PILIPI 4:14 - Nanduk Ngget Tul Pidnak Wene

¹⁴ Alat nde, an anggun panggun worala, yongga nirigep iri-ge mondok konag-et kwarigeb-o.

PILIPI 4:14 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 8:18

Nagawan Indo-nen at yak tosolar-e: ’An nuwi wururak yebet kasu iri-ge konag-et yebet kaigen-et nde,

MATIUS 25:21

Yosoloma-ge, at eid-nen at yak tosolar-e: ’Ndegel noboso nap konak mot mot nak kwaroso wa-e. Ob-et kwarigen-o. Kat-nen-e tol marik iri na bem mot mot nak kwarigendik me, nggulok mende nde kinggem pimin-o. Kat keid an nalen pem woraso yu me ngguwasug-o’ luk yak tij-o.

OROMA 15:27

Iri kwarurag-e it ondomok inndi peraruk wene iri mbariga-t nde, iri kwarurak iri-ge it-nen kwarurag-er-o. Nde, Yawuri nap-nen-e it-nen idnak aid wene-ge enlem nin nap tembesa wok indidnak pem, it enlem nin nap-nen-e it enarengge nggweyak ma mende na Yawuri nap tembesa wok undurak iri-ge ndag-er-o.

NGGALATIA 6:6

Aid wene mul tidnak nap-nen-e at arengge konak mende iri na ereb-e at mul toso nap na wok tosolat wolmag-o.

PILIPI 1:7

An-e pempa pempa kit oboksa kenperasu iri-ge, kir-e an narem nggwidnak me, lud tag-et yebet keneyasu-o. Nde, an-e o kubu me worala-nen na, an-e aid wene na imiri alat, tugup lak tak peyekluk yosola-nen na, Mbal Pem Nagawan-nen we wok ondoso mende wok niridnak iri na-ge kir-e an nimin totno wanili-o.

PILIPI 4:18

Yawo-ge an-nen ukwe peraidnak oboksa-ge kit-nen namanggim pigepma wanigi iri-ge an-nen ukwe peraidnak ombol nggwe terak menna wanigi-o. Epaporotitus-nen wok nirigep mende wok niril lobok yamu-nen an-e mondok ndak worasu-o. Nde, silobulo wok nirigep iri-ge, emben konak mende nggal Mbal Pem Nagawan-nen kujwaklug-e, Mbal Pem Nagawan indingen tak posolat, alen tak posolar-e, Mbal Pem Nagawan amanggim wam wosa eyabi pugwi nggal-nen yusu-o.

1 TIMOTIUS 6:18

”Kir-e konak nak kwarogolat, konak nak kwarurak nggok tak pogolat, kinndi konak woragolat, kenarengge ap tembet ondogolat wolmer-o” luk nggomo indi-o.

IBERANI 10:33

Iri kwat konpogolar-e, nin tarem-e ap inmbiri bem-et nggweyel konpogolat, kondogolat yiga-o. Nde, nin tarem-e kit nap ereb-e iri nggal kwat onpogola, kir-e it inmin lambuksa andi bandi kaidnak nggal-et kagwi-o.

IBERANI 10:34

Kir-e o kubu me inpil nggwidnak nap na inmin lambuksa andi kaidnak nggal kagolat woraigeb-o. Nde, kinsilobulo na mengga wanogola-t nde, kit kenalen min-et woraigeb iri-ge, an narengge namanggim pidnak terak minik konak pem-et wolmomtak mende-ge worasur-o peragoluk-nen kwarigeb-o.

IBERANI 13:16

Nde, kir-e konak nak kwarogolat, yongga yongga wolmomtak iri-ge meme rak purak pug-o. Iri kwarugwi iri-ge, Mbal Pem Nagawan alen tak pogolat, amanggim wam wosa pugwi nggal-nen yusu-o.

NAM PARA WENE 1:9

Kennggam Yoanes an-e Yesus imin nugwi nap enpem mboso mende anggun panggun na nenpem mbosola-t nde, nit at ilirak-nen-e mamak puruk worali-o. Mbal Pem Nagawan-nen yidnak wene Yesus-nen yak niridnak iri na ap kenggel ondoso bem yi terapmu o unu-ge Patmos iri me mbo nibiga-o.