PILIPI 2:26 - Nanduk Ngget Tul Pidnak Wene

²⁶ At iri-ge kit oboksa kiniyudtak pem indingen kwarat kasu-o. Nde, at iri kugi wiridnak kuligep na bem at indi andi kwarat agaij-o.

PILIPI 2:26 ပူးပေါင်းရင်းမြစ်များ

NDAWI ENGGA 69:20

Nggweyel nobogola, nindi abi kalok yosolat, nindi kabak yusu-o. An nubud kudtak kore yigi-t nde, an nubud kagit lag-o. An nindi yanggunurak kore yigi-t nde, nindi yek tak pigit lag-o.

YESAYA 61:3

inndi puru bera tabun puruk woragwi-ge konak enalin enalen pem woragwi elem wok ondosolat, nde, inndi puru rak woragwi-ge nden yaga enalen pem ndawi yugwi rak onposolat yuwakluk-nen nibil lobok yamu-o. Nde, ir-e Nagawan Indo ondomok-nen yagidnak e nggal kwat ma-o. Ir-e ndemeret lud tak mot mot nak kwarogolar-e, Nagawan Indo nak kek tak ubuwa-o.

MATIUS 11:28

Kenpabok lak yugwi nap min angin worak mende pijanuruk nugwi nap min-e kit pidsa an neram lobok yer-o. An-nen-e kenpabok kwasa wok kindimin-o.

MATIUS 26:37

Yurug-e, Peterus min Sebendeus ilirak mberen na min inmin luk mbirij-o. Mberarig-e, at indi puru kwarat luk, yane worosolat-nen

YIDNAK YIDNAK WENE 21:13

Alat nde, Paulus-nen yosolar-e: ”Kir-e noluk yip togolat-nen an nindi pidnak mborok tak puwokluk yili-o? Yerusalem-nen Nagawan Indo Yesus unu bem ala, kere kamat nuburak nag-e lag-o. Are, mondok wat momtak na ob-er-o” luk yij-o.

OROMA 1:11

Kit kinndi wi ya burak pem Konak Indi-nen we wok ondoso mende wanobokluk, kit kiniyil lobok yurak mondok nindingen-o.

OROMA 12:15

Enalin enalen kali nap inmin-e kit-nen na kenalin kenalen ker-o. Nde, yip tili nap inmin-e kit-nen na yib-et turag-o.

OROMA 9:2

An nowe nowosi, an nelem nap iri enabuwa-nen an nindi puru pera kwarat luk, pempa pempa nindi puru rak worasu-o.

1 KORINTUS 12:26

Ininggi unuwok misik nde andi ala-ge, ininggi unuwok erep pidsa-t andi yoso-o. Nde, ininggi unuwok misik nde kek tak obogola-ge, ininggi unuwok erep pidsa-nen enalin enalen kagwi-o.

2 KORINTUS 9:14

Nde, it-nen kit kenmanggim tepan yogolar-e, Mbal Pem Nagawan-nen we wok ondoso elem utlud kwarat tak kinpidnak me, it inndi kenpem woragolat-nen kenmanggim tepan yuwa-o.

NGGALATIA 6:2

Nin nap enpem angin worak mende mbidnak ala-ge, yongga yongga kud togolar-e, Kerisut-nen ”Iri nggal kwaru-o” yidnak wene iri-ge ndak tak pugub-o.

EPESUS 3:13

Iri bem-e, an-e kit kenpem-nen anggun worak mende nebem mbusu iri na bem-e kinndi pil suk pil lag-e yurak pug-o luk kenmengen mbarusu-o. Iri-ge nit nunnu kek tak purak pem-net yusu kagi luk peragub-o.

PILIPI 1:3

An-e pempa yebet keneyasolar-e: ”Mbal Pem Nagawan wiwa-o” luk yak toso-o.

PILIPI 1:8

Mbal Pem Nagawan-e aru-o. Kerisut Yesus-nen kenabuwa kaso nggal, iri nggal-et an-e kit pidsa kenpem nindi mondok kwindik worasu-o.

PILIPI 2:25

Nandug-er-e an nanggam yabu misiget erep wanogolat, wim misiget erep tomborogolat yoso nap, nonowot Epapororitus na-ge kit kendam ibil-et lobok yimin-o. At iri-ge an yongga nuruwakluk kit-nen ibil lobok yigep nar-o.

PILIPI 2:27

Ndemerer-o. At iri-ge kugi kwarat wiridnak pem wat momtak nggal yij-et nde, Mbal Pem Nagawan-nen at ubud kagaij-o. Nde, at ubud nak kagaij-e lag-o. Are, an min ebem lud nindi puru ma naru, an nubud na kagaij-er-o.

PILIPI 4:1

Iri bem-e nowe nowosi wa-e. An-e kit kenabuwa kwarat kasolar-e, an nindi kundugu kit kenpem worasu-o. Kir-e an nalen min an nuwirik menda min-nen yili-o. Nowe nowosi kenabuwa worak wa-e. Kir-e Nagawan Indo ebem-et tugup lak wolmer-o.

1 PETERUS 1:6

Iri bem-e, kir-e kenalin kenalen wolmer-o. Kit luru ya woragola, inndi ngaroso mende nin tak nan tak kenpem mbosola, mondok kinndi puru pera min woragub-et nde, kenalin kenalen wolmer-o.