SAKARIA 9:10 - Nanduk Ngget Tul Pidnak Wene

¹⁰ Nagawan Indo-nen yosolar-e: ”Eperaim nap-nen idnak wim nggugwi koma-ge an-nen mbo bimin-o. Yerusalem woraso kura wam-e an-nen lak tak posolat, mingin mare oboksa an-nen yigisa keya bosolat kwarimin-o. Kit-nen idnak nagawan-nen-e yi nap ndi nap enlem oboksa inmin kundik lambuksa wolmomtak wene wirik puwa-o. Yi wi ndi wi oboksa min Yi Eperat kuri-nen mberarik, o kuri ap kuri oboksa at-nen nak tena wolma-o” luk yij-o.

SAKARIA 9:10 ပူးပေါင်းရင်းမြစ်များ

NDAWI ENGGA 72:17

Nagawan unu-ge meme rak pigit lak, pem irit yeberak woralik nalik wolmag-o. At anggu obok mboroso-ge mo worala-ge, mondok wigak yosolat wolmag-o. Ap enlem oboksa-nen at imbiringgat worasu nggal wolmomtak pem imbiringgat tak unpurak nggi yuwag-o. Ap oboksa-nen nagawan imin yogolar-e: ”Alen worak wolmag-o” luk yuwag-o.

NDAWI ENGGA 72:3

Nit nunuwi nggweyak pem-e yi mende ndi mende bem-e ndak nak enalen pem woragolat, ap enlem oboksa mondok mot mot nak kwat onpogolat wolmag-o.

NDAWI ENGGA 89:26

At-nen yak norosolar-e: ’Kar-e an neid min Nembal Pem Nagawan min-net yusu-o. Kar-e nggetlel nobosolat, nimiri yosolat yoso-net yusu-o’ luk yuwa-o.

YESAYA 2:4

At-nen-e ap enlem oboksa ennggendumu enpem wene mbenarosolat, ap enne lombok ennggendumu wene nggaruksa mbarosolat kwaruwa-o. Nde, wim pugwi eneyalawi-ge nden kaga yabu wanugwi kagweyap tak puwa-o. Nde, it wim pugwi posid wuru-ge kabo tusuangge mbarugwi rak puwa-o. Ap enlem erep-nen-e ap enlem erep inmin wim puwa bug-o. Iri-nen wim nggurak pem lid lud tak puwa bug-o.

YESAYA 49:6

Nagawan Indo-nen an yak norosolar-e: ”Ndegel noboso nap wa-e. Yabu mondok nggok terak minik lombog-e kat-nen wanurak worasu-o. Kat-nen wanurak yabu-ge Yakup-nen wigarak erep minggirik ereba kek tak woraiga ereba na tuguruk kek tak onposolat, enma inpil mborosolat kwarurak iri nak worasu-ge lag-o. Alat nde, yi wi ndi wi oboksa-nen inmiri yuwakluk, an-nen kar-e ap enlem oboksa ennggendumu yaya rak kibimin-o” luk yij-o.

YESAYA 60:12

Nagawan misik-nen tenagidnak wi woragwi lombok-nen kat ndegel kuburak insili yogola-ge, yabera lak tak unpuwa-o.

OSEA 1:7

Alat nde, it enlem Yewura nab-e enabuwa kamin-o. Nagawan Indo it Enmbal Pem Nagawan an-nen inmiri yimin iri-ge it inmiri wim mbarosolat, yalawi bem-nen san pem-nen kura wam pem-nen kura wam ombol pem koreluk mburugwi nap enpem-nen inmiri yimin-e lag-o” luk yij-o.

OSEA 2:18

Nde, iri tarem-e yi mende ndi mende eyak worak oboksa imin-e ’An nilirak sil iniyudtak pug-o’ luk imiri mbarak pimin-o. An-nen-e an nilirak woragwi sa-nen wim lak tak posolat, wim pugwi mende mingin mare oboksa inggi mbara wirik pimin-o. Iri rak unpuruk, yamuksa kona woragwi rak inpimin-o.

OSEA 2:20

’Wok kibimin-o’ luk urul yak kirigi iri na ndak ndag-et wok kibimin-o. Kat-nen na an nimin-e ’Iri-ge an-nen idnak Nagawan Indo-net yusu-o’ luk yugun-o.

MIKA 4:8

Lomba wam ombo-nen olomba oro yik karok woraso nggal, Yerusalem kar-e Mbal Pem Nagawan-nen at ilirak yik eneyarok woraso ondoro-nen yusu-o. Yerusalem kar-e nanduk-nen woraso nggal kat-nen tenagidnak wi o siri iminepma tuguruk kwat yugun-o.

MIKA 5:4

Nde, at-nen-e yamuksa woragwi elem wok unduwa-o.

MIKA 5:9

Nagawan Indo-nen yosolar-e: ”Iri tarem-e kit-nen ebem kore luk wim pugwi kura wam oboksa lak tak posolat, kit-nen wim pugwi konggweyak koma min mondok meya rak pimin-o.

YIDNAK YIDNAK WENE 10:36

Mbal Pem Nagawan-nen Isarael nap enmanggim wene wosa pid iri-ge ap oboksa Nagawan Indo Yesus Kerisut ebem lambuk yurak aid wene irit yak indij-o.

2 KORINTUS 5:18

Iri mende oboksa-ge Mbal Pem Nagawan-net kwarusu-o. Kerisut ebem-nen Mbal Pem Nagawan-nen-e at imin sirid nap nir-e at ondomok imin lambuk tak ninpij-o. Iri rak puruk, nin nap na at imin lambuk tak unpurak yabu na-ge nit nenpem pamu-o.

2 KORINTUS 5:20

Iri ala-ge, nir-e Kerisut-nen ninpil lobok yidnak nap-nen yili me, nit nenemende nggwe-nen Mbal Pem Nagawan-nen-e kenmengen mbarusu-o. Nde, Kerisut unu bem nit-nen kenmengen mbarogolar-e: kondomok-net Mbal Pem Nagawan imin lambuk tak kunpuwakluk eram lobok yer-o luk yak kindili-o.

NAM PARA WENE 11:15

Iri luk, tuju bem tak posolat aid nap iri-nen oboba ene yij-o. Yosoloma-ge, aid arem-nen enne ngguloksa yogolar-e: ”Nggweyak ma wi yu tena wolmomtak amawi-ge nit Nenagawan Indo min at-nen lena mendak ibidnak Kerisut min ininggem worasu-o. Nde, at-nen tena buruk worasolar-e, pem-et woralik nalik irit wolma-o!” luk yiga-o.