Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




PILIPI 1:20 - Nanduk Ngget Tul Pidnak Wene

20 Nde, an-e neyabu wanidnak pem ninggiri lag-et teyeg-o luk, nindi kundugu nindi bem mbung mbung tak worasu-o. Alat nde, nanduk woragi kuri, yawo-nen na an nebe yu bem-nen Kerisut unu kek makluk, nuruk wolmomtak na, wat momtak na, an-e mondok kwiye lag-o.

အခန်းကိုကြည့်ပါ။ ကော်ပီ




PILIPI 1:20
41 ပူးပေါင်းရင်းမြစ်များ  

An nuruk worayek-nen kat-nen urul pigen ndak ndag-et amawi rak nibi-o. An nindi mbung mbung tak worasoma, an nindi kabak makluk keya nuburak pug-o.


Alat nde, Nagawan Indo-nen-e Isarael nab-e inmiri yuwa-o. Nde, at-nen inmiri yidnak iri-ge mondok pem inmiri mbarak irit wolma-o. Pem irit woragolat nagolat nggweyel na kinpigit lak, kinnggiri na wirigit lak irit woragub-o’ luk yak kunduwa-o” luk yij-o.


Nagawan Indo Mbal Pem Nagawan-e an yongga norosola me, an-e ninggiri rak puwa bug-o. An nindi-ge mamak puruk worayekluk kerep nggal tugup lak tak puruk worasu-o. An-e mondok ninggiri rak puwa bug-o luk naru worasu-o.


Kar-e kwiye yusu-ge meyog-o. Kar-e kinggiri rak puwa bug-o. Pesel kobogolat, kinggiri-nen wandu yugun pug-o. Kar-e kundugum woralat-nen terak waring kaso ereba na-ge meme rak pugun-o. Iri-nen togwe karik woralat kindi aptuporak woraso ereba na meme rag-et pugun-o.


Wene iri yak tid iri-ge Mbal Pem Nagawan unu kek tak peyekluk, Peterus abok-nen wat momtak wene irit yak tij-o. Yak turug-e, Yesus-nen Peterus yak tosolar-e: ”An nimbirig-et ni-o” luk yak tij-o.


Alat nde, an nondomok nindi abuwa marig-et tet kasu bug-o. Are, an nebem pidnak yabu iri na ndak tak posolar-e, Nagawan Indo Yesus-nen wok niridnak yabu iri-ge Mbal Pem Nagawan-nen we wok ondoso aid wene iri na konggorosolat-nen neyabu na worok tak purak iri perak nde ijar-o.


Alat nde, Paulus-nen yosolar-e: ”Kir-e noluk yip togolat-nen an nindi pidnak mborok tak puwokluk yili-o? Yerusalem-nen Nagawan Indo Yesus unu bem ala, kere kamat nuburak nag-e lag-o. Are, mondok wat momtak na ob-er-o” luk yij-o.


Tepan yogolikma-ge, it ndok worak woraiga o na-ge yuk lenak mbosolar-e, Konak Indi-ge it enarem yebet yosolar-e, Mbal Pem Nagawan-nen yidnak wene-ge kwiye lag-et yogolat woraiga-o.


Iri bem-e, nowe nowosi wa-e. Mbal Pem Nagawan-nen nit nunpud kwarat kaso bem an-e kit kenmengen mbarusu-o. Wam wosa Mbal Pem Nagawan amanggim pugwi nggal, kit kenpe kunlug-et ebis-et kegera Mbal Pem Nagawan wok turag-o. Iri kwarogolar-e, kit kenpe-ge marak me, at alen tak ubugub-o. Mot mor-et Mbal Pem Nagawan erembel wanugwi-ge irir-o.


Mbal Pem Nagawan-nen Konak Indi wok nindid iri na bem-nen enabuwa kaso elem nggilara nit nenarem yebet tak pidnak me, ninndi ebem mbung mbung tak woragwi iri na wolma me, ninndi nggwirik yul pug-o.


Kit kenpe iri bem-nen meya kwarosolat wolmaklug-e, meya kwarugwi elem iri na kit kenpe iri kininggi kunuwok min kegera wok turak pug-o. Are, kir-e wat yidnag-et nde, kunluk yaga wok kindidnak pem-e, kenpe kegera Mbal Pem Nagawan nak wok ter-o. Lud tak nak kwarugwi mende kwat kenperenak wolmakluk, kenpe ebis-et kegera Mbal Pem Nagawan wok ter-o.


Kit-nen kwara yebet kabokluk, an-e ndegel unpugwi wene bem wal kaga yak kundusu-o. Nanduk kir-e meya kwaruwokluk kopkap tobok tak kwarugwi mende min meya kwarugwi mende min ndegel ubuwokluk kenpe ebis-et kegera at eram pigep iri nggal kwarogolar-e, yawo-ge kir-e marak nap kwat yuwokluk, kit kenpe ebis-et kegera lud tak nak kwarugwi elem wok turag-o.


