OSEA 7:7 - Nanduk Ngget Tul Pidnak Wene

⁷ Nde, it insilepma bem-e it-nen enne kulugwi nab-e indili-o. Iri nggal kwarogolar-e, it-nen idnak nagawan ereba na ondogolat nak woraiga-o. Iri nggal kwarogolar-et nde, ap misiger-o luk mbi-nen yongga unduwakluk an neram wene pil lagit lak worali-o” luk yij-o.

OSEA 7:7 ပူးပေါင်းရင်းမြစ်များ

NDAWI ENGGA 14:4

Iri yogola, Nagawan Indo-nen yosolar-e: ”Meya kwarugwi nap ereba na-ge an neram tepan yigit lak, an nilirak enarengge mengga wanili iri na bem nak-nen unluk worali nap ereba na-ge kondok yigit lag-et worali-a?” luk yij-o.

YESAYA 43:22

Nagawan Indo-nen yosolar-e: ”Alat nde, Isarael kir-e an kek tak nobogolat, an nerembel wanogolat woragwi na-ge keya bigeb-o.

YESAYA 64:4

Mbal pem nagawan misik mbi-nen kat-nen kwaroso nggal ap ebem inndi mbung mbung tak woragwi nap yongga indidnak wene-ge ap erep-nen na kologolat, ap erep-nen na kagolat mbi mondok kwarigit lag-o.

YESAYA 64:6

Nit oboksa-ge kopkap tobok tak woragwi-o. Iri-nen nit-nen konak kwarugwi min-et kopkap tobok tak mondok meya-nen yusu-o. Nir-e engga lera mbidnak umbuk o wija-nen puk kuruk mburusu iri na nggal, nir-e meya kwarugwi bem-et lak mul-o.

YESAYA 64:7

Nit-nen meya kwarugwi iri na-nen lak tak nunpuwakluk, neneyamin naru kombol wok nondosolat yigen iri bem-e ap misiger-o luk-nen keram tepan yogolat, ”Yongga nindi-o” luk kemengen mbarogolat mondok kwarugwi bug-o.

NDANIEL 9:13

Nde, ’Iri nggal kwarogolat wolmomtag-o’ luk, Musa-nen mbaridnak engga arem lak tak onposo mende mberak purak urul mbaridnak ereba na oboksa nit nenpem pusu-o. Iri kwat nunpusu-t nde, Nagawan Indo Nenmbal Pem Nagawan wa-e. Nir-e kat kalen tak purak mende-ge kwatli bug-er-o. Iri kwarogolar-e, nir-e meya nag-et kwat tenak woragolat, kat-nen mul nundurak wene kwara yebet kudtag-e ninsili rak pili-o.

OSEA 13:10

Kit-nen-e nagawan min enne kulugwi nap min wok kunduwakluk nggi yigeb-et nde, it ereba oboksa-ge yawo-ge ngge me worali-o? It-nen-e kit kenlen nab-e ndak inmiri yuwa-a?

OSEA 5:15

Nde, an nilirag-e mondok keya inpimin-et nde, it-nen meya kwaridnak iri na-nen ndowaga andi bandi kwarat karuk, eneyanggo wat luk, an nogore yogola-net wok inpimin-o. Nde, erep-nen-e it-nen andi bandi kagolat iri-net an nogore yuwa nde ma-o” luk yij-o.

OSEA 7:10

Isarael nap inndi kek tak pili iri na nam-et yenggerak kagolar-e, it-nen meya kwatli iri bem-nen kali-o. Ereba nggal kwarogolar-et nde, ir-e an nogore na yigit lak yogolat, tuguruk it Enmbal Pem Nagawan, Nagawan Indo an neram na lobok yili bug-o.

OSEA 7:14

Ir-e ndemeret inndi-nen an neram tepan yili bug-o. Nde, it-nen nde tepan yuwoklug-e nene yugwi sa mbud luk-nen an nebem inndi angin tubu yugwi buk nap-nen kwarugwi nggal yip tili-o. Nde, it-nen nggandum mbato min anggut min wok unduwakluk tepan yogolar-e, kugwiwak erembel wanugwi nap-nen kwarugwi nggal enambik enaboro logwaril lobok yili-o. Iri kwarogolar-e, mondok an nimin-et ndemeret wim mbatli-o!

MIKA 2:1

Kubu nene yugwi sa mbiringgik woragolat: ”Meya kwarurak iri nggal kwarimin-o” luk inndi yebet kagolat worarug-e, kup o nda yosola-ge, meya kwarurak enmawi worasola me, inndi arem yebet kaidnak ereba na kwatli nab-e mondok enabuwa kagolat wolmag-o.