PILIPI 4:3 - Nanduk Ngget Tul Pidnak Wene

³ Nde, an tot-no yabu wanosolat, mot mot nak yabu wanoso nanggam Sunsugos wa-e. Kwami mberen iri min Kelemens min an totno yabu wanugwi nap erep na min-e an nimin totno aid wene wigarogolar-e, enmawi kundidnak me, kwami mberen iri-ge kat-nen yongga indi-o luk kemengen mbarusu-o. It iri unnu-ge unlug-et wolmomtak engga bem mbarak worasu-o.

PILIPI 4:3 ပူးပေါင်းရင်းမြစ်များ

NDAWI ENGGA 69:28

Unluk woragwi nap unnu mbarak engga bem-nen it unnu-ge korak purag-o. Mot mot kwarugwi nap unnu mbarak engga enggendumu-ge it unnu lak wolmag-o.

MBIRIGA WENE 32:32

Iri ala it meya kwariga iri-ge kamberam tak unpurag-o, nab-o. Nde, kamberam tak inpigit lak nde ala-ge, unluk wolmomtak engga bem-nen an nunu-ge korak purag-o” yak tij-o.

NDANIEL 12:1

Nde, aid nap sum linen sum yirik iri na-nen tuguruk yosolar-e: ”Iri tarem abog-e aid nap kek tak kit kenlem Isarael nap nggetlel kunpuruk woraso Mikael iri na wok ma-o. Iri luk imbirig-e anggun panggun wolmomtak tarem irit wok ma iri-ge ap nanduk woraiga ereba woragolat-nen enpem mboso nggal-e lag-o. Are, terak mena anggun panggun wolmomtak tarem irit wok ma-o. Alat nde, kit kenlem nap unnu Mbal Pem Nagawan engga bem mbarak worasu nab-e inmiri-t yuwa-o.

LUKAS 10:20

Irit nde, kugi-nen kit-nen yidnak yidnak kwaruwa iri bem nak kenalen kudtak pug-o. Are, ’Nit nunnu aid arem mbarak worasu-o’ luk-nen kenalen kagolat wolmer-o” luk yak indij-o.

OROMA 12:1

Iri bem-e, nowe nowosi wa-e. Mbal Pem Nagawan-nen nit nunpud kwarat kaso bem an-e kit kenmengen mbarusu-o. Wam wosa Mbal Pem Nagawan amanggim pugwi nggal, kit kenpe kunlug-et ebis-et kegera Mbal Pem Nagawan wok turag-o. Iri kwarogolar-e, kit kenpe-ge marak me, at alen tak ubugub-o. Mot mor-et Mbal Pem Nagawan erembel wanugwi-ge irir-o.

OROMA 16:12

Enmawi min Nagawan Indo ndegel ubugwi kwami Teripena min Teriposa min inmin-e ”Wa yak kindij-o” luk yak undurag-o. An nindi kundik kwe Peresis-nen-e Nagawan Indo eyabu kwarat wanoso kwe iri na imin-e ”Wa yak kirij-o” luk yak turag-o.

OROMA 16:9

Nit ninmin totno Kerisut eyabu misiget erep wanugwi Urabanus min nanggam nindi kundik Itakis min inmin-e ”Wa yak kindij-o” luk yak undurag-o.

PILIPI 1:12

Nowe nowosi wa-e. Wene yu kenaru rak peyeg-o. An kwat nibidnak ereba-nen ndowaga aid wene nggulok yusu-o.

PILIPI 1:16

Nde, iri yili iri-ge, an-e aid wene na elat mbarurak nebem pidnak na enaru me, an nabuwa-nen yili-o.

PILIPI 1:27

An lobok yimindik-nen-e keneyasolat, nde, lobok yigit lak-nen-e konpok kolosolar-e: ”It inndi tugup lak luk, it inndi misiget luk lambuksa woragolat, inndi angin tubu yugwi aid wene amanggim enmawi kundili-o” luk konpok kuleyek-nen kit-nen yi kwatlik ndi kwatlik kwarogolar-e, Kerisut-nen idnak aid wene iri na-nen yidnak ndak ndak nak kwarogolat wolmer-o.