Ndak worak inpidnak mende oboksa-nen-e: ”Mbal Pem Nagawan ilirag-e mepme-n nam tak unpuwa-o!” luk yik karok inndi mbung mbung tak worali-o.


Kerep iri wene-ge Mbal Pem Nagawan engga bem-e yu nggal mbarak worasu-o: ”Kwara yebet ker-o. O Sion iri me-ge ap unuwok abis pijaksa mburak kerep an-nen pusu-o. Kerep nggulok na bem-e ab-e pijaksa mbud yuwa-o. Alat nde, kerep na ebem inndi angin tubu yuwa nab-e abog-e innggiri wuruwa bug-o” luk yij-o.


Nanggamirak wa-e. An-e pempa pempa wat yidnak nusu-o. Wene yu-ge ndemeret yigi-o luk nit Nenagawan Indo Yesus Kerisut ebem kit kenpem ala nalin nalen kasu bem irit yusu-o.


Are, kir-e abu konnggo mbarak-nen yili-o. Iri bem-e kit kenpe iri-net Mbal Pem Nagawan unu kek tak pogolat wolmer-o.


at indi-ge mberen yusu-o. Kwe ndugum un lak-nen-e at ebe min indi min marak worayeklug-e, Nagawan Indo eyabu nak nggok tak pusu-t nde, un worak kwe-ge un-nen at ebem indi yek maklug-e, nggweyak ma mende nak nggok tak pusu-o.


Nde, kit mberak kunpurak pem-e lag-o. Are, kit mendak kunpurak pem Nagawan Indo-nen amawi wok nindidnak iri bem an nindi kwarat kek yusu iri bem an-e ninggiri kamin pug-o.


Nit ninndi-ge wene iri bem mbung mbung tak woragolat me, nir-e kwiye lag-et yili-o.


Yesus uruk yidnag-e nit nenpe bem nam maklug-e, Yesus worogola wat yid iri na nggal nondogola wat momtak irit nenpem puruk waring kali-o.


Ar-e ap oboksa enmanggim wat yid iri-ge, unluk worali nab-e it ondomok enmanggim wolma-o luk, ar-e it enmanggim wat luk, uruk tak pid nap iri na amanggim-et wolmakluk-nen wat yij-o.


An-nen Titus imbiri bem kit kentembel kwarat wanigirik me, kit-nen an ninggiri rak pigit lak yigeb-o. Nir-e pempa ndemeret wene nak yak kondogolat woraige-o. Iri nggal, nit-nen Titus imbiri bem kentembel wanige wene na lud tag-et yij-o.


An-e kit kinmin-e wene nam-et nak yoso-o. An-e kit kenpem-nen na nindi kek tak poso me, anggun worak mende kwarat nenpem mbidnak worasu-t nde, an nindi mondok yanggonak woralar-e, nalin nalen kwarat worasu-o.


Nde, kere kamat nibidnak na bem-nen-e nennggamirak erep kwarat-nen-e Nagawan Indo ebem ala, ebem lud enmawi kunduruk, Mbal Pem Nagawan-nen yidnak wene-ge mondok kwiye lag-et ap yak indili-o.


Alat nde, Mbal Pem Nagawan amanggim wam wosa bidnak nggal, at amanggim pidnak nggal, kit kinndi angin tubu yidnak pem an neyabi nde wirik purak ala-ge, an nalen kasolat, kit pidsa kinmin na nalen kasolat yeleb-o.


Nde, yawo-ge an-e kit kenmanggim yane wurusu me, an nalen kasu-o. Kerisut-e at ebe amanggim yane wiridnag-et nde, mariget awo yane wirigit lak iri-ge an nebe bem yane wurusu iri bem-nen iminep mbarak pimin-o. Kerisut ebe iri-ge lambuk tak inpidnak nap-nen yusu-o.


Yamuksa woragwi elem Mbal Pem Nagawan-nen-e marak kunpuruk, iminep mbarak konposolar-e, kinndi min kenpe min oboksa nit Nenagawan Indo Yesus Kerisut lobok yurak tarem-nen mondok kop kap lak woraboklug-e, kontowarak wolmag-o.


Alat nde, kir-e Kerisut wanidnak pem andi bandi kagolar-e, kinnggiri kudtak pug-o. Are, ”An-e Kerisut nap yigi bem-nen kwat nibili-o” luk Mbal Pem Nagawan wa yak turag-o.


Nde, nilirak wa-e. Kerisut lobok yuwa tarem-e ninggiri min lak, mondok kwiye lag-et at eram wok yuwok-nen Kerisut imin kundik irit wolmer-o.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