nenmbal Pem Nagawan anggu obok worak min Ninmiri Yoso Nap Yesus Kerisut min-nen idnak abinal nam tak purak Tarem iri na bem nit ninndi mbung mbung tak woragwi iri na yik karok worali-o.

TITUS 2:7

Nde, kat na kebage ob-et kiyujwaklug-e, yi mende ndi mende kwarosolar-e, konak nak kwarugun na-e. Kar-e kindi mot mor-et woralat, ndemeret kindi-net mul ondosolat wolmin-o.

TITUS 3:7

Iri rak ninpid iri-ge, Yesus-nen we wok ondoso elem pem nir-e Mbal Pem Nagawan imin kwindik nonposolat, pem-et nunlug-et wulmul-o luk ninndi-ge iri bem mbung mbung tak worali iri na wok nondosolat yekluk, iri rak ninpij-o.

1 YOANES 2:25

Nde, Kerisut at-net urul yak nondosolar-e: ”Kunlug-et pem-et woralik nalik woragub-o” luk yak nindik nar-o.

1 YOANES 5:20

Nir-e ndemeret Mbal Pem Nagawan na nenaru maklug-e, Mbal Pem Nagawan Ambara na lobok yarik, nit ninndi pindong tak pij-o luk nenaru yili-o. At Ambara Yesus Kerisut ebem-nen nir-e ndemeret Mbal Pem Nagawan na imin kundik worali-o. Nde, at yu-ge ndemeret Mbal Pem Nagawan urug-et woralik nalik yoso-nen yusu-o.

YURAS 1:21

Mbal Pem Nagawan-nen ap enabuwa kaso elem pem woragolar-e, kit na kit-net kinndi ndegel koragolar-e, nit Nenagawan Indo Yesus Kerisut-e nit nunpud-nen nunlug-et woralik nalik momtak elem wok nunduwakluk, yik karok wolmer-o.

NAM PARA WENE 13:8

Nde, nggweyak ma worali nap oboksa-nen at erembel wanuwa-t nde, nggweyak yu awo ndak wirigit lak ma-net wiridnak Lomba Wam Marik-nen idnak engga unluk nak wolmomtak iri na bem unnu mbaridnak nap-nen-e at erembel wanuwa bug-o.

NAM PARA WENE 17:8

Ndakngge isilepma worak kaigen iri-ge, nandug-e uruk woragaij-et nde, yawo-ge uruk worasu bug-o. At iri-ge yanem were mbun arem-nen lumarig-e, at lak tak uburak sa mburuwa-o. Nde, nggweyak ma worali nap, o nggweyak yu ndak worak pigit lak ma-net unluk wolmomtak engga arem unnu mbarigit lak nap oboksa-nen-e ndakngge isilepma worak iri karug-e, wi yuwa iri-ge ndakngge isilepma worak iri-ge nanduk uruk woragaij-et nde, yawo-ge uruk worasu bug-o. Nde, tuguruk nam ma iri bem-nen wi yuwa-o.

1 SEMUEL 15:29

Isarael nap Enmbal Pem Nagawan Kek tak iri-ge ki nap inndi nggal-e lak me, enesiget na yoso buk, at indi-nen pidnak iri-ge mborok tak poso buk-nen yusu-o” luk yak tij-o.