SAKARIA 9:11 - Nanduk Ngget Tul Pidnak Wene

¹¹ Nagawan Indo-nen at ilirak yak ondosolar-e: ”An-nen kit kinmin kondosolat urul yak kindigi iri na-ge an namanggim wosa pugwi ereba na eyabi wirik pugwi ndemeret ebe worak tak posolar-e, iri na bem-nen-e yi emnde mbarak yi eberek yidnak arem woragwi nggal kit nap mbo inpidnak sa ereba na me anggun panggun kagolat worali ereba-ge wisirik inpimin-o.

SAKARIA 9:11 ပူးပေါင်းရင်းမြစ်များ

NDAWI ENGGA 40:2

At-nen-e lak tak unpurak mbun arem-nen lesa nibil luwasolat, yi iminep kwaroso sa-nen lesa nibil luwagij-o. At-nen lit neyaga kerep ndobo bem nebamu, nuwog-e konat pusu-o.

NDAWI ENGGA 69:33

Nagawan Indo-ge insilobulo lak nap enne-ge koloso-o. At ilirak o kubu me worali nab-e meme rak onposo bug-o.

MBIRIGA WENE 24:8

Yogola-ge, Musa-nen-e sapi eyabi yimbe arem kenanggo ereba na it enpem kolosolat-nen yosolar-e: ”Eyabi yu-ge Nagawan Indo-nen watsa yak kindidnak wene iri na bem-nen urul yak kindid iri na ebe kwarak pusu-o” luk yij-o.

YESAYA 42:22

Alat nde, at ilirak iri na-ge enarengge ondoro rak puruk, enpe-ge ondoro nggweyak arem nenaril lobok yidnak ereba na me unpuruk woragolat, o kubu me kura onpogolat yiga-o. It iri na-ge inmiri lak yariya wok onpogolat, enarengge lak tak pogolat yiga-o.

YESAYA 42:7

Kar-e enlengen ngguru enlengen kuwara wok ondosolat, o kubu me woragwi nap wisirik onposolat kwarugun-o.

YESAYA 49:9

Nde, an-nen-e o kubu me inpidnak nab-e wesera wirik onposolat, nde, ndamuk arem woragwi nab-e yaya bem inpil mborosolat kwarimin-o. Iri-nen ndobo mondok usu nggwarak pem wolma-t nde, ndak irit woragolat, tula ereba mborogolat na nunggwi mende-ge nil nal nak mburuwa-o.

YESAYA 58:12

Nde, o siri abu tudsa langgona labuk yidnak ereba na-ge kit-nen tuguruk worogolar-e, mabin-e nanduk-nen pidnak iri na bem-net wurugub-o. Ap-nen kunnu yarogolar-e: ’Kerep pak leget tuguruk worogolat, o yigisa ndamera labuk yidnak ereba na ndop noksa ondolma rak pugwi nab-o’ luk yuwa-o” luk yij-o.

YESAYA 61:1

Nagawan Indo Mondok Kek tak iri na amawi-ge an nebem worasu-o. Insilobulo lak nap ereba na konak wene yak unduwakluk, at-nen lenak nuburuk, nibil lobok yamu-o. Iri-nen inndi abi kalak woragwi ki yaga wok ondosolat, wim nap-nen tena unpuruk woragwi ereba na ”Ndag-et nak wirik enper-o” luk wene wirik posolat, o kubu me inpidnak nap ereba na-ge ”Kir-e wisirik kunpuwa-o” yak ondosolat kwaruwaklug-et nibil lobok yamu-o.

YEREMIA 38:6

Yak ondosoloma-ge, an-e tenaga wok nuburuk, kere yela nagawan ambara Malkia-nen idnak yi kenanggugwi nggweyak emnde mbaridnak nagawan woraso sa o mborom iri na me mberak nibiga-o. Nde, yi emnde mbaridnak iri-ge eberek yidnak, miril nak kobong tak iri na me miril arem mberak nibikma, mbigi-o.

