PILIPI 2:15 - Nanduk Ngget Tul Pidnak Wene

¹⁵ Irit kwarugup ala-ge, kir-e meya mbi kwarugwi na lak, kinndi mot mor-et woragolar-e, lugud tak kwarugwi nap min nden penden kwarugwi nap min ennggenggerak-nen kir-e Mbal Pem Nagawan ilirak meya na yugwi buk nap irit woragub-o. It ennggenggerak-nen-e kir-e wonaru nggal, nggweyak ma yu me yaya rak pogolar-e,

PILIPI 2:15 ပူးပေါင်းရင်းမြစ်များ

NDAWI ENGGA 122:5

Yerusalem yu me-net Nagawan Ndaut-nen wigarak-nen-e it unuwokma woragwi nab-e enpem wene mbenariga-o.

MBIRIGA WENE 34:35

it-nen-e Musa erare-ge abinal worak kagwi-o. Nde, wene yak undurug-e, tuguruk erare na-ge limirik puruk, nde, misik pem Nagawan Indo imin wene mbareyekluk nggosolar-e, sum na waboso-o.

NGGOMO WENE 8:8

An-nen yusu wene yeba-ge siyag-et ter-o luk mborok tak nggwe yusu bug-o. Oboksa mondok ndemeret mot mot nak yusu-o.

YESAYA 60:1

Yerusalem wa-e. Kar-e men yosolat, yaya kwat min-o. Kat kimiri yurak yaya-ge lobok yarik, Mbal Pem Nagawan abinal-nen yaya rak, kubusu-o.

NDANIEL 6:4

Iri yamu, Ndaniel-nen kwaridnag-e ngguberenot min it yik eneyarok woragwi nap erep ereya na min-nen kwarugwi nggal-e lak, mondok konak irit kagaij-o. Iri ala karug-e, nagawan iri na-nen-e at-nen tenagidnak wi ereba na enanggul pem tena unpuruk wolmomtak irit Ndaniel mendak uburak yebet kagaij-o.

MATIUS 10:16

”Yu nde ker-o. An-nen wirik konposolar-e, lomba wam-e ndakngge enggendumu wirik pugwi nggal wirik kunpusu-o. Iri bem-e, kir-e kinndi tenggerak waro nggal woragolat, kinndi yanggonak towe merpati nggal woragolat mer-o.

MATIUS 17:17

Yosoloma-ge, Yesus-nen wene erep nggarosolar-e: ”Kit kinndi angin tubu yugwi buk, kinndi nari wari rak nap wa-e! An-e nunggwirik tarem kit kinmin woramin-o? An-e nunggwirik tarem kit kinmin-e momak puruk woramin-o? La iri-ge an neram pil lobok yi-o” luk yij-o.

MATIUS 5:45

Iri kwarugup pem-e kit kineid aid arem woraso ilirak tugub-o. Kineid iri-nen at omolengen yemberak pil lobok yosolar-e, meya nap enpem na irit, konak nap enpem na irit, poso-o. Nde, talme engen pil mbuwasolar-e, lud tak nak kwarugwi nap enpem na irit, meya nak kwarugwi nap enpem na irit, pil mbuwaso-o.

MATIUS 5:48

Iri bem-e kit Kineid aid arem woraso iri-ge iminep mbarak nak woraso nggal, kit na mondok iminep mbarak irit wolmer-o” luk yak indij-o.

LUKAS 1:6

Nagawan Indo-nen ”Irit kwarurag-o” yidnak min imiri mbarak pidnak wene min iri-nen yidnak yidnak nak kwarogola-ge, Mbal Pem Nagawan-nen it enmberek eneyasolar-e, it enmbereg-e mot mot kwarugwi irit eneyagaij-o.

LUKAS 6:35

Lag-o! Kir-e kunuwim nap enabuwa kagolat, it inmin konag-et kwarogolat yugup na-e. Kunuang luru wok unduruk, uwi yagurak yebet kudtak pug-o. Iri kwarugup ala-ge, onggo nggulok wanogolat, Kek tak Woraso Mbal Pem Nagawan ilirak kwat yugub-o. Mbal Pem Nagawan-nen-e wa yugwi buk nap min meya yugwi nap min-e enabuwa nak kaso-o.

