PILEMON 1:9 - Nanduk Ngget Tul Pidnak Wene

⁹ Iri yurag-e ob-et nde, Paulus an-e ap nindi worak Kerisut Yesus ebem ala, yawo o kubu me nibidnak na worasu-t nde, kat kabuwa-nen an-e kwat obonokluk wene nak yak kurusu-o.

PILEMON 1:9 ပူးပေါင်းရင်းမြစ်များ

YESAYA 46:4

An-e pem irit kit Kenmbal Pem Nagawan irit worasoma, kir-e kindi worak yogolat, an-e pem irit yik keneyarok worasoma, kenkeren mborosolat kwarusu-o. An-net ndak worak kunpuruk, ndegel konposolat woraso-o. Abok an-net yongga kondosolat, kinmiri yosolat yimin-o” luk yij-o.

OROMA 12:1

Iri bem-e, nowe nowosi wa-e. Mbal Pem Nagawan-nen nit nunpud kwarat kaso bem an-e kit kenmengen mbarusu-o. Wam wosa Mbal Pem Nagawan amanggim pugwi nggal, kit kenpe kunlug-et ebis-et kegera Mbal Pem Nagawan wok turag-o. Iri kwarogolar-e, kit kenpe-ge marak me, at alen tak ubugub-o. Mot mor-et Mbal Pem Nagawan erembel wanugwi-ge irir-o.

2 KORINTUS 5:20

Iri ala-ge, nir-e Kerisut-nen ninpil lobok yidnak nap-nen yili me, nit nenemende nggwe-nen Mbal Pem Nagawan-nen-e kenmengen mbarusu-o. Nde, Kerisut unu bem nit-nen kenmengen mbarogolar-e: kondomok-net Mbal Pem Nagawan imin lambuk tak kunpuwakluk eram lobok yer-o luk yak kindili-o.

2 KORINTUS 6:1

Nir-e Mbal Pem Nagawan imin yabu misiget erep wanugwi nap nit-nen nggomo kindili-o: Mbal Pem Nagawan-nen we wok ondoso elem wanigep iri na-ge ebe lak mende rak purak pug-o.

NGGALATIA 3:26

Nde, kit pidsa Kerisut Yesus ebem kinndi angin tubu yigep pem-e Mbal Pem Nagawan ilirak-nen yili-o.

EPESUS 3:1

Iri bem-e, enlem nin nap kit kenmanggim-e Kerisut Yesus ebem kere kamat nibidnak nap Paulus an-nen-e Mbal Pem Nagawan eram tepan yusu-o.

EPESUS 4:1

Iri ala-ge, Nagawan Indo ebem kamat nibidnak nap an-nen kit kenmengen mbarosolar-e: Mbal Pem Nagawan-nen wene mbo konposolar-e: ”Iri nggal kwarogolat wolmer-o” yak kindid iri-ge, iri nggal-et ndak ndak kwarogolat woragup na-e luk kenmengen mbarusu-o

EPESUS 6:20

Aid wene waruk mburuwakluk, an-e wirik nibidnak nab-et nde, aid wene na bem o kubu me nibil nggwidnak worasu-o. Iri ala-ge, aid wene na-ge ”Iri nggal kwasa yonog-o” luk yak nirid nggal-et an kwiye lag-et wene iri yek-nen namanggim tepan yogolat wolmer-o.

1 TIMOTIUS 1:12

An-nen at eyabu yu wanuwakluk amawi wok nirid Nenagawan Indo Kerisut Yesus-nen-e at ndegel uburak pem ar-e ndak-net yusu-o luk neberaidnak pem an-nen wiwa-o yak tusu-o.

TITUS 2:2

Ap indi worak yak ondosolar-e: ”Kir-e kinndi min-et woragolat, kinndi nggat nggat worak woragolat, kondomok kinndi towarak woragolat mer-o. Nde, kinndi angin tubu yidnak pem na, ap enabuwa kagwi bem na kinndi luruk puruk woragwi bem na iminep mbarak irit wolmer-o” luk yak indi-o.

IBERANI 13:19

”An namanggim tepan yer-o” luk an-e mondok kiri keresa yak kundusu-o. Mbal Pem Nagawan-nen an-e kit kendam ndag-et nak wirik nubuwakluk, tepan yugup na-e.

1 PETERUS 2:11

Nenggamirak kenabuwa worak wa-e. Kir-e nggweyak ma yu me woragolar-e, ap sal nggal, ap enma woragwi nap nggal yili me, ap-nen ukwe ukwe yugwi na-nen kinndi min wim poso iri-ge keya ber-o luk an-nen kiri keresa yak kundusu-o.