PILEMON 1:22 - Nanduk Ngget Tul Pidnak Wene

²² Iri kwarosolar-e, an wolmomtak nondoro mbi lud tak puruk wolmin-o. Mbal Pem Nagawan-nen-e kit pidsa-nen tepan yili na kuluruk, tuguruk kit kendam nibil lobok yuwa-o luk perasu-o.

PILEMON 1:22 ပူးပေါင်းရင်းမြစ်များ

YIDNAK YIDNAK WENE 27:24

yak norosolar-e: ’Paulus wa-e. Kar-e kwiye kasu-ge meyog-o. Kar-e mondok Kaisat eram-et wok yugun-o. Mbal Pem Nagawan-nen we wok ondoso bem kat totno mbitli nap iri oboksa kat-nen lesa mondok inmiri yuwa-o’ luk yak nirij-o.

YIDNAK YIDNAK WENE 28:23

Iri tarem-et yak nundurag-o luk yiga na tarem-e at eram ap kwarat ndok worogolikma-ge, at-nen-e wene yak ondosolar-e, Mbal Pem Nagawan-nen tenagaidnak wi wene kenggera yak ondosolar-e, Musa-nen imiri mbarak pidnak wene bem-nen na, Mbal Pem Nagawan ene lomboksa yugwi nap-nen mbaridnak wene bem-nen na, Yesus ebem inndi angin tubu makluk yak ondosolar-e, kuplila-nen tel kwirij-et nde, keyama rak pij-o.

OROMA 15:24

an-e Spaniol mborosolar-e, kit kenma nggwe wok yimin-o. Wok yosolar-e, kit kinmin lambuk luk, totno nenalen min yek ngek mbul-o. Mburug-e, an Spaniol nggwe mborosola, ndimirik nibil-et mburugub-o luk perasu-o.

2 KORINTUS 1:11

Kit-nen na yongga nondogolar-e, nenmanggim tepan yili-o. Nde, tepan kwarat nit nenmanggim yidnak na ndak tak posolar-e, Mbal Pem Nagawan-nen-e imbiringgat tak nonposola, nit nenpem ala, ap kwarat-nen Mbal Pem Nagawan wa yak togolat wolma-o.

PILIPI 1:19

Kit-nen namanggim tepan yili bem-e Yesus Kerisut Indi-nen an yongga norosola-ge, an nimiri-t yuwa-o luk naru woralat nalen kasu-o.

PILIPI 2:24

Alat nde, Nagawan Indo ebem-nen an-nen perasolar-e, an-et ndag-et nak kendam lobok yurak irit perasu-o.

IBERANI 13:19

”An namanggim tepan yer-o” luk an-e mondok kiri keresa yak kundusu-o. Mbal Pem Nagawan-nen an-e kit kendam ndag-et nak wirik nubuwakluk, tepan yugup na-e.

IBERANI 13:23

Nit nennggam Timotius na-ge o kubu me ibil nggwiga na-ge yawo weserak ibiga-o luk kenaru yobokluk-nen yak kundusu-o. Nde, at nde an worasu sa lobok yosola-ge, an-e kit kendam lobok yosolar-e, imin lobok yimin-o.

YAKOBUS 5:16

Iri bem-e, kit ki rak kunpuwaklug-e, kit na kit-net meya yidnak pal kerak mbogolat, kit na kit-net tepan pegerak mbogolat wolmer-o. Lud tak nak kwaroso nap-nen indi angin tubu yosolat-nen tepan yusu iri-ge amawi kwarat-nen yusu-o.

2 YOANES 1:12

An-nen yak kundurak wene kwarat worasu-t nde, an-nen perasolar-e, engga bem nak mbarurag-e meya-o. Are, nebe-t lobok yimindik, nenalen pem-et yuwok-nen lambuksa wene yul-o luk perasu-o.

3 YOANES 1:14

Yanem nggal-et totno lambuk luk, wene mbarul-o luk perasu-o.