YOANES 5:35

Yoanes na-ge tal pago eyaya worak nggal woragaij-o. Pago worala-ge, luru kir-e at eyaya bem kenalen min-et woraigeb-o.

YIDNAK YIDNAK WENE 2:40

Yak undurug-e, wene erep kwarat nimi nomosa yak unduruk, nggomo kiri keresa yak ondosolar-e: ”Yawo worali nap meya nak kwarugwi nggal yugub-o luk kenambikpebe-t kinmiri yer-o” luk yak indij-o.

YIDNAK YIDNAK WENE 20:30

Kit kenambik kennggendumu-net ap erep men yogolar-e, Yesus ene wanugwi nab-e it langgal unpurak makluk, enesiget wene nde yuwa-o.

OROMA 16:19

Kir-e Mbal Pem Nagawan-nen yidnak wene-nen yidnak yidnak nak kwatli wene-ge ap oboksa-nen kuliga-o. Kit-nen iri kwatli iri bem an-e nalen kasu-o. Konak kwarurak pem-e kinndi nggat nggat worak woragolat, nde, meya kwarurak pem-e kenaru buk wid nggal wolmomtak iri-ge nindingen-o.

1 KORINTUS 1:8

Yesus-nen tugup lak tak kinpidnak irit worakmu worok tak puwa tarem, nit Nenagawan Indo Yesus Kerisut-nen idnak Tarem-nen-e kenpem wene mbaruwa bug-o.

2 KORINTUS 6:17

Iri bem-e, Nagawan Indo-nen yosolar-e: ”Kir-e it ennggendumu-nen wurungsa mburugupndig-e it inmin lambuksa wolmomtak pug-o. Mbilaro ngin mende iri mondok keya bugup ala-ge, an-nen wok kinpimin-o.

EPESUS 5:27

Nde, iri kwat inpid iri-ge, lambuk tak inpidnak nap iri-ge at-net at ondomok eram enpeyekluk-nen yij-o. At eram onposolar-e, enabinal worak, enpem kopkap min siminggil min iri nggal erep na lag-et. Are, mondok marag-et, enpem ambut lak irit eram enpeyekluk-nen yij-o.

TUGURUK YIDNAK WENE 32:5

Alat nde kir-e lugud tak kwarugwi kenlem-nen yili-o. Kit-nen at elem nap kwat yurak na mondok ndag-e lag-o. Kir-e lugud tak nak kwarugwi min meya kwarugwi min nak kobong tak-nen yili-o.

PILIPI 1:10

Iri nggal marig-e, kit-nen-e konak mende nak lena wanurag-e ndak ma-o. Iri lena wanogola-ge, Kerisut lobok yuwa tarem-nen-e kir-e mondok marak, meya na kenpem lak irit woragub-o.

PILIPI 3:6

Imiri mbarak pidnak wene na elat mbarosolar-e, lambuk tak inpidnak nap lel mberel onposolat woragi-o. An-e imiri mbarak pidnak wene-nen yidnak yidnak nak kwarosolar-e, lugud tak poso bug-o.

1 TESALONIKA 5:23

Yamuksa woragwi elem Mbal Pem Nagawan-nen-e marak kunpuruk, iminep mbarak konposolar-e, kinndi min kenpe min oboksa nit Nenagawan Indo Yesus Kerisut lobok yurak tarem-nen mondok kop kap lak woraboklug-e, kontowarak wolmag-o.

1 TIMOTIUS 3:10

Nandug-er-e it inndi ngarurag-o. Ngatluk nde, meya kwarugwi buk ala-ge, lambuk tak inpidnak nap yik eneyarok woragwi yabu na enpem purag-o.

1 TIMOTIUS 3:2

Nde, lambuk tak inpidnak nap yik eneyarok woraso nab-e meya kwaroso buk nap, ogwe misiget worak nap, ondomok indi mamak poso nap, indi nggat nggat worak nap, indi lid puruk-nen kwaroso nap, ”Ap sal nama nggumer-o” yoso nap, ap mul ondoso aru nap,

1 TIMOTIUS 5:14

Iri bem-e, nit ninmin wim mbarak nap-nen nit nonpok pigit lak makluk, it togwe-net nde ndugum ala, ap wanuruk, inlirak ndaguruk, enma woragwi ndegel onpogolat wolmomtak iri-ge an-e nindingen-o.