NDANIEL 2:29

Nagawan kat nene yosolat-nen nabi kaigen iri-ge abok woragolat-nen kwat yurak ambigit nggwe-t kaigen-o. Mbal Pem Nagawan-nen kura wene abok-nen kwat momtag-e kat kimbiri bem nam tak pij-o.

MATIUS 26:28

Yu-ge an neyabi-nen yusu-o. Nde, an neyabi-ge Mbal Pem Nagawan-nen urul pidnak neyabi yu-ge ap kwarat-nen meya yidnak na amberam tak puwakluk-nen nggilaridnak neyabi-nen yusu-o.

MARAKUS 14:24

Nunggukmu-ge, Yesus-nen it yak ondosolar-e: ”Yu-ge ap kwarat enmanggim wirik purak eyabi, Mbal Pem Nagawan-nen urul pidnak wene na ebe rak pusu neyabi-nen yusu-o.

LUKAS 16:24

Eneyarug-e, isilobulo worak nap na-nen ene ngguloksa yosolar-e: ’Neid Abaram wa-e. An-e kanduk arem yane wat tenak worasu yu-ge, kar-e an nabuwa kasolar-e, Lasarus iri yak ti-o. Inggi yi ma buruk, an nama imin tak puwak-nen yak ti-o’ luk yij-o.

LUKAS 22:20

Yuruk, mburu nuruk, ir na nggal-et kwasa yimbe na wok ondosolat-nen yosolar-e: ”Yimbe yu-ge Mbal Pem Nagawan-nen ngget urul pidnak wene an neyabi kit pidsa kenmanggim mbiridnak neyabi-nen ebe rak pidnak-nen yusu-o.”]

LUKAS 4:18

”Nagawan Indo Indi-ge an nebem worasu-o. Aid wene-ge insilobulo lak nap yak unduwakluk, an len nibij-o. O kubu me woragwi nap wisirik unpurak wene yak unduwakluk, Enlengen ngguru woragwi enlengen kuwarak puwakluk, Ap-nen tebel inpidnak nap wisirik unpuwakluk,

1 KORINTUS 11:25

Mburu nuruk, iri nggal-et yimbe wanosolat-nen yosolar-e: ”Yimbe arem kenanggo yu-ge an neyabi bem Mbal Pem Nagawan-nen ngget urul pidnak wene-nen yusu-o. Kir-e an yebet yebet tak worabok-nen nonggolat wolmer-o” luk yij-o.

IBERANI 10:2

Nde, eyabi pidnak iri-nen-e iri pogolat woraidnak nap ereya-nen meya yogolat woraidnag-e ndemeret marak inpidnggal-e, it-nen-e an-e meya yoso nap kagi-o luk peragit lak woralar-e, Mbal Pem Nagawan amanggim wam wosa eyabi-ge perenak woragit lak yeleb-o.

IBERANI 10:29

Nde, meya kwaridnak nap na iri nggal kwat unpugwi ala-ge, Mbal Pem Nagawan Ambara unuwok liri rak pili nap min Mbal Pem Nagawan-nen urul pidnak eyabi, at mbek tak ibidnak eyabi iri na te rak pusu nap min we wok ondoso elem wok nindid Konak Indi na meya rak puwa nap min enpem-e terak minik anggun worak mende ngge nggal kwasa enpem puwa-o?

IBERANI 13:20

Mbal Pem Nagawan-nen-e ap wat yidnak ennggendumu-nen nit Nagawan Indo Yesus na uruk tak pij-o. At wat yid iri bem-nen Yesus na-ge olomba wam Yik Karok Woraso Nap nggulok iri kwat yij-o. At eyabi-nen-e pem-et wolmomtak urul pidnak wene iri na ebe worak tak pij-o.

NAM PARA WENE 20:3

Iri luk, aid nap iri-nen waro na-ge wat yugwi mbun arem pil ngguruk, tu imig worak puruk, kuwak ma naru lop nok tak pugwi mende bem panggarak pid iri-ge olengen seribu (1,000) iri awo lak yigit lak ma ap enlem oboksa onmbol pem lujwa naru-nen kwarij-o. Nde, iri rak puruk, siyag-et nak wolmomtak pem mondok wisirik ubuwa-o.