PILIPI 3:11 - Nanduk Ngget Tul Pidnak Wene

¹¹ Iri nindingen kasu iri-ge, wat yidnak nap unluk tak puwa tarem-e an na nuruk tak nubuwakluk-nen yusu-o.

PILIPI 3:11 ပူးပေါင်းရင်းမြစ်များ

NDAWI ENGGA 49:7

Ndemeret ap misiger-o luk mbi-nen anggam imiri yosolat, anggam iri na keya buwakluk onggo Mbal Pem Nagawan wok turag-e meya-o.

LUKAS 14:14

it-nen onggo sak kururag-e lak me, imbiringgat tak kubuwa-o. Lud tak woragwi nap tuguruk unluk tak puwa tarem-nen-e Mbal Pem Nagawan-nen onggo wok kuruwa-o” luk yij-o.

YOANES 11:24

Yosoloma, Marata-nen Yesus yak tosolar-e: ”I woronosolat tarem-nen uruk ma-o luk naru worasu-o” luk yij-o.

YIDNAK YIDNAK WENE 23:6

Nde, Paulus-nen wene mbarugwi nap na yik eneyagaidnggal-e, ereb-e Saruki nap, nde, ereb-e Parisi nap alama-ge, at-nen ene ngguloksa wene mbarugwi nap yak ondosolar-e: ”Nanggamirak wa-e. An-e Parisi nap-nen nderak me, an na Parisi nap-net yusu-o. Nde, an nebem wene mbatli yu-ge an-e wat yidnak nap unluk ma-o luk iri bem nindi mbung mbung tak woraso na bem nebem wene mbatli kagi-o” luk yij-o.

YIDNAK YIDNAK WENE 26:7

Nit nenlem duabelas ninndi-ge tul pidnak wene na bem mbung mbung tak woragolar-e, kubu-nen lengge-nen Mbal Pem Nagawan erembel wok tenak worali-o. Nagawan Ageripa wa-e. An nindi-ge wene iri bem mbung mbung tak woraso bem-e Yawuri nap-nen wene nebem pili-o.

YIDNAK YIDNAK WENE 27:12

Nde, e koma kondok yoso sa iri me-ge toro wok yoso tarem wok yosola iri me wolmomtag-e meya alama, ap erep kwarat-nen yogolar-e: ”Yu me-nen mburulndig-e o Penik perak wok luk, iri me-nen toro wok yoso tarem wolmok-nen wal kujwog-o” luk yiga-o. Nde, o Penik iri-ge yi terapmu Kerete iri me e koma kondok yoso sa-o. Nde, Penik iri na yi koma wigaktag-e mo mboso araptap nggwe ponok ponok woragaij-o.

OROMA 11:14

An iri kwarusu iri-ge an nelem nap enlengen ale rak posolat, it erep inmiri yekluk-nen iri kwarusu-o.

1 KORINTUS 15:23

Alat nde, it ondomok tak-nen nit nit men yogolar-e: tel korosolar-e, Kerisut na uruk lug-e, imbirig-e at lobok yuwa tarem-e Kerisut arengge wolma nab-e unluk ma-o.

1 KORINTUS 9:22

It ndeyak nap wok enpeyekluk, it ennggendumu woralar-e, an-e ndeyak nap nggal kwat yoso-o. It erep inmiri yeklug-e, an-e ap pidsa-nen kwarugwi nggal yi kwarugwi ndi kwarugwi pidsa kwarukmu-o.

1 KORINTUS 9:27

An-nen aid wene-ge nin nap yak indidnag-et nde, an mbo nubuwa naru, an nebe tebesa wolmaklug-e, an na an-net wat korasu-o.

2 KORINTUS 11:3

Alat nde, waro indi nggat nggat worak iri bem-nen Awa na ombol pem lagaid nggal, iri nggal kit kinndi kabak tak pogola, kir-e kinndi misiget nak luk Kerisut ariget abuwa kali iri keya bugup naru numud kwarat kasu-o.

1 TESALONIKA 3:5

Iri bem-e, an nindi wolmom puk ala, kit kinndi angin tubu yidnag-e ngge kwarak worali-o luk naru yekluk Timotius wirik ibil lobok yigi iri-o. Sere-nen kit kenarem woraga pil ngguwama, nit-nen wanidnak yabu-ge ebe lak mende ma-o luk numud-nen yigi-o.

2 TESALONIKA 2:3

Ap-nen konmbol pem lujwakluk, ndeyak yurak pug-o. Iri Tarem awo wok yigit lak ma-ge, wene yu nggal-e mondog-et kwat ma-o. Ap kwarat-nen it inndi angin tubu yidnak na keya bogolat, kan mare arem wirik uburak lud tak pidnak Meya nak Kwaroso Nap iri na nam yosolat ma-o.

2 TIMOTIUS 4:8

Nde, yawo-nen-e ombol nggwe yidnak nap wok undurak wirik iri-ge an namanggim lid lud tak worasu-o. Mot mot nak enpem wene mbaroso Nagawan Indo-nen-e at lobok yuwa Tarem-nen wirik iri na wok nuruwa-o. Nde, an narig-et wok nuruwa-ge lag-o. Are, Nagawan Indo lobok yuwa-o luk inndi ebem mbung mbung tak woragwi nap oboksa na wok unduwa-o.

IBERANI 11:35

It kwami na inndi angin tubu yidnak pem-net it winde na abu wat yidnag-et nde, unluk tak onpogola, wok inpiga nar-o. Nde, ap erep-nen-e wat luk ombol nggwe konak nak wolmomtak pem tuguruk unluk tak unpuwakluk, inndi te bem-et andi bandi sa ondogola-t nde, ”An nimiri yurag-e nimbir-o” luk yiga-o.

NAM PARA WENE 20:5

Yu-ge wat yidnak nap nandug-et unluk momtak iri nar-o. Alat nde, wat yidnak nap ereb-e men yigit lak irit woragola, o lengen seribu (1,000) irit wolma-o.