SAKARIA 9:16 - Nanduk Ngget Tul Pidnak Wene

¹⁶ Nde, iri kwarurak tarem iri wok yosola-ge, lomba ndugurugwi nap-nen isilepma worak emndam-nen lomba imiri yugwi ereba na nggal-et Nagawan Indo-nen-e at ilirag-e inmiri yuwa-o. It iri-ge abinal worak kerep-nen konidnak topi nagawan-nen enanggul pem pugwi abinal nggal, Nagawan Indo uwi nggweyak pem-e enabinal worak wolma-o.

SAKARIA 9:16 ပူးပေါင်းရင်းမြစ်များ

NDAWI ENGGA 100:3

Nagawan Indo iri-ge Mbal Pem Nagawan-net yusu-o luk kenaru mer-o. At-nen nir-e ndak wat nenpamu. Nde, nir-e at arengge-nen yili-o. Nir-e at ilirak, at-nen ndegel nonposo olomba oro-nen yili-o.

YESAYA 40:10

Nagawan Indo Mondok Amawi Worak iri na lobok yosolar-e, o tenageyekluk amawi min lobok yusu-o. Nde, at-nen wisirik inpidnak nab-e at imin nduguluk lobok yusu-o.

YESAYA 54:12

Nde, kegeber-e ndelima kerep-nen mbeyoksa mendak posolat, kurumnde pak tumende-ge kerep abinal worak pem-nen konosolat, kat-nen idnak pak leger-e kerep onggo nggok pugwi bem ligik posolat kwarimin-o.

YESAYA 60:14

Kat anggun panggun tak kubugwi nap inlirag-e kat keram lobok yuwarik, keram entare nggwe tud ma-o. Kat pesel kibidnak nab-e kat keram tebe ma-o. Nde, kat kunu yarogolar-e: ’Nagawan Indo uwi siri-o’ luk, ’Sion iri-ge Isarael Embal Pem Nagawan Marak iri na uwi-o’ luk yuwa-o.

YESAYA 60:3

Ap enlem kwarar-e kit keneyaya eram nggwid nggwid lobok yuwa-o. Nagawan nagawan-e kit kenmanggim yaya pil wuma iri na-nen lesa inpil lobok yuwa-o.

YEREMIA 23:3

Alat nde, an nilirak erep minggirig-e, it mbo inpigi sa-nen ndok wat inpimin-o. Ndok wosa wok unpuruk, it unuwi nggweyak pem inpil lobok yumu, it-nen wigarag-e mondok kwarat ma-o.

YEREMIA 31:10

Nagawan Indo-nen yosolar-e: ”Ap kenlem oboksa wa-e. Kwara koler-o! Kulurug-e, kenpem pimin wene-ge yi koma eyak ponok nggwe yak ender-o. Nde, an nilirak ndibi ndi rak inpigi ereba na-ge ndok worak unpuruk, lomba yik karok woragwi nap-nen onlomba ndugurugwi nggal, kwara ndegel onposolat woramin-o.

YEREMIA 31:11

Nde, Isarael nab-e enlem enmawi worak nap ininggiyapma-nen inmiri yosolat, wisirik inpigi-o.

YESKIEL 34:11

Nagawan Indo Mondok Kek tak an-nen yosolar-e: ”An nondomok-net nolomba-ge kore yosoluk, kwara ndogorosolat woramin-o.

YESKIEL 34:12

Nde iri-ge lomba yik karok woraso nap-nen olomba nggilarak ndibi ndi rak ereba na kore luk, ndok wosa keya buruk ndogoroso iri na nggal-et kwarimin-o. An nolomba o muruk tak ndamuk tarem-nen yi wi ndi wi inpil mbiridnak ereba na-ge it nggilarak woragwi sa-nen wok unpuruk lobok yimin-o.

YESKIEL 34:31

Ndemeret kir-e an-nen nunggwi mende mak kondoso nolomba oro-nen yili-o. Kir-e an nilirak-nen yili-o. Nde, an-e kit Kenmbal Pem Nagawan-net yusu-o. An-e Nagawan Indo Mondok Kek tak-nen yak kundusu-o” luk yij-o. 35:1-15 Pasal yu arem-e Erom nggweyak pem woragwi nap enpem angin worak mende mberak purak wene mbarak worasu-o.

MIKA 5:4

Nde, at-nen-e yamuksa woragwi elem wok unduwa-o.

MIKA 7:14

Nagawan Indo wa-e. Kat-nen len inpigen kilirag-e kwara ndegel onposolat wolmin-o. It iri-ge nggweyak amburu worak nggwe yobok tak ma walma ereba worali-o. Nde, it iri-ge nanduk-nen kwariga nggal Mbasan min Nggileat min karu me tusuangge ndumu ereba me-nen nunggwi mende nonggolat wolmakluk keya inpi-o.

LUKAS 12:32

Yuruk, Yesus-nen yosolar-e: ”Nolomba wam wonarak kit yu-ge wa-e. Kit Kineid-nen at-nen tenagaidnak wi wok kundurag-e indi parik me, kwiye kali meyog-o.

YOANES 10:27

An nolomba-nen-e an nene kulili-o. Nde, an-nen-e ir-e naru me, an nimin nili-o.