1 TIMOTIUS 5:20

Ap erep inndi kwiye kujwakluk, it meya kwat tenak woragwi nab-e ap pidsa inmbiri bem-et innggiri wururag-o.

1 TIMOTIUS 5:7

Kweyap togwe meya ma naru, wene yu yak indi-o.

TITUS 1:6

Ogore yidnak nap iri-ge ebem ambut lak nap, kwe misiget un ala, ilirak na mondok inndi angin tubu yidnak ala, ilirak na mondok mot mot kwarugwi me, onpok pugwi buk ala, ap iri nggal nak mendak unpurag-o.

TITUS 2:10

enarengge yariya wanogolat yurak pug-o. Are, Ninmiri Yoso Mbal Pem Nagawan-nen yidnak wene iri-ge kek tak nak pogolat wolmakluk, ir-e pempa yi mende ndi mende kwarogolar-e, konak nak kwarogolat, mot mor-et kwarogolat mag-o.

TITUS 2:15

Wene yu oboksa mul ondosolat, nggomo ondosolat, meya kwarogola, met onposolat yosolar-e, kene amawi min-et yurag-o. Nde, ap misik-nen kat teberak nggal yik kiyudtag-e meya-o.

IBERANI 7:26

Nde, nit nentepan ombo nggulok iri-ge Yesus at irit nindingen kali-o. At iri-ge mondok mbek tak woraso nap, lugud tak kwaroso buk, meya mbi mondok kwaroso buk nap-nen yusu-o. At na-ge meya yogolat woragwi nap inmin-e erep kundig-e lak, arik lenak me, ar-e mbal tap ombol nggwe kek tak pidnak nap-nen yusu-o.

1 PETERUS 2:12

Enlem nin nap ennggenggerak woragolar-e, kit-nen kwarugwi mende-ge konak nak kwarugup na-e. Iri nggal kwarogola-ge, it-nen-e kir-e meya kwarugwi nab-o luk konpok puwokluk yuwa-t nde, kit-nen kwaridnag-e konak nak ala-ge, Nagawan Indo lobok yuwa tarem-e ir-e Mbal Pem Nagawan erembel wanuwa-o.

1 PETERUS 2:9

Alat nde, kir-e len kinpidnak nap elem yogolat, nagawan-nen idnak tepan ombo yogolat, marale elem yogolat, Mbal Pem Nagawan ondomok ilirak yogolat yili-o. Ndamuk arem-nen at eyaya kwiye worak arem nggobokluk, Mbal Pem Nagawan-nen wene mbo kunpuruk, len kinpid iri-ge at-nen kwiye worak kwaroso wene iri na tomborobokluk, wene mbo kinpij-o.

2 PETERUS 3:14

Nanggamirak kenabuwa worak wa-e. Iri bem-e kir-e Tarem iri yik karok woragolar-e, Mbal Pem Nagawan erengen pem kir-e marak irit, kenpem kopkap lak, at imin kundik woraboklug-e, mondok kwara kenmawi konder-o.

NAM PARA WENE 2:5

’An-e abu meya luk yoboksa mbigi kagi’ luk perarug-e, kit meya kwatli iri keya buruk, kondok yer-o. Kondok luk, nanduk kwarogolat woraigep nggal kwarer-o. Kit nde kondok yigit lak ala-ge, an lobok yimindig-e, kit kental iri-ge ondolma-nen lesa wanimin-o.

NAM PARA WENE 3:9

Kenaru wolmer-o! Sere ilirak iri-ge ir-e Yawuri nab-e lag-et nde ennesiget: ’Nir-e Yawuri nab-o’ luk yili-o. An-nen it iri kwat onposolar-e, kit kendam lobok luk, kentalu tud luk, kentembel wanugwi nap tak inpimin-o. Iri kwarogolar-e, an-nen kit kenabuwa kaso iri-ge enaru yuwa-o.