PILIPI 3:19 - Nanduk Ngget Tul Pidnak Wene

¹⁹ It iri-ge worok tak posolat tarem-e lag-et ma-o. Mbal Pem Nagawan ondolma-ge it unluk amanggim nggok tak pili-o. It-nen-e innggiri kagwi mende irit kek tak pili-o. Nde, ir-e nggweyak ma mende nak yebet yebet tak woragwi-o.

PILIPI 3:19 ပူးပေါင်းရင်းမြစ်များ

YESKIEL 34:3

Nde, konlomba ereba agamo amburu-ge kir-et nonggolat, usu bem-e kit-nen yurugwi sum yakolat, lomba wam mondok nggog-e kit-nen wutluk nili-o. Alat nde, kit-nen-e lomba ereba-ge mondok ndigitli bug-o.

OSEA 4:7

Nde, kit tepan ombo-ge kit kenpe kwarat yogolar-e, meya na kwarat an nimin kwatli-o. Iri bem-e kit-nen kek tak woragwi-ge an-nen teberak kunpumu, enlengenma nggal tak kunpuwa-o.

MIKA 3:11

O siri ereba tena woragwi nap-nen-e o tenakolar-e, uang lesa wanurak pem nak o tena worali-o. Nde, tepan ombo-nen Nagawan Indo-nen imiri mbarak pidnak ereba na ap mul indili-ge onggo wanurak pem nak mul indili-o. Nde, Mbal Pem Nagawan ene lomboksa yugwi nap-nen Nagawan Indo-nen mirik unpuwakluk nggi yili-ge uang lesa wanurak pem nak nggi yili-o. Nde, it oboksa-nen iri nggal kwarogolar-e, it inndi-nen yebet kagolar-e: ”Nagawan Indo-ge nit nennggendumu worasu-o” luk yebet karug-e, it-nen yogolar-e: ”Nagawan Indo-ge nit ninmin worasu-o. Nde, iri ala-ge, nit nenpem-e lak tak onposo mende-ge mbuma bug-o” luk yili-o.

MIKA 3:5

Ennesiget Mbal Pem Nagawan ene lomboksa yugwi nap ereba-ge onggo wok ondogola-ge, ”Kir-e yamuksa woragub-o” luk wene yak ondogolat, nde, onggo wok indigit lak nab-e inmin sirid mbarogolat ereba kwat onpogolar-e, an nelem nap enmberam lali-o. Ennesiget Mbal Pem Nagawan ene lomboksa yugwi nap ereba nggal ereba na Nagawan Indo-nen yak ondogolar-e:

MALEAKI 1:12

Alat nde, kit-nen-e an namanggim wam wosa kan pugwi ondoro iri na-ge ebe lak mende rak pogolar-e, kit-nen nunggwi buk mende-t nde, iri na me kan pili-o. Nde, iri kwatli iri-ge an-et kenlengenma nggal tak nibili-o.

MATIUS 16:23

Yosoloma-ge, Yesus na nden karuk-nen Peterus na yak tosolar-e: ”Sere wa-e. Kar-e an nombol nggwe mbiri-o. Kar-e an nuwok pijaksa mbud tak nuburak kerep nggal-nen yusu-o. Kat-nen perasu mende iri-ge Mbal Pem Nagawan-nen peraso nggal-e lag-o. Nggweyak ma nap-nen peragwi mende nak perasu-o” luk yak tij-o.

MATIUS 25:41

Iri luk, Nagawan na-nen-e at inggi kware nggwe wolma nap na yak ondosolar-e: ’Kit imbiri lamut tak kinpidnak nap yu-ge wa-e. Mberer-o. Sere min at-nen idnak aid nap min enmanggim lid lud tak pidnak nigi momtak puk kanduk arem iri me mberer-o.

LUKAS 12:19

Iri wirimindik, an nondomok nimin yosolar-e: Kar-e yi mende ndi mende konak nak pidsa winde yigendik me, yi olengen ndi olengen woralar-e, lag-e ma bug-o. Kombol kwarosolar-e, nunggwi mende min yi min nasolat, kalen pem-et wolmin-o! luk yimin-o’ luk peragaij-o.

LUKAS 16:19

Yuruk, Yesus-nen yosolar-e: ”Isilobulo worak nap mbi woragaij-o. Woralar-e, usum-e konak nak yorosolat, nunggwi mende undu konak nak pempa nok tenak woragaij-o.

LUKAS 18:4

ap iri na ene kola nak keya berenak woragaij-et nde, misik tarem-nen perasolar-e: ’An-e Mbal Pem Nagawan indi aye kaso buk, ap erep na nggok tak onposo bug-et nde,

OROMA 16:18

Iri nggal kwarugwi nab-e Nenagawan Indo Kerisut na ndegel ibili-ge lag-o. Are, it ondomok ukwe mende na lesa wanuwokluk-nen yili-o. Nde, iri kwarogolar-e, enaru buk woragwi nap na onmbol pem lagolat, enne amburu bem inndi wanili-o.

