PILIPI 1:27 - Nanduk Ngget Tul Pidnak Wene

²⁷ An lobok yimindik-nen-e keneyasolat, nde, lobok yigit lak-nen-e konpok kolosolar-e: ”It inndi tugup lak luk, it inndi misiget luk lambuksa woragolat, inndi angin tubu yugwi aid wene amanggim enmawi kundili-o” luk konpok kuleyek-nen kit-nen yi kwatlik ndi kwatlik kwarogolar-e, Kerisut-nen idnak aid wene iri na-nen yidnak ndak ndak nak kwarogolat wolmer-o.

PILIPI 1:27 ပူးပေါင်းရင်းမြစ်များ

NDAWI ENGGA 122:3

O Yerusalem siri kona obo nesa ndak ndak sa wiridnak mondok konak-nen yusu-o.

NDAWI ENGGA 133:1

Mbal Pem Nagawan ilirak kundik misiget woragolar-e, mondok enalen-e kwiye worak lombok-nen yusu-o.

NGGOMO WENE 22:23

Nagawan Indo-ge it enambigit nggwe-t yosolat, enmawi lak iri lel inpili nab-e inndisep lak tak puwa-o.

MATIUS 12:25

Nde, Yesus na-ge it inndi-n perali na yenggerak puruk-nen yak ondosolar-e: ”Nagawan misik-nen tenagaidnak wi woragwi nap it-net it ngarak woragolat-nen wim pogola-ge, pendaga lak ma-o. Nde, it o siri misiget woragwi-nen na, it ap lolo-nen na, it-net it ngarak woragolat-nen wim pogola-ge, pendaga lak ma-o.

YIDNAK YIDNAK WENE 2:46

Nde, pelin na pelin na it inndi lambuksa Mbal Pem Nagawan ama ndok worogolat, it enma lombok-nen mburu ndeksa nonggolat yiga-o. Nunggwi mende nonggolar-e, inndi mot mor-et enalin min nonggolat,

YIDNAK YIDNAK WENE 24:24

Siyak worarug-e, Pelik min at ogwe Nderusila, Yawuri kwe iri na imin lobok yij-o. At-nen-e: ”Paulus iri lobok yuwag-o” luk, Paulus-nen Kerisut Yesus ebem inndi angin tubu yugwi wene yak ondosola, kuliga-o.

YIDNAK YIDNAK WENE 4:32

It inndi Yesus ebem angin tubu yidnak nap pidsa-ge inndi misiget luk lambuksa woragolar-e, insilobulo-ge enariktak-nen-e ”Yu-ge an narengge-o” luk yigir-e lak. Are, ”Nit nenarengge-o” luk insilobulo-ge lambuksa irit winde woraiga-o.

OROMA 1:16

Aid wene iri-ge Mbal Pem Nagawan-nen idnak amawi me, ebem inndi angin tubu yidnak nap oboksa inmiri yoso-o. Nandug-er-e Yawuri nap, imbirig-e, enlem nin nap na inmiri yoso ala karuk, an-e aid wene na bem-e ninnggiri mondok kasu bug-o.

OROMA 1:5

Nde, ap enlem pidsa ininggi waga inndi at ebem angin tubu luk, at-nen yidnak yidnak nak kwaruwakluk, Kerisut ebem at unu nak kek tak puwakluk Mbal Pem Nagawan-nen we irit wirik nibidnak nap tak nibij-o.

OROMA 1:9

An tepan yosolar-e, pempa kenmanggim yoso-o. Nde, an-nen yusu yu-ge ndemeret yusu-o luk Mbal Pem Nagawan-nen kenggel kunduwa-o. An-e at Ambara-nen idnak aid wene iri ninndi bem-net yak ondosolat ndegel pusu Mbal Pem Nagawan iri-nen kenggel kunduwa-o.

OROMA 10:8

Iri-ge yu nggal yosolar-o: ”Mbal Pem Nagawan-nen yidnak wene iri-ge kit kendam worasu-o. Kit kenemende bem, kit kenarem na worasu-o.” Nde, iri-ge nit-nen yak kindili inndi angin tubu yugwi wene nde yigi-o.

OROMA 15:16

Enlem nin nap ndegel unpuwakluk, Mbal Pem Nagawan-nen Kerisut Yesus ndegel oboso nap kwarak nibij-o. Nde, an-e tepan ombo nggal yosolar-e, enlem nin nab-e wam eyuruk Mbal Pem Nagawan amanggim pidnak nggal makluk, Mbal Pem Nagawan indingen kaso mende pidnak nggal Konak Indi-nen Mbal Pem Nagawan amanggim len inpidnak makluk, an-e Mbal Pem Nagawan-nen idnak aid wene ap yak indil nusu-o.

