PILEMON 1:1 - Nanduk Ngget Tul Pidnak Wene

¹ Kerisut Yesus ebem kere kamat nibidnak nap Paulus an min nonowot Timotius min-nen nit nennggam, yabu misiget erep wanoso nap Pilemon kat min,

PILEMON 1:1 ပူးပေါင်းရင်းမြစ်များ

YIDNAK YIDNAK WENE 16:1

Nde, iri lug-e, Paulus na-ge o Nderebe min Listera min ereya na me-t wok yij-o. Iri me-ge indi angin tubu yidnak nap misik unu-ge Timotius irit woragaij-o. At ija-ge Yawuri kwe, indi angin tubu yidnak kwe-t nde, at eij-e Yunani nab-o.

1 KORINTUS 3:9

Nir-e Mbal Pem Nagawan imin yabu misiget erep wanili-o. Mbal Pem Nagawan eyabu min Mbal Pem Nagawan uwi worak min-e kit-nen yili-o.

2 KORINTUS 1:1

Mbal Pem Nagawan indi-n pidnak pem Kerisut Yesus-nen idnak wirik nibidnak nap an Paulus min nennggam Timotius min-nen-e Mbal Pem Nagawan-nen idnak lambuk tak inpidnak nap Korintus woragwi kit kenmanggim na, Akaya uwi oboksa woragwi marak nap kit pidsa kenmanggim na, engga yu mbatli-o.

NGGALATIA 3:26

Nde, kit pidsa Kerisut Yesus ebem kinndi angin tubu yigep pem-e Mbal Pem Nagawan ilirak-nen yili-o.

EPESUS 3:1

Iri bem-e, enlem nin nap kit kenmanggim-e Kerisut Yesus ebem kere kamat nibidnak nap Paulus an-nen-e Mbal Pem Nagawan eram tepan yusu-o.

EPESUS 4:1

Iri ala-ge, Nagawan Indo ebem kamat nibidnak nap an-nen kit kenmengen mbarosolar-e: Mbal Pem Nagawan-nen wene mbo konposolar-e: ”Iri nggal kwarogolat wolmer-o” yak kindid iri-ge, iri nggal-et ndak ndak kwarogolat woragup na-e luk kenmengen mbarusu-o

EPESUS 6:20

Aid wene waruk mburuwakluk, an-e wirik nibidnak nab-et nde, aid wene na bem o kubu me nibil nggwidnak worasu-o. Iri ala-ge, aid wene na-ge ”Iri nggal kwasa yonog-o” luk yak nirid nggal-et an kwiye lag-et wene iri yek-nen namanggim tepan yogolat wolmer-o.

PILIPI 1:1

Pilipi woragwi marak nap oboksa, Kerisut Yesus ebem kinndi angin tubu yigep nap kit min ogore yidnak nap min it yongga undugwi nap min kenmanggim-e Kerisut Yesus ndegel ubugwi nap nit Paulus min Timotius min-nen yili-o.

PILIPI 2:25

Nandug-er-e an nanggam yabu misiget erep wanogolat, wim misiget erep tomborogolat yoso nap, nonowot Epapororitus na-ge kit kendam ibil-et lobok yimin-o. At iri-ge an yongga nuruwakluk kit-nen ibil lobok yigep nar-o.

PILIPI 4:3

Nde, an tot-no yabu wanosolat, mot mot nak yabu wanoso nanggam Sunsugos wa-e. Kwami mberen iri min Kelemens min an totno yabu wanugwi nap erep na min-e an nimin totno aid wene wigarogolar-e, enmawi kundidnak me, kwami mberen iri-ge kat-nen yongga indi-o luk kemengen mbarusu-o. It iri unnu-ge unlug-et wolmomtak engga bem mbarak worasu-o.

KOLOSE 1:1

Mbal Pem Nagawan indi-n pidnak pem Kerisut Yesus-nen wirik nibidnak nap an Paulus min nonowot Timotius min nit-nen

KOLOSE 4:11

Nde, Yesus unu misig-e Yustus-nen na irit wa yak kundusu-o. Inndi angin tubu yidnak Yawuri nap ennggendumu-nen-e it kenan iri nak-nen Mbal Pem Nagawan-nen tenagaidnak wi yabu an nimin totno wanugwi nap yili-o. Ir-e mondok kwara an yongga nitli-o.

1 TESALONIKA 3:2

nit nonowot Timotius, nit totno Mbal Pem Nagawan eyabu wanogolar-e, Kerisut-nen yidnak aid wene yak ondoso nap iri-ge wirik ubuwog-o” luk yige-o. Nde, wirik uburak yige iri-ge, kit kinndi angin tubu yidnak na kwara uwi yabosolat, nggomo kondosolat,

2 TESALONIKA 1:1

Nit Paulus min Silwanus min Timotius min-nen-e Tesalonika woragwi lambuk tak inpidnak nap, Nineid Mbal Pem Nagawan min Nagawan Indo Yesus Kerisut min-nen idnak nap kit kenmanggim engga yu mbatli-o.

2 TIMOTIUS 1:8

Iri bem-e, nit Nenagawan Indo-nen yidnak wene ap yak ondosolar-e, kinggiri yurak pug-o. Nde, at ebem-nen an o kubu me nibil nggwidnak me, an nebem-nen na kinggiri yurak pug-o. Are, Mbal Pem Nagawan-nen amawi wok korosola, aid wene bem lel mberel kobogola, andi kasolat wolmomtag-e ob-er-o.

PILEMON 1:23

Kerisut Yesus ebem totno o kubu me worali nap Epaparas na-nen-e wa yak kurusu-o.

PILEMON 1:24

An nimin yabu misiget erep wanugwi nap Marakus min Aristarakus min Ndemas min Lukas min-nen na irit wa yak kitli-o.

PILEMON 1:9

Iri yurag-e ob-et nde, Paulus an-e ap nindi worak Kerisut Yesus ebem ala, yawo o kubu me nibidnak na worasu-t nde, kat kabuwa-nen an-e kwat obonokluk wene nak yak kurusu-o.