OROMA 6:21

Nanduk kwarugwi bem iri nggal kwarige-o luk yawo kinnggiri kali na bem-e, onggo-ge no mende nde lesa wanigeb-o? Lag-o. Iri mende kwarugwi onggo-ge wat yugwi elem-nen yusu-o.

1 KORINTUS 3:3

Kir-e nggweyak ma nap enpage worak me, yawo na irit kir-e tara nunggwi mende norag-e awo worali-o. Iri bem-nen kit kennggendumu-ge kit na kit-net kenlengen ale yogolat, kuri wat kerak mbogolat yugwi me, kir-e nggweyak ma nab-et woragolat, nggweyak ma nap-nen kwarugwi irit kwatli iri-ge kali bug-a?

1 KORINTUS 5:2

Iri nggal worasola-t nde, kir-e kinndi kek tak pili-o. Kit kinndi puru luk, iri nggal kwaridnak nab-e kit kennggendumu-nen lena mbepme rak peleb-o.

1 KORINTUS 5:6

Kit-nen kek yili iri-ge meya-o. Oroti lomboroso mende marik komosa-t nde, oroti enggendumu posoma, oroti pidsa lumburusu iri-ge kir-e kenaru bug-a?

2 KORINTUS 11:12

It na it-nen wirik inpidnak nap nggal kwatli nap iri-nen it unnu kek tak pogolar-e, nit-nen yabu wanili nggal it-nen na yabu iri nggal-et wanili-o luk yuwa naru, an-nen yawo kwarusu nggal iri nggal-et kwat tenak woramin-o.

2 KORINTUS 11:15

Iri bem-e, Ser ndegel ubugwi nab-e lud tak nak kwaroso ndegel ubugwi nap nggal kwat yogola, wi yurak pug-o. Nde, woroksiyem-nen-e it-nen kwaruwa iri na onggo ndak ndag-et wanuwa-o.

NGGALATIA 6:13

Nde, it iniye ambasap wabidnak nap-nen-e imiri mbarak pidnak wene-nen yidnak yidnak nak kwarugwi-ge lag-et nde, kit kiniye ambasap waburak wene yili iri-ge we kit kenaboro mbaridnak pem it inndi kek tak puwokluk-nen yili-o.

PILIPI 2:21

It ereb-e inndi-ge it ondomok-nen kwarurak nak nggok tak pogolar-e, Yesus Kerisut owene-ge marik tak pili-o.

KOLOSE 3:2

Kit kinndi-ge nggweyak ma mende bem wat tak purak pug-o. Are, teram woraso mende bem-et wat tak wolmer-o.

2 TESALONIKA 1:9

Iri kwarugwi nap onggo wok ondosolar-e, Nagawan Indo eram-nen abu abu-t mbo unpuwama, woralik nalik woragolar-e, at-nen kek tak woraso amawi eram-nen ir-e nuruk tak irit wolma-o.

2 TESALONIKA 2:12

Iri-ge ndemeret wene bem inndi angin tubu yugwi buk nap, meya kwarugwi elem indingen tak pugwi nap oboksa enpem wene mbaruwa-o.

2 TESALONIKA 2:8

iri tarem-e Meya nak Kwaroso Nap iri na nam yosola-ge, Nagawan Indo Yesus-nen at emende pu-nen at mondok worosolat, at lobok yosolat abinal-nen at iri lak tak puwa-o.

1 TIMOTIUS 6:5

yebet kagwi mende lak yidnak nap min ndemeret wene kabak tak pidnak nap min-nen pempa kundugu neyak puk keyak puk tenak worali-o. It-nen peragolar-e, aid wene iri bem-e silobulo terak lesa wanugwi-o luk perali-o.

2 TIMOTIUS 3:4

mirim kwarogolat, inndi mburugwi buk yogolat, enaru bug-et nde, ija bija yogolat, Mbal Pem Nagawan indi pidnak keya buruk, it inndi pidnak nggok tak pogolat ma-o.

YAKOBUS 4:16

Alat nde, yawo kir-e kondomok kentembel wanogolat, kinndi kek yili-o. Inndi-nen kek yugwi iri nggal iri-ge lugud tak kwatli-o.

2 PETERUS 2:1

Nandug-e enesiget Mbal Pem Nagawan ene lomboksa yugwi nab-e Mbal Pem Nagawan elem nap ennggenggerak men yiga nggal, iri nggal-et enesiget siget mul undugwi nab-e kit kennggenggerak na men ma-o. Men yogolar-e, ap lak tak unpurak wene owak min enesiget wene owak min pil ngguwagolar-e, it weserak enpeyekluk wat yid nap amawi worak iri na imin-e: ”Nenaru bug-o” luk yuwa-o. Iri nggal kwarogolar-e, it ndaget lak tak unpurak enambikpebe enare pili-o.