OROMA 15:29

Nde, kit kendam wok yosolar-e, Kerisut-nen imbiringgat kobong tak nibidnak iri na min-et wok yimin-o luk an-e naru-o.

1 KORINTUS 1:10

Nanggamirak wa-e. Nit Nenagawan Indo Yesus Kerisut unu bem nggomo kundusu-o. Kir-e kinndi misiget nak worabokluk kuri wat wat woragup naru, lambuksa woragolar-e, kinndi misiget nak woragolat, wene misiget nak yebet kagolat wolmer-o.

1 KORINTUS 15:58

Iri bem-e, nanggamirak kenabuwa worak wa-e. Tugup lak luk, unuk laksa irit woragolar-e, Nagawan Indo eyabu wanili iri-ge ebe lak mende ma-ge lag-o luk kenaru me, Nagawan Indo eyabu-ge pempa kenmawi min-et wok tenak wolmer-o.

2 KORINTUS 13:11

Worok tak posolar-e, nanggamirak wa-e. Wiwa-o. Iminep mbal yobok-nen kwara kenmawi kondogolat wolmer-o. An-nen nggomo kindidnak wene oboksa wanogolat wolmer-o. Kinndi misiget nak woragolar-e, lambuksa wolmer-o. Nde, Mbal Pem Nagawan-e ap enabuwa kaso elem na, lambuksa woragwi elem na kit kinmin wolma-o.

2 KORINTUS 4:4

It inndi angin tubu yili buk nap inndi erengen-e nggweyak ma yu tena woraso nagawan-nen ngguru rak pidnak me, it-nen-e Kerisut kek tak woraso wene aid wene eyaya na kudtag-e meya-o. Kerisut iri-ge Mbal Pem Nagawan abage worak-nen yusu-o.

2 KORINTUS 9:13

Nde, kit-nen lubug-et tomborogolat-nen ndak tak pili mende iri bem yenggerak kunpuruk, ap kwarat-nen Mbal Pem Nagawan unu kek tak pogolar-e, kir-e mot mot nak Kerisut-nen idnak aid wene para yogolat, kinndi lubug-et it na ap pidsa na kinsilobulo tembesa wok ondogolat yili iri bem-net at unu kek tak puwa-o.

NGGALATIA 1:7

Alat nde, wene nin iri-ge ndemeret aid wene-nen yusu-ge lag-o. Are, ap erep-nen-e kit nari wari rak konpogolat, Kerisut-nen idnak aid wene na nden penden tak puwokluk kwatli-o.

EPESUS 1:13

Nde, at ebem-nen kit na iri nggal-et kwat kinpij-o. Kir-e ndemeret wene kinmiri yurak aid wene iri na kuluruk yigepndig-e, Kerisut ebem kinndi angin tubu yigeb-o. Iri lug-e, ”It yu-ge an nilirak-nen yili-o” luk yenggerak kunpuwaklug-e, Mbal Pem Nagawan-nen-e urul pidnak Kona Indi na kenpem pij-o.

EPESUS 1:15

Iri bem-e, kit kinndi-ge Nagawan Indo Yesus ebem angin tubu yidnak wene min Mbal Pem Nagawan winde nap oboksa enabuwa kali wene min kulurug-e,

EPESUS 4:1

Iri ala-ge, Nagawan Indo ebem kamat nibidnak nap an-nen kit kenmengen mbarosolar-e: Mbal Pem Nagawan-nen wene mbo konposolar-e: ”Iri nggal kwarogolat wolmer-o” yak kindid iri-ge, iri nggal-et ndak ndak kwarogolat woragup na-e luk kenmengen mbarusu-o

PILIPI 1:5

An-e iri yoso iri-ge tel kwirigep kuri-net yawo na kir-e aid wene bem yongga norogolat worali bem-nen iri yoso-o.

PILIPI 2:12

Nenggamirak kenabuwa worak wa-e. Iri bem-e an-e kinmin worala-nen an-nen yidnak yidnak nak kwarogolat woraigep iri-ge ob-et nde, yawo an nebalma-nen na an-nen yidnak yidnak kwarogolat wolmomtak iri perak nde nggulog-o. Kit kondomok kinmiri yurak elem na-ge kwiye min konowak lele min-et wanogolat wolmer-o.

PILIPI 2:24

Alat nde, Nagawan Indo ebem-nen an-nen perasolar-e, an-et ndag-et nak kendam lobok yurak irit perasu-o.

PILIPI 3:18

An-nen-e wene yu-ge kwarat pem yak kondosolat woragi nar-o. Nde, yawo-ge yip min-et tuguruk yak kundusu-o. Ap kwarar-e it-nen kwarugwi mende bem-nen Kerisut e lang pang tak imin wim mbarak worali-o.

