PILIPI 1:29 - Nanduk Ngget Tul Pidnak Wene

²⁹ Nde, Mbal Pem Nagawan-nen wok kondosolar-e, we Kerisut ebem kinndi angin tubu yurak iri nak wok kindigit lag-o. Are, at amanggim andi bandi kudtak min-et wok kendamu-o.

PILIPI 1:29 ပူးပေါင်းရင်းမြစ်များ

MATIUS 16:17

Yosoloma-ge, Yesus-nen wene erep nggarosolar-e: ”Yunus ambara Simon wa-e. Wene iri-ge nggweyak ma nap-nen yak kiriga-ge lag-o. An Neid aid arem woraso-nen yak kiridnak me, kar-e kalen kasu-o.

YIDNAK YIDNAK WENE 13:39

Musa-nen imiri mbarak pidnak wene-nen wisirik kunpurag-e meya-t nde-o, inndi-ge Yesus ebem angin tubu yuwa nab-e at-nen wisirik unpurak perak ndag-o.

YIDNAK YIDNAK WENE 14:22

Iri me wok lug-e, Yesus ene wanugwi nap na inndi wi yakolat-nen it inndi angin tubu yidnak pem tugup lak wolmakluk nggomo indiga-o. It-nen yogolar-e: ”Nir-e Mbal Pem Nagawan-nen tenagaidnak wi nggurak pem mondok andi bandi kwarat karuk-net nggurag-o” luk yak indiga-o.

YIDNAK YIDNAK WENE 14:27

Iri na me wok lug-e, lambuk tak inpidnak nap na ndok worak unpuruk, Mbal Pem Nagawan-nen it inmin kwaridnak mende pidsa-t kenggera yak ondogolat, Mbal Pem Nagawan-nen enlem nin nap inndi angin tubu yurak tu kuwarak pidnak wene na yak ondogolat yiga-o.

YIDNAK YIDNAK WENE 5:41

Wirik onpogolikma, it na wene mbarugwi nap endam-nen mborogolar-e: ”Yesus unu bem ala linggamburok nindiga-o” luk enalin enalen min-et mbiriga-o.

OROMA 5:3

Nde, iri kwarurak pem nak nenalen kali-ge lag-o. Nit andi bandi kali na bem nenalen kali-o. Nde, andi bandi mende iri-nen ninndi tugup lak uwi yaboso iri-ge nenaru me,

EPESUS 2:8

Nde, kinndi angin tubu yogola, Mbal Pem Nagawan-nen we wok ondoso elem pem-net kinmiri yid iri-ge kit-nen kwaridnak pem kinmiri yij-e lag-o. Are, Mbal Pem Nagawan-nen we wok kindidnak pem-ner-o.

KOLOSE 2:12

Nde, yi mat kinpiga iri-ge, kir-e Kerisut imin-et yapma kinpiga-o. Nde, yi ma-nen waigeb-e, wat yidnak nap ennggendumu-nen Kerisut uruk tak pid Mbal Pem Nagawan na amawi bem kit kinndi angin tubu yigep pem-e, kit na Kerisut imin totno kunluk tak kinpij-o.

YAKOBUS 1:2

Nowe nowosi wa-e. Kit kinndi ngarurak mende nin tak nan tak iri kenpem mbosola-ge, nir-e imbiringgat tak nunpusu-o luk yebet kudtag-o.

1 PETERUS 4:13

Are, Kerisut andi bandi kagaid na nggal-et an-e at imin andi bandi kasu-o luk, kenalen ker-o. Iri kwarugup ala-ge, at kek tak woraso nam tak puwa tarem-e kit kenalin kenalen kwarat kagub-o.