2 PETERUS 2:13

It-nen meya kwarugwi iri na onggo-ge andi bandi kujwa-o. It enalen yurak mende kwarogolar-e, it enaboro-nen ukwe ukwe yugwi teyok tak pogolar-e, lengge-t nde, yi kwatlik ndi kwatlik kwatli-o. Nde, ir-e yi meya ndi meya kwarogolat inndi lak tak kwarugwi me, it-nen nde kit kinmin lambuksa nonggolar-e, kit kunnu emben to rak pogolat, mbilaro ngin tak pili-o.

2 PETERUS 2:3

Ukwe akwe bem mbarak purak puk iri na bem-e enesiget siget ap mul undugwi nap-nen kenarengge luruwokluk, it inndi-nen mbilidnak wene yak kunduwa-o. Alat nde, it enpem wene mbarurak iri-ge obi-net lud tak pidnak worasu-o. Nde, it lak tak unpurak iri-ge mondok larok yuwa bug-o.

YURAS 1:10

Alat nde, ap iri-nen-e it enaru buk mende nde mbilaro ngin tak pili-o. Nde, indi lak mende ndak wiridnak-nen yebet kaso nggal, it-nen yebet kagwi mende iri-nen-e it lak tak unpusu-o.

YURAS 1:16

It iri na-ge pempa onpok pegerak mbogolar-e, nin nap enpem ujwa mbarogolat onpok pugwi-o. It ondomok inndi-n pidnak nak kwarogolar-e, it ondomok nggulok tak pogolat, ap enarengge lesa wanuwokluk, nin nap entembel wanugwi-o.

YURAS 1:4

Mbal Pem Nagawan enaru buk nap erep nit nennggendumu tirabo nggwiga iri-ge obi-net Mbal Pem Nagawan engga bem-nen it enpem mburak wene urul paga pij-o. It iri-nen-e it enaboro-nen ukwe ukwe yugwi mende kwaruwoklug-e, Mbal Pem Nagawan-nen we wok ondoso elem-e nden penden tak pili-o. Nde, nit-nen idnak amawi worak Yesus Kerisut, Nenagawan Indo iri-ge it-nen-e ndemerer-o luk eberagwi bug-o.

NAM PARA WENE 18:7

Pempa at-nen at ambik imin yosolar-e: ’An-e o tena woraso kwe nagawan-nen yusu-o! An-e kwe togwe-ge lag-o. An nindi puru pera mondok woramin pug-o!’ luk yoso me, ar-e arengge kwarat woralat, at ondomok kek tak woraso iri ndak ndag-et andi bandi mende min indi puru pera woragwi mende min wok turag-o.

NAM PARA WENE 19:20

Ndakngge isilepma worak iri na tenakolar-e, at imbiri bem kwiye worak mende kwarid nap, enesiget Mbal Pem Nagawan ene lomboksa yoso nap iri na min tenaiga-o. (Nde, kwiye worak mende kwaridnak iri bem-nen ar-e ndakngge isilepma worak-nen idnak yenggerak purak mende enpem worak nap min ndakngge isilepma worak abage nggal ndak worak erembel waniga nap min onmbol pem lagaij-o.) Iri luk, ndakngge isilepma worak iri na min enesiget Mbal Pem Nagawan ene lomboksa yoso nap iri na min unluk nggengge emben worak kule (belerang) laso kan mare arem inpil nggwij-o.

NAM PARA WENE 21:8

Alat nde, kwiye kagwi nap min inndi angin tubu yugwi buk nap min kwarugwi buk mende kwarugwi nap min ap undugwi nap min terak terak ye unpugwi nap min kwal ombo min kugiwak erembel wanugwi min enesiget yugwi nap oboksa min it ondoro-ge emben worak kule (belerang) laso kan mare arem-nen yusu-o. Nde, iri-ge mberen pem tak posolat wat momtak elem-nen yusu-o” luk yij-o.

NAM PARA WENE 22:15

Alat nde, kwarugwi buk mende kwarugwi nap min kwal ombo min terak terak ye unpugwi min ap wurugwi nap min kugiwak erembel wanugwi nap min ininggi-nen kwarugwi mende bem-nen na, enne bem-nen na ennesiget yugwi nap it oboksa ondoro-ge mbepme nggwe wolma-o.

1 SEMUEL 2:29

Iri yidnag-et nde, noluk-nen kar-e an nelem nap-nen an namanggim wam wosa pidnak ereba na yik karug-e, kebem-e lasu bug-o? Noluk-nen Eli kar-e an kek tak nuburak iri na keya buruk, kambararak nde kek tak onposolat, an nilirak-nen namanggim wosa pidnak ereba na oboksa-ge an-e abok tak nuburuk, uno konak ereba na-ge it enmanggim nak wanuwakluk kar-e larok nak yusu-o?