PILIPI 2:13 - Nanduk Ngget Tul Pidnak Wene

¹³ Nde, Mbal Pem Nagawan-nen kit kenarem eyabu wanosolar-e, at ondomok indi-n pidnak pem-et iri kwarurak kinndi wok kondosolat, iri kwarurak kenmawi wok kondosolat yusu-o.

PILIPI 2:13 ပူးပေါင်းရင်းမြစ်များ

1 NAGAWAN NAGAWAN-NEN KWARIDNAK WENE 8:58

Nit-nen pempa at indi-n pidnak kwarogolat, at-nen imiri mbarak pidnak wene oboksa min kwaruwakluk nonmborak enpem pidnak wene min kwarogolat wolmok-nen nir-e tugup lak at-nen yidnak yidnak kwarugwi nap tak nunpuwag-o.

ESERA 1:1

Nde, Perisia Nagawan Kores iri na men yosolar-e, olengen at men yid iri na bem-et Nagawan Indo-nen at ene lomboksa yoso nap Yeremia emndam tak posola urul yid iri na ndak ndak makluk, Nagawan Indo-nen Kores arem yabu wanosola-ge, Kores-nen-e wene misik wirik posolar-e, at-nen tenagidnak wi oboksa ap-nen wonat unduwakluk engga mbara wirik pij-o.

ESERA 1:5

Yosoloma-ge, enlem Yewura nap min Mbenyamin nap min ennggendumu enne kulugwi nap ereba na min tepan omborak min Lewi nap min iri-nen Nagawan Indo-nen enarem yabu wanidnak nap oboksa-nen-e Yerusalem mbutluk, tuguruk Nagawan Indo uwi wururak pem mija lele lid lud tak piga-o.

ESERA 7:27

Yosoloma, Esera-nen yosolar-e: ”Nit nonmborak-nen erembel wanugwi Mbal Pem Nagawan iri nak kek tak wolmag-o! Nagawan Indo-nen nagawan iri arem yabu wanosola-ge, nagawan-nen-e Nagawan Indo uwi Yerusalem iri amanggim nag-et nggok tak pusu-o.

NEMIA 2:4

Yosolakmu, nagawan iri na-nen kin wok nobosolar-e: ”Kar-e kindi-ge no kwat kuburak perasu-o?” luk yak nirij-o. Yosoloma-ge, an-e narem nak-nen Nagawan Indo aid arem tena woraso iri na eram tepan yigi-o.

NDAWI ENGGA 110:3

Kat-nen kamawi bem lobok yugun tarem-e kat kuwokma woragwi nab-e ondomok inndi-net ndobo marak iri na bem keram lobok yogolar-e, kuplila lilangen nggal ap sujwe-ge kat keram lobok yuwa-o.

YEREMIA 31:33

Nde, an-nen Isarael nap inmin ngget urul yak indimin wene-ge yu-o: An-nen idnak imiri mbarak pidnak wene-ge it inndi arem posolat, it inndi bem mbarosolat yimin-o. Nde, an-e it Enmbal Pem Nagawan kwat yosolat, ir-e an nilirak kwat yogolat ma-o.

LUKAS 12:32

Yuruk, Yesus-nen yosolar-e: ”Nolomba wam wonarak kit yu-ge wa-e. Kit Kineid-nen at-nen tenagaidnak wi wok kundurag-e indi parik me, kwiye kali meyog-o.

LUKAS 2:14

”Mbal ombol nggwe-nen-e Mbal Pem Nagawan erembel wanuwag-o! Nde, nggweyak ma yu-nen-e Nagawan Indo indi alen tak pugwi nab-e yamuksa wolmag-o!” luk yiga-o.

YOANES 3:27

Yogolikma-ge, Yoanes-nen yosolar-e: ”Mbal Pem Nagawan-nen ap mbi kwat ibigit lak-nen at ondomok amawi bem-nen nak kwarurag-e meya-o.

YOANES 6:45

Mbal Pem Nagawan ene lomboksa yugwi nap-nen engga bem mbarogolar-e: ’Ap pidsa-ge Mbal Pem Nagawan-nen mul unduwa-o’ luk mbaridnak me, an Neid-nen yidnak wene kuluruk, at-nen mirik ibidnak wene wanusu nab-e an neram lobok yusu-o.

YOANES 6:65

Iri yuruk, Yesus-nen yosolar-e: ”Iri bem-nen an Neid-nen indi waruk lobok yigit lak nab-e an neram lobok yurag-e meya-o luk yak kindigi nar-o” luk yij-o.

YIDNAK YIDNAK WENE 11:21

Nde, Nagawan Indo amawi-ge it inmin worala me, ap kwarat inndi Yesus ebem angin tubu yogolat, inndi nden karuk Nagawan Indo eram lobok yiga-o.

OROMA 12:3

Nde, Mbal Pem Nagawan-nen we wok ondoso elem wok nirid iri na bem-nen kit oboksa nggomo kindimin-o. Woragwi ndak ndak kek yurak na keya buruk, kit na kit-net terak mena kek yurak pug-o. Are, kat woraso kabage na yebet karuk, kinndi tebe luk, kit kondomok tak-nen Mbal Pem Nagawan-nen kinndi angin tubu yugwi mende wok kindidnak na ndak ndag-et ”An-e iri nggal worasu-o” luk yebet ker-o.

