PILIPI 4:17 - Nanduk Ngget Tul Pidnak Wene

¹⁷ Nde, an-nen-e silobulo we wok nururak iri nggok tak pusu-ge lag-o. Are, kit-nen silobulo wok niridnak pem-nen Mbal Pem Nagawan-nen terak menna wok kunduwakluk-nen yusu-o.

PILIPI 4:17 ပူးပေါင်းရင်းမြစ်များ

MIKA 7:1

Engen abu mijo mburuk, lak yosoma-t nde, an-e nere bem engen mbaril-o luk mbutlug-e, engen-e abu mbaridnak kagit anggut engen min ara engen min konak ereba na-ge oboksa mbarosoma ari bem-e lak kagit mburugwi iri na nggal kwarusu yu-ge o! Mondok nabuwa-o!

MALEAKI 1:10

Nagawan Indo Mondok Amawi worak iri na-nen yosolar-e: ”Kir-e wewesa an namanggim wam wosa kan pugwi ondoro iri na me-ge kan amare rak perenak woragup naru, an nuwi iri-ge mondok tu lerak puruk keya burag-e mondok konag-o. An-e kit yik kiniyudtak na mondok nisili-o. Kit-nen an namanggim pili mende na wanurag-e mondok nisili-o.

YOANES 15:16

Kit-nen an len nibigit lag-o. Alat nde, an-nen len kunpuruk, kit-nen-e engen kwarat pogolar-e, pem-et woralik nalik momtak engen pobokluk-nen an-nen wirik kinpigi-o. Nde, an nunu bem an Neid nggi yak tugup mende-ge, iri na-t wok kunduwa-o.

YOANES 15:8

Kit-nen engen kwarat pogolar-e, an Neid unu kek tak pili-o. Iri yogolar-e, an nimin nugwi nab-et kwat yili-o.

OROMA 15:28

Nde, an-e neyabu yu lak tak puruk, it enmanggim ndok wiridnak uwang pidsa wok undurug-e, Spaniol mborosolar-e, kit kendam nggwe rak pimin-o.

2 KORINTUS 11:16

Tuguruk yak kendeyeg-o. Ap mbi-nen-e an wid nggal tak nuburak pug-o. Alat nde, kit-nen wid nggal tak nobogola-ge, mariget kek tak peyeknen wid nggal-et wok neber-o.

2 KORINTUS 9:5

Iri bem-e, nennggamirak yu-ge nandug-et kendam wirik onposolar-e, kit-nen ”Iri mende-t pul-o” luk urul pigep tol na nandug-et lid lud tak pobokluk kir-e nanduk mberer-o luk enmengen mbarigi-o. Nde, tol pugup iri-ge an-nen ”Iri nggal per-o” luk yak kindidnak pem pidnag-e lag-o. Are, kit kinndi konak iri bem-net pidnak tol irit ma-o.

PILIPI 1:11

Nde, Yesus Kerisut ebem-nen lud tak nak kwarugwi engen kwarat pidnak kit kenarem kobongsa wolma iri-ge Mbal Pem Nagawan unu kek tak pogolat, at erembel wanogolat makluk-nen wolma-o.

PILIPI 4:11

Nde, an-nen wene yusu yu-ge an neram silobulo lak ala-n yusu-ge lag-o. Nde, ”An neram worasu mende-ge ndak worasu kagi” luk an-e iri nak yebet kaso-o.

1 TESALONIKA 2:5

Nde, nit-nen-e kit kinndi wanuwokluk wene konak nak yak kondogolat, kinsilobulo luruwokluk-nen wene konak nak yak kondogolat yige-ge lag-o luk kir-e mondok kenaru nar-o. Nde, Mbal Pem Nagawan-nen na aru-o.

1 TIMOTIUS 3:3

anggut engen amburu ndonggosa naro buk nap, isilepma yoso buk nab-et nde, indi yangonak nap, ap lambuk tak onposo nap, uwang nggok tak poso buk nap,

1 TIMOTIUS 6:10

Yi meya ndi meya pidsa elem-e uwang nak ukwe ukwe yugwi irir-o. Ap erep-nen-e uwang langgal luk mborogolar-e, it inndi angin tubu yidnak na-ge kabak tak puruk, it inndi andi bandi rak purak mende kwarat ondomok enpem pugwi-o.

TITUS 1:7

Lambuk tak inpidnak nap yik eneyarok woraso nab-e Mbal Pem Nagawan eyabu winde me, mondok ebem ambut lak irit wolmomtag-o. At iri-ge at ambikpebe kek yoso buk nap, ndag-et nak isilepma yoso buk nap, anggut engen amburu ndonggosa nok tenak woraso buk nap, yig na poso buk nap, silobulo na terak mena wanoso buk nap,

TITUS 3:14

It-nen pempa ukwe peragwi mende na ndak nak wolmakluk, nit nab-e konak nak kwarurak iri-ge mondok kwarogolat wolmag-o. Ir-e we kasabat wolmomtag-e meya-o.

IBERANI 6:10

Nde, Mbal Pem Nagawan-e mborok tak kwaroso-ge lag-o. At-nen-e kit-nen wanigep yabu iri meme rak posolat, kit-nen at abuwa kagolar-e, mbek tak inpidnak nap kwara yongga indigep min yawo na yongga indili min ar-e meme rak puwa bug-o.

1 PETERUS 5:2

Mbal Pem Nagawan-nen kininggem pidnak lomba wam iri na towarak woragolar-e, Mbal Pem Nagawan indi-n pidnak ndak ndag-et kwarogolar-e, kinsili lag-et, kenalen min-et yik karok wolmer-o. Nde, yik karok woragolar-e, onggo wanurak pem nak-nen yik karok wolmomtag-e lag-o. Are, ndemeret kinndi-nen ndegel enpeyeg-o peraruk-nen ndegel unpurag-o.

2 PETERUS 2:15

It iri-ge mot mot tula na keya bidnak me, ir-e kabak luk, nanduk Mbeyot ambara Mbileam-nen mbirid tula iri nggwe mbitli-o. Mbileam na-ge meya kwarurak onggo tol iri na indingen tak pij-et nde,

2 PETERUS 2:3

Ukwe akwe bem mbarak purak puk iri na bem-e enesiget siget ap mul undugwi nap-nen kenarengge luruwokluk, it inndi-nen mbilidnak wene yak kunduwa-o. Alat nde, it enpem wene mbarurak iri-ge obi-net lud tak pidnak worasu-o. Nde, it lak tak unpurak iri-ge mondok larok yuwa bug-o.

YURAS 1:11

It iri-ge Kain-nen mbiridnak tu na nggwe mbiriga-o. Iri-nen Mbileam-nen onggo waneyekluk enesiget wene yid nggal, it-nen na iri nggal kwariga-o. Iri-nen Kora-nen Mbal Pem Nagawan-nen yidnak wene kuruk tidnak pem at lak tak ibid nggal, it-nen na Mbal Pem Nagawan ene kuruk togola, lak tak inpid nap iri-ge enabuwa-o!