TITUS 1:10 - Nanduk Ngget Tul Pidnak Wene

¹⁰ Ap kwarat-nen yidnak yidnak kwarigit lak yili-t nde, it ennggendumu ap kwarar-e it Yawuri nap iniye ambasap wabugwi wene tena woraiga nap irir-o. It-nen yugwi ebe lak wene iri na-nen-e ap ereb-e kabak tak inpili-o.

TITUS 1:10 ပူးပေါင်းရင်းမြစ်များ

1 TIMOTIUS 1:6

Ap erep-nen-e wene yu nggal kwarigit lak, ebe lak wene nak yik tenak woragolar-e, kabak yili-o.

1 YOANES 4:1

Nanggamirak kenabuwa worak wa-e. ”Konak Indi-ge nit nenarem worasu-o” luk yugwi nap pidsa enpem kinndi angin tubu yurak pug-o. Enesiget Mbal Pem Nagawan ene lomboksa yugwi nap kwarar-e yi wi ndi wi waring kali me, it enpem worasu indi-ge Mbal Pem Nagawan eram-nen lobok yid, lak? luk, kwara lombot purag-o.

NGGALATIA 2:4

Alat nde, ennesiget yogolar-e nir-e konowe konowot-nen yili-o luk, nit ninmin lambuksa wene mbariga nap erep-nen-e at iye ambasap waburak yiga-o. It iri na-ge mbik mbok lobok yigarik, nendam ngguruk, nir-e Kerisut Yesus ebem-nen weserak woragwi na mbenat nunpuwokluk nggwigarig-e, teberak nunpuwokluk yiga-o.

EPESUS 4:14

Iri nggal yulndig-e, nir-e li marik nggal, yi ombolwak pem abung abung waring kagwi nap nggal, ennesiget yugwi nap-nen mul undugwi wene obube nggal iri-nen puk eneyagwi nap nggal yul-e lag-o. Ennesiget yugwi nap-nen enmberel puruk, ap kabak tak unpugwi-o.

YAKOBUS 1:26

Ap-nen-e ”An-e Mbal Pem Nagawan erembel wanoso-nen yusu-o” luk perasolat-net nde, indi-ge konigit lak, wene-ge we ama bem perek nak yosola-ge, at-nen at ambik ombol pem lasu-o. Mbal Pem Nagawan erembel wanusu iri-ge we kasa ereba-t wanusu-o.

2 TIMOTIUS 3:13

Nde, meya yugwi nap min ap onmbol pem lagwi nap min-e meya kwarat ebem lud lud kwarogolar-e, ap onmbol pem lali-t nde, it na enambik onmbol pem lali-o.

YIDNAK YIDNAK WENE 11:2

Kuligarik worakmu-ge, Peterus na-ge Yerusalem lasoloma-ge, it Yawuri nap-nen at met pogolat-nen

NAM PARA WENE 2:14

Alat nde, kit-nen kwatli erep ereba perak nde nisili-o. Iri-ge: Kit kennggenggerak ap ereb-e Mbileam-nen Isarael nap enare posolar-e, kugiwak amanggim pidnak nunggwi mende nonggolat, mbabi yogolat makluk, Mbalak mirik pid wene na langgal luk mbitli-o.

NAM PARA WENE 2:6

Alat nde, kit-nen konak nggal kwatli misig-e yu-o: Nikolaus ene wanugwi nap-nen kwarugwi iri-ge an-nen nisili kaso iri na nggal-et kit-nen na kinsili kali-o.

1 YOANES 2:18

Nilirak wa-e. Woroksiyem-e panggo yij-o! ”Kerisut imin sirid nab-e lobok yuwa-o” luk yak kindiga na-ge yawo-ge Kerisut imin sirid nab-e kwarat men yigarik me, iri bem-nen worok tak purak tarem panggo yusu-o luk nenaru yili-o.

2 TIMOTIUS 4:4

It-nen-e ndemeret wene kulurag-e eneyanggo ngguluwa-t nde, wene lom kulurak pem-e eneyanggo paluruk nuwa-o.

1 TIMOTIUS 1:4

”Tisiya wene min ineid onmbo nderak lolo pok tak pugwi buk wene iri-ge keya ber-o” luk yak indi-o. Iri wene yogolar-e, suwal suwal ndi wurugwi elem-nen yusu me, ninndi angin tubu yidnak pem Mbal Pem Nagawan-nen ninmiri yoso elem iri na kabak tak pusu-o.

NGGALATIA 3:1

Wid inndi worak Nggalatia nap wa-e! No mende kenarem nggwij-o? Yesus Kerisut na e lang pang tak pem wat yidnak wene kinmbiri bem nam-et yak kindidnak nar-o!

YIDNAK YIDNAK WENE 20:29

Nde, an-e naru-o. An mburumu nimbirig-e, isilepma worak ndakngge-nen kit kennggendumu ngguwasolar-e, lomba wam ndok worak iri mondok keya buwa-ge lag-o.

YIDNAK YIDNAK WENE 15:1

Alat nde, Yurea-nen ap erep-nen Antiokia mbuwaigarik, ennggamirak tak inpidnak nap na mul ondogolar-e: ”Kit-nen nde Musa-nen ’Kiniye ambasap waburag-o’ luk yidnak wene iri na kwarigit lak ala-ge, kinmiri yuwa bug-o” luk yiga-o.

YIDNAK YIDNAK WENE 15:24

Nit-nen kologolar-e, nit nennggendumu-nen mbiridnak nap ereb-e nit-nen ’Wene iri yer-o’ luk yak indigit lag-et nde, it inndi-n pidnak pem nak yak kondogolar-e, nari wari rak konpogolat, kinndi mberen tak pili wene kulige-o.

1 TIMOTIUS 1:9

Wene yu kwara yebet ker-o: Imiri mbarak pidnak wene iri-ge lud tak nak kwarugwi nap enmanggim yidnag-e lag-o. Are, wene kuruk tugwi nap min Mbal Pem Nagawan ene kulugwi buk nap min Mbal Pem Nagawan enaru buk nap min meya kwarugwi nap min Mbal Pem Nagawan indi-n pidnak kwarugwi buk nap min aid wene enaru buk, it inndi-n pidnak nak kwarugwi nap min ineid iniya undugwi nap min ap undugwi nap min

TITUS 1:6

Ogore yidnak nap iri-ge ebem ambut lak nap, kwe misiget un ala, ilirak na mondok inndi angin tubu yidnak ala, ilirak na mondok mot mot kwarugwi me, onpok pugwi buk ala, ap iri nggal nak mendak unpurag-o.

1 YOANES 2:4

Nde, ap misik-nen nde: ”Mbal Pem Nagawan-e an naru-o” luk yosolar-et nde, at-nen yidnak yidnak kwarigit lak yosolar-e, iri yusu nab-e enesiget wene yoso-nen yusu-o. At iri na arem-e ndemeret wene-ge mondok lag-o.

MATIUS 23:14

Kenesiget siget kwarugwi nap kit imiri mbarak pidnak wene kenaru nap nde Parisi nap nde wa-e. O, kenabuwa-o! Kit-nen-e nanongga kweyap togwe unuwi na yariya wanogolat ereya na-net ap-nen op-net yili-o yuwaklug-e, tepan mot pare yili-o. Iri bem-e kit kenpem wene mbarosolar-e, angin worak mende kwarat kenpem puwa-o!]