PILIPI 1:5

An-e iri yoso iri-ge tel kwirigep kuri-net yawo na kir-e aid wene bem yongga norogolat worali bem-nen iri yoso-o.

PILIPI 1:7

An-e pempa pempa kit oboksa kenperasu iri-ge, kir-e an narem nggwidnak me, lud tag-et yebet keneyasu-o. Nde, an-e o kubu me worala-nen na, an-e aid wene na imiri alat, tugup lak tak peyekluk yosola-nen na, Mbal Pem Nagawan-nen we wok ondoso mende wok niridnak iri na-ge kir-e an nimin totno wanili-o.

PILIPI 4:2

Eyoria min Sintike min wa-e. Nogweyaptag-o. ”Kir-e Nagawan Indo ebem-nen kinndi misiget yer-o” luk kenmengen mbarusu-o.

KOLOSE 1:7

Aid wene iri-ge nit nennggam abuwa worak, nit nenmanggim Kerisut eyabu-ge mot mot nak wanoso nap Epaparas-nen mirik kinpid nar-o.

NAM PARA WENE 13:8

Nde, nggweyak ma worali nap oboksa-nen at erembel wanuwa-t nde, nggweyak yu awo ndak wirigit lak ma-net wiridnak Lomba Wam Marik-nen idnak engga unluk nak wolmomtak iri na bem unnu mbaridnak nap-nen-e at erembel wanuwa bug-o.

NAM PARA WENE 17:8

Ndakngge isilepma worak kaigen iri-ge, nandug-e uruk woragaij-et nde, yawo-ge uruk worasu bug-o. At iri-ge yanem were mbun arem-nen lumarig-e, at lak tak uburak sa mburuwa-o. Nde, nggweyak ma worali nap, o nggweyak yu ndak worak pigit lak ma-net unluk wolmomtak engga arem unnu mbarigit lak nap oboksa-nen-e ndakngge isilepma worak iri karug-e, wi yuwa iri-ge ndakngge isilepma worak iri-ge nanduk uruk woragaij-et nde, yawo-ge uruk worasu bug-o. Nde, tuguruk nam ma iri bem-nen wi yuwa-o.

NAM PARA WENE 20:12

Nde, an yik kaginggal-e, wat yidnak nap nggulok min marik min nagawan-nen koreyak woraso ondoro iri urugwe nggwe mendak woragola eneyagi-o. Engga kwarat ereba na punggutlug-e, engga misik, unluk nak wolmomtak engga iri na pinggirij-o. Ponggorosola-ge, at wat yidnak nap ereba na-nen it woragolat-nen kwarogolat woraidnak engga kwarat ereba na arem mbarak worasu ereba na ndak ndag-et enpem wene mbarij-o.

NAM PARA WENE 20:15

Nde, unluk nak wolmomtak engga arem unnu mbarigit lak nab-e kan mare arem mbo inpil nggwij-o.

NAM PARA WENE 21:27

Alat nde, mbilaro ngin mende-ge iri me mondok ngguwa bug-o. Nde, kwarugwi buk mende kwarugwi min enesiget yugwi min na iri me mondok ngguwa bug-o. Are, Lomba Wam Marik-nen idnak unluk nak wolmomtak engga iri bem unnu mbarak nap nak-nen perak nde o siri iri me nggurak worasu-o.

NAM PARA WENE 3:5

Amawi luk ombol nggwe yuwa nap iri-ge iri nggal kwasa sum loro yirik wolma-o. Nde, unlug-et wolmomtak engga bem-nen it unnu kurik pimin pug-o. An Neid min at-nen idnak aid nap min inmbiri bem ’It iri-ge an narengge-net yili-o’ luk nam-et para yimin-o.