PILIPI 2:14 - Nanduk Ngget Tul Pidnak Wene

¹⁴ Yi kwatlik ndi kwatlik kwarogolar-e, ujwagujwa yogolat, ngguno pebe yogolat momtak pug-o.

PILIPI 2:14 ပူးပေါင်းရင်းမြစ်များ

NGGOMO WENE 13:10

Inndi-nen kek yugwi iri-nen ndowaga-ge yuk puk mbugwi-nen yusu-o. Inndi worak nap-nen-e nggomo wene-ge kwara kulugwi-o.

WONARIDNAK WENE 14:27

”It meya yugwi nap ereba-nen an nebem ’Yu-o, iri-o’ luk yane wat tenak worali iri-ge, mepme tarem-nen keya buwa-o? It-nen yane witli ereba-ge an-e abu kulusu-o.

MATIUS 20:11

Nde, onggo na wonogolar-e, yabu winde iri na ebem ujwa mbariga-o.

MARAKUS 14:5

Emben worak yi yu onggo uwang kwarat wanuruk insilobulo lak nap wok undurag-et nde-o” luk insilepma min-et kwe na met ibiga-o.

MARAKUS 9:14

Yesus owosirak kenan iri na inmin-e Yesus owosirak erep endam wok yiga nggal-e, it imiri mbarak pidnak wene enaru nab-e it inmin wene mbi lit lit ngguno pogola, ap kwarar-e it lop lop indigarik worakmu eneyaiga-o.

LUKAS 5:30

Nonggolat woragola-ge, Parisi nap erep min imiri mbarak pidnak wene enaru nap erep min-nen-e insili karug-e, Yesus owosirak yak ondogolar-e: ”Kir-e noluk-nen pemerinta enmanggim tol ndok wurugwi nap min meya yugwi nap erep min inmin totno nunggwi mende nili-o?” luk yiga-o.

YIDNAK YIDNAK WENE 15:2

Alat nde, Paulus min Mbaranabas min na-nen ap ereba na inmin ngguno kwarat pogolat, wene mbal tenak woragola karug-e, it-nen Paulus min Mbaranabas min Antiokia woragwi nap erep min lenak unpuruk, yak ondogolar-e: ”Kir-e Yerusalem lagupndig-e, wene yu-ge wirik inpidnak nap min ogore yidnak nap min inmin konurag-o” luk yak indiga-o.

YIDNAK YIDNAK WENE 15:39

Yosoloma, wene iri lit lit mberen nap na-nen ngguno kwarat nggurug-e, tu enarik tak mborogolar-e, Mbaranabas na-ge Marakus imin luk e koma arem Siperus mbiriga-o.

YIDNAK YIDNAK WENE 15:7

Nde, wene yu na mbal tenak worarug-e, Peterus na men luk, it yak ondosolar-e: ”Nenggamirak wa-e. Nanduk-net kit kennggendumu-nen Mbal Pem Nagawan-nen an len nibid iri-ge an-nen enlem nin nap aid wene yak ondosola kuluruk, inndi angin tubu yuwakluk-nen len nibid iri-ge kenaru nar-o.

YIDNAK YIDNAK WENE 6:1

Ereya tarem-e inndi Yesus ebem angin tubu yidnak nab-e misik nambek, misik nambek, ap kwarat yogolar-e, it Yawuri nab-et nde, Yunani wene yugwi nap-nen-e Iberani nap inmin ujwa kujwa mbogolar-e: ”Pelin na pelin na mburu tomborogolar-e, nit nonkwe togwerag-e logak indili yu-ge noluk-nen yili-o?” luk yiga-o.

OROMA 12:18

Nde, kit-nen-e ap oboksa inmin lambuk tak nak wolmomtak iri nak peragolat wolmer-o.

OROMA 14:1

Kwara indi angin tubu yigit lak nap iri-ge kit-nen konag-et wok obogolar-e, at indi-n peraso iri na bem wene namawi kamawi yurak pug-o.

OROMA 16:17

Nowe nowosi wa-e. Ap kuri worak onpogolat, inndi angin tubu yidnak lak tak pogolat, mirik kinpidnak wene owak na kuruk togolat kwarugwi nap enabiyem-o luk kir-e kwil kwalsa wolmer-o luk an-e kiri keresa kenmengen mbarusu-o.