PILIPI 3:20

Nde, nit perak nde nunuwi elem ma-ge aid arem-et worasu-o. Nit Ninmiri Yoso Nap Nagawan Indo Yesus Kerisut iri-ge aid arem-nen mbuma-o luk yik karok worali-o.

PILIPI 4:1

Iri bem-e nowe nowosi wa-e. An-e kit kenabuwa kwarat kasolar-e, an nindi kundugu kit kenpem worasu-o. Kir-e an nalen min an nuwirik menda min-nen yili-o. Nowe nowosi kenabuwa worak wa-e. Kir-e Nagawan Indo ebem-et tugup lak wolmer-o.

KOLOSE 1:10

Iri rak konposola-ge, Nagawan Indo erengen pem kir-e ndak ndak yogolat, yi mende ndi mende bem at alen tak ubugub-o. Nde, kit-nen yi kwatlik ndi kwatlik kwarogolar-e, engen-e konak nak pogolat woragub-o. Nde, Mbal Pem Nagawan kenaru yogolat na, kwarat kenaru yuwa-o.

KOLOSE 1:4

Iri yili iri-ge, Kerisut Yesus ebem kit kinndi angin tubu yigep wene min marak nap oboksa enabuwa kali wene min kuluruk-nen yili-o.

1 TESALONIKA 3:6

Nde, yawo Timotius na-ge kit kendam-nen tuguruk nit nendam lobok yarik, kit kinndi angin tubu yidnak wene nde, kit-nen nit nenabuwa kali wene nde, konak wene irit waruk lobok yij-o. At-nen yak nondosolar-e: ”It iri-ge pempa kit yebet keneyagolar-e, enalen min-et yebet keneyali-o. Nde, kit-nen it iniyudtak perali nggal, it-nen na irit kit kiniyudtak perali-o” luk yak nindij-o.

1 TESALONIKA 4:1

Nanggamirak wa-e. Nir-e Nagawan Indo Yesus unu bem wene misik kwarobokluk kenmengen mbatli-o. Mbal Pem Nagawan indingen tak purak pem kwarogolat wolmomtak mende kwarobokluk mirik kinpige nar-o. Nde, kit iri nggal kwatli-t nde, mondok kwara kwarogolat worabog-o luk nggomo kindili-o.

1 TIMOTIUS 1:11

Ndemeret wene iri-ge mondok erembel wanugwi kek tak Mbal Pem Nagawan-nen idnak Konak Wene-ge an-nen yuwakluk nebem pidnak wene iri-nen yusu-o.

1 TIMOTIUS 1:19

kindi angin tubu yidnak min karem mbek tak pem min-et wim mbarosolat wolmin-o. Ap erep-nen-e it inndi konak yebet kagwi na-ge keya buruk, it inndi angin tubu yidnak na-ge lak tak piga-o.

2 TIMOTIUS 4:7

An-e konak nak pong kil mbirigirik, kondok yil mburugwi sa wok yigi-o. Inndi angin tubu yugwi elem-e kwara parugu woragi-o.

TITUS 2:10

enarengge yariya wanogolat yurak pug-o. Are, Ninmiri Yoso Mbal Pem Nagawan-nen yidnak wene iri-ge kek tak nak pogolat wolmakluk, ir-e pempa yi mende ndi mende kwarogolar-e, konak nak kwarogolat, mot mor-et kwarogolat mag-o.

PILEMON 1:5

Nde, iri yoso iri-ge kat-nen marak nap oboksa enabuwa kasolat, Nagawan Indo Yesus ebem kindi angin tubu yosolat yoso iri-nen yoso-o.

YAKOBUS 3:18

Lud tak nak kwarugwi iri-ge yamuksa wolmomtak nak inndi peragwi nap iri-nen yamuksa woragwi uwi pil kaidnak iri engen pidnak-nen yusu-o.

2 PETERUS 3:11

Nde, yi mende ndi mende lak tak posolar-e, iri nggal kwasa lak tak puwa me, kir-e mondok marak woragolat, Mbal Pem Nagawan-nen yidnak yidnak nak kwarogolat wolmer-o.

2 PETERUS 3:14

Nanggamirak kenabuwa worak wa-e. Iri bem-e kir-e Tarem iri yik karok woragolar-e, Mbal Pem Nagawan erengen pem kir-e marak irit, kenpem kopkap lak, at imin kundik woraboklug-e, mondok kwara kenmawi konder-o.

YURAS 1:3

Nanggamirak kenabuwa worak wa-e. Nit totno ninmiri yidnak wene iri na engga kenmanggim mbareyekluk yosoma-t nde, an nindi-nen perasolar-e: Lag-o. Yawo-ge Mbal Pem Nagawan-nen at winde nap mondog-et wok indidnak inndi angin tubu yugwi wene na amanggim kenmawi kondogolat wolmer-o luk nggomo kundurak wene engga bem mbal kundurak perak nde nggulog-o luk peragi-o.