OSEA 8:1 - Nanduk Ngget Tul Pidnak Wene

¹

OSEA 8:1 ပူးပေါင်းရင်းမြစ်များ

2 NAGAWAN NAGAWAN-NEN KWARIDNAK WENE 18:27

Yogoloma, san ombo onowe iri na-nen yosolar-e: ”Wene yeba oboksa-ge kit min kit-nen idnak nagawan min kit nak yak kunduwakluk Asiut nagawan iri-nen-e nibil lobok yamu perali-a? Lag-o. An-e we nap kerep pak leget pem koreyak worali ereba min-et kulurak yusu-o. Abok woragolar-e, it inmin-et kenal min kenmeye min nonggolat woragub-o” luk yij-o.

YESAYA 58:1

Nagawan Indo-nen yosolar-e: ”Mondok kenne nggoksa wirik purag-o! An nilirak-nen meya yidnag-e ’Meya iri nggal kwarigepma-o’ luk yak undurag-o!

YEREMIA 31:32

Nde, an-nen urul ngget yak indimin iri-ge nanduk it onmborak Mesira-nen lit unpuruk lobok yosolat yak indigi iri na nggal-e lag-o. Nde, an-e it unun nggal kwat yigi-t nde, ir-e an-nen it inmin urul yak indigi iri na-ge ndak ndak kwarigit lak yiga-o.

OSEA 4:6

Tepan ombo kit-nen-e an-e no mende nggal kinsili rak nibili-o. Iri kwarogola-ge, an nilirak-nen na an-e no mende nggal tag-et nibili me, enlengenwak lak yili-o. Kir-e an-nen mul kindidnak wene mondok keya bili-o. Iri yogola karuk, an-nen na kir-e keya konposolat, kit kinlirak na an-nen-e an-nen idnak tepan ombo luk enperamin pug-o.

OSEA 5:8

Nggibea-nen ene pu yer-o! Wim nggurak pem yenggerak puwakluk lel kagwi iri na Arama-nen ene lo rak per-o! Mbetel-nen wim nggurak pem kek kok per-o! Mbenyamin nap wa-e. Ndak wim timbiril mberer-o!

OSEA 6:7

Alat nde, kir-e Aram-nen kwarid nggal ’Irit kwarul-o’ luk owak mbara yak nirigep iri na ndak ndag-e kwarigit lak yigeb-o.

YOEL 2:1

”Lak tak nunpurak wok yamu-o” luk yenggerak puwakluk, Mbal Pem Nagawan woraso sa Sion ndobo marak iri na bem-nen terompet ene pu yer-o. Ene pu yogolat kwarer-o. Nagawan Indo-nen idnak tarem-e panggo yosolat, ndag-et nak wok ma me, Yewura woragwi nap wa-e. Kwiye-nen ye le mber-o.

YOEL 2:15

Mbal Pem Nagawan Ondobo Sion iri na bem-nen ene pu yer-o. Mburu ninggit lak, tepan nak yogolat wolmomtak wene wirik per-o. Ap oboksa-nen mondok nggok irit ndok wuruwakluk yak ender-o.

AMOS 3:6

Nde, o siri nggok ma woragwi nap-nen-e wim worasola-nen ene rak pugwi mende (terompet) kulurug-et nde, kwiye lak woragwir-a? Nagawan Indo-nen pil lobok yigit lak ma-ge o siri misik ebem lak tak onposo mende mbumomtag-e ndag-er-a?

AMOS 8:3

Nde, iri tarem-e nagawan woraso sa-nen ndawi yugwi ereba na-ge yip lilan ndawi nde kwat ma-o. Nin me nan me ereba me-ge ap worak mbik mbok mbo inpidnak nak liring arem mburuwa-o” luk yij-o.

AMOS 9:1

Nde, an-nen yik kaginggal-e Nagawan Indo-ge Nagawan Indo amanggim wam wosa kan pugwi ondoro iri na eralu mendak kagi-o. Nde, at-nen-e wene yu nebem pij-o. At-nen yosolar-e: ”An nuwi iri me panggo ereba na oboksa lele yuwakluk, an nuwi iri owak ereba na eraret oboksa mondok amawisa lel kil lobok yurag-o. Owak ereba-ge ap enanggul pem-et worak unpuwakluk mbud tak pil lobok yurag-o. Nde, erep unluk wolma ereba na-ge wim pem-nen indimin-o. Ap misiger-o luk mondok mengga mburuwa bug-o. Misiger-o luk na agap nggarik mburuwa bug-o.

ABAKUK 1:8

Masan tutul ijok nggarim-e kwarar-et nde, teberak nggal-nen yusu-o. Nde, it-nen idnak kura wam ijok nggarim-e kwarat-nen yusu-o. Serigala ndakngge nere bem isilepma-ge kwiye worag-et nde, it unkura isilepma-ge mondok kwiye worak terak minik-net yusu-o. Nde, ensan ombo kura wam pem korelug-e, o erepma-net lobok yili-o. Lobok yogolar-e, towe ijamu-nen at naso mende tenageyekluk lobok yoso nggal-et lobok yili-o.

SAKARIA 9:14

Nde, Nagawan Indo-ge at ilirak inmbiri bem nam yaga mirik unpuwa-o. At-nen amare mbising kasolar-e, mondok obinel nggal nak mbisingsa pil mburuwa-o. Nagawan Indo Mondok Kek tak iri na-nen-e wim nggogolat-nen pugwi terompet ene nak posoluk, abare ena (selatan) nggwe-nen o wija lobok yoso iri na bem wim pil mburuwa-o.

MATIUS 24:28

Ontogwak woraso sage ontogwak naso towe-nen nil ndok woroso-o.”

1 KORINTUS 15:52

Enlengen sambok yili nggal, worok tak posolat posid poba ene yosola-ge, ereya na-net nin nggal tak nunpuwa-o. Posid poba iri ene yosola-ge, wat yidnak nab-e piri yoso buk irit kwarak mendak onposolat, nit pidsa na nin tak nonposolat ma-o.