OROMA 9:11

Li ap ereya ndesa na mbigit lak ma, it-nen-e konak min meya min mondok kwarigit lak ma-net Mbal Pem Nagawan-nen it iniya yak tosolar-e: ”Owe-ge owot ndegel oboso nab-et ma-o” luk yak tij-o. Iri yid iri-ge yu bem-nen yij-o. Mbal Pem Nagawan-nen ap len onposolar-e, it-nen kwarugwi bem len onposo-ge lag-o, Are, Mbal Pem Nagawan at indi-n pidnak pem-et ap wene mbo unpuruk, len onposo-o.

OROMA 9:16

Nde, iri kwaroso iri-ge ap inndi-n pidnak pem-nen na, ap-nen kwaridnak pem-nen kwaroso-ge lag-o. Are, Mbal Pem Nagawan-nen unpud kaso elem pem-net kwaroso-o.

1 KORINTUS 12:6

Yabu wanugwi mende-ge arik tik arik tak worasu-t nde, Mbal Pem Nagawan misiget iri na-net ap pidsa enpem nggwe-nen pidsa wanusu-o.

1 KORINTUS 15:10

Alat nde, an yawo worasu yu-ge Mbal Pem Nagawan-nen we wok ondoso bem-net worasu-o. Nde, we wok ondoso mende wok nirid iri-ge ebe lak momtak pem wok nirij-e lag-o. Are, it wirik inpidnak nap ereb-e yabu we marik nggal wanogola-t nde, an-e yabu kwarat wanusu-o. Alat nde, an-nen wanusu-ge lag-o. Mbal Pem Nagawan-nen we wok ondoso mende-ge an nimin worala-nen wanusu-o.

2 KORINTUS 3:5

Nit nondomok nenmawi bem-nen nit nenambik neneyabu nggal yabu yu wanili bug-o. Mbal Pem Nagawan at-net yabu wanurak nenpem tak poso-o.

EPESUS 1:11

Nde, Kerisut iri na ebem-net nir-e at arengge winde rak ninpid iri-ge nanduk-net at indi-nen ”Irit mag-o” luk len ninpidnak pem yi mende ndi mende kwarosolar-e, at indi-nen ”Irit timin-o” peraruk kwaroso iri na bem-nen len ninpij-o.

EPESUS 1:5

Ar-e nit nenabuwa kaso bem-net Yesus Kerisut ebem ala, Mbal Pem Nagawan-nen-e nir-e at ilirak tak nunpurag-e nanduk-net iri mondok lud tak puruk woragaij-o. Iri rak nonposolar-e, at alen min-et at indi-nen puruk kwarij-o.

EPESUS 1:9

Mbal Pem Nagawan-nen at indi-n pidnak kura wene nit mirik nonposolar-e, ar-e Kerisut ebem-nen ”Irit timin-o” luk nanduk-net lud tak pidnak kura wene iri-ge nam tak puruk mirik ninpij-o.

EPESUS 2:8

Nde, kinndi angin tubu yogola, Mbal Pem Nagawan-nen we wok ondoso elem pem-net kinmiri yid iri-ge kit-nen kwaridnak pem kinmiri yij-e lag-o. Are, Mbal Pem Nagawan-nen we wok kindidnak pem-ner-o.

2 TESALONIKA 1:11

Iri bem-e, nir-e pempa kit kenmanggim tepan yili-o. Nit Nenmbal Pem Nagawan-nen kenperasolar-e, at-nen wene mbo kinpidnak nap ndag-et yobokluk, kenmanggim tepan yili-o. Kir-e konak nak kwaruwog-o luk perali mende kwarurak pem-e at amawi bem-nen ebe kwat yosolat, kit kinndi angin tubu luk kwarugwi mende na iminep mbal yosolat mag-o.

2 TIMOTIUS 1:9

Mbal Pem Nagawan-nen-e nit ninmiri yosolat, at-nen idnak nap makluk wene mbo nonposolat kwarid iri-ge nit-nen kwaridnak pem-e lag-o. Alat nde, at indi-n peraruk, at-nen we wok ondoso bem-net kwat ninpij-o. Nde, we wok ondoso elem iri-ge o awo ndak wirigit lak ma-net Kerisut Yesus ebem wok nindij-o.

IBERANI 13:21

Yamuksa woragwi elem Mbal Pem Nagawan-nen konak mende oboksa wok kondosola, iri bem-nen Mbal Pem Nagawan indi-n pidnak nak kwarobokluk, ndak tak kunpuwag-o. At indi-n peraidnag-e Yesus Kerisut ebem-nen Mbal Pem Nagawan-nen nit nenarem yabu wanuwag-o. Nde, Yesus Kerisut na-ge kek tak pem-et woralik nalik wolmag-o. Amen.

1 PETERUS 1:3

Nenagawan Indo Yesus Kerisut Eid Mbal Pem Nagawan irit wa yak tuwog-o. Nit nunpud kwarat kaso me, nit na ngget mende rak nenpeyekluk Yesus Kerisut iri-ge wat yidnak nap ennggendumu-nen uruk tak pij-o. Iri bem-e, nir-e woralik nalik wulmul-o luk ninndi mbung mbung tak worali-o.