1 KORINTUS 10:10

It erep-nen ujwa mbarogola-ge, wat yugwi winde aid nap-nen lak tak inpidnak me, nit-nen na ujwa mbarurak pug-o.

2 KORINTUS 12:20

An-e kit kendam wok yimin nggal-e, an nindi-n peraidnak kwarigit lak nde keneyamin-o luk numud kasu-o. Nde, iri nggal-et an-nen na kit kinndi-nen peraidnak mende kwarigit lak niyudtak iri-ge numud kasu-o. An yik keneyamin nggal-e, yuk puk yugwi nde, enlengen ale yugwi nde, insilepma yugwi nde, kuri wat wat woragwi nde, nobokpe kobokpe pugwi nde, yagap yagap pem ap onpok pugwi nde, inndi-n kek tak pugwi nde, narop karop kwarugwi nde kwarogolat woragola keneyamin-o luk, numud kasu-o.

NGGALATIA 5:15

Alat nde, kit na kit-net neyak puk keyak puk mbogolat, suwal kerak mbogolat yugup ala-ge, kit na kit-net kenambikpebe lak yugub-o luk mondok kwara wolmer-o.

NGGALATIA 5:26

Nde, nit na nit-net kek yogolat, ninndi kalel kerak mbogolat, nin nap iri na nggok yusu-a? luk nisilepma kisilepma yogolat wolmomtak pug-o.

PILIPI 2:3

Kit kondomok kunnu kek tak purak pem, kit kondomok kentembel wanurak pem-e yi kwatlik ndi kwatlik kwarurak pug-o. Are, kinndi tebe yogolar-e, kit kondomok tebe luk, nin nab-e kek tak irit yik iniyudtag-o.

1 TESALONIKA 5:13

It-nen yabu wanili na bem-e, kit-nen mondok kwara kek tak onpogolat, enabuwa ker-o. Kit na kit-net lambinik konak nak wolmer-o.

1 TESALONIKA 5:15

Nde, meya kwarurak pem ap-nen onggo onggo kwaruwa naru, kwara wolmer-o. Kit kennggamtak inmin konak nak wolmomtak pem na irit, ap pidsa inmin konak nak wolmomtak pem na irit, pempa kenmawi kondogolat wolmer-o.

IBERANI 12:14

Ap pidsa inmin kundik wolmomtak pem kenmawi konder-o. Nde, mbek tak worabokluk na kenmawi yer-o. Mbek tak woragwi buk nab-e ap misiget ter-o luk Nagawan Indo kujwa bug-o.

YAKOBUS 1:20

Ap-nen insilepma yili iri-ge Mbal Pem Nagawan alen tak purak konak mbi kwatli-ge lag-o.

YAKOBUS 3:14

Alat nde, kir-e kenlengen ale yogolat, kinsilepma yogolat, kondomok kenmanggim nak nggok tak pogolat yugwi ala-ge, kir-e kenambikpebe kek yogolat, ndemeret wene na imin kenesiget yili-ge meyog-o.

YAKOBUS 5:9

Nanggamirak wa-e. Mbal Pem Nagawan-nen kit kenpem wene mbaruwa naru, kit na kit-net nobokpe kobokpe yurak pug-o. Yebet ker-o. Ap enpem wene mbaroso nab-e lobok eyekluk ijok tumende bem pil wagarik worasu-o.

1 PETERUS 3:11

Meya mende keya buruk, konak nak kwarosolat wolmag-o. Lambuksa wolmomtak elem kore yosolat, amawi kunduwag-o.

1 PETERUS 4:9

Nanggam kanggam irit woragolar-e, kit na kit-net kennggamirak kenma rak onpogolar-e, kinsili min-e kenma rak unpurak pug-o.

YURAS 1:16

It iri na-ge pempa onpok pegerak mbogolar-e, nin nap enpem ujwa mbarogolat onpok pugwi-o. It ondomok inndi-n pidnak nak kwarogolar-e, it ondomok nggulok tak pogolat, ap enarengge lesa wanuwokluk, nin nap entembel wanugwi-o.