OSEA 7:2 - Nanduk Ngget Tul Pidnak Wene

² It-nen peragolar-e: ’Nit-nen meya kwatli oboksa yeba-ge Nagawan Indo-nen-e yebet kasu bug-o’ luk perali-o. Alat nde, it meya kwarugwi ereba-nen muruk tak unpuruk worala me, an-nen-e nam-et nak it meya yidnag-e kasu-o” luk yij-o.

OSEA 7:2 ပူးပေါင်းရင်းမြစ်များ

NDAWI ENGGA 90:8

Kat-nen-e nit-nen lugud tak kwarugwi ereba na waga nam tak posolat keram pusu-o. Nit-nen meya kwarugwi-ge kura ma-t nde, kat kerengen pem-e nam nak kasu-o.

YESAYA 1:3

Sapi wam-e at ombo iri na-ge aru-t woraso-o. Nde, kelerai-nen na at ombo iri na-net at-nen naso mende norak ondoro kona bidnak iri na-ge aru-t woraso-o. Alat nde, Isarael nab-e iri nggal-e lag-o. Ir-e mondok yebet kali bug-o” luk yij-o.

YESAYA 44:19

Kugwiwak iri na ndak worosolar-e, indi-ge yebet kagit lak-nen kwaroso-o. At-nen-e yu nggal yurag-e yebet kaso bug-o: ”An-nen iri kwarosolar-e, e erep minggirig-e kan maburuk, kan engen pem-e an-nen norak oroti min uno min woragoso-o. Nde, e iri na erep mbarag-e kugwiwak ndak wosa bigi-o. Iri ala-ge an-e e ereba na erep mbarag-et erembel wanusu-o!” luk yebet kagit lak-nen kwaroso-o.

YEREMIA 14:10

Nagawan Indo-nen ap enlem iri onowene yosolar-e: ”It iri-ge an naye-nen kwiye mbururak na nggok tak pogolat, it-nen kwara kondoksa woragit lak yogolat kwarugwi nap iri-ge an-nen-e nindingen tak unpusu-ge lag-o. It-nen lugudtak kwarugwi-ge an-e mondok meme rak pimin pug-o. It-nen meya kwarugwi bem-et onggo angin worak enpem pimin-o” luk yij-o.

YEREMIA 2:19

Kondomok-nen meya kwaroso iri na-nen ndowaga angin worak kebem posolat, kat Kembal Pem Nagawan an keya nubusu iri na bem-nen andi bandi rak kubusu-o. Kar-e an kek tak nibigit lak, kamberam tak nibigen iri na-ge yawo-ge kumburugwi ngari rak posola, al ngari ki-o. An-e Nagawan Indo Kembal Pem Nagawan-nen yigi-o. An-e Nagawan Indo Mbal Pem Nagawan Namawi Worak Mondok Kek tak-nen yusu-o” luk yij-o.

OSEA 4:9

Kit na an-nen-e kit-nen kwatli ndak ndag-et angin worak kenpem pumu, we nap-nen andi bandi kali nggal-et andi bandi kagolat woragub-o!

OSEA 6:2

Nde, o mberen pem, lak, kenan pem, lak ya woragolar-e, at-nen ki rak nunpuwama, at indipma wulmul-o.

AMOS 8:7

Iri yogola, Nagawan Indo Isarael nap Enmbal Pem Nagawan-nen owak mbarosolar-e: ”An-e it-nen mondok meya kwatli yeba-ge mondok meme rak pimin pug-o.

YUNUS 1:2

Yak tosolar-e: ”Kar-e Niniwe siri nggok iri me mbiri-o. Nde, iri me-nen meya kwat tenak woragwi iri-ge an-e naru-o. Iri ala, kar-e nggomo indil mbiri-o” luk yak tij-o.

LUKAS 12:2

Kura bidnak nam momtak puk misik worasu-ge lag-o. Nde, kura wene misik nam pa yurak puk mbi worasu-ge lag-o.

1 KORINTUS 4:5

Iri nggal kwarak me, Nagawan Indo lobok yurak awo worasola kagit, kir-e awo ma-nen ap enpem wene mbarurak pug-o. Nagawan Indo lobok yosolar-e, ndamuk arem kura woraso na nam tak posolat, ap inndi arem-nen yimndidnak mende na nam tak puruk, nuk kujwa-o. Iri tarem-e, Mbal Pem Nagawan-nen ap oboksa enarik tak entembel wanuwa-o.

TUGURUK YIDNAK WENE 32:29

It nde inndi worak nggal-nen-e it lak momtag-e inndi yebet kaleb-o.

IBERANI 4:13

Nde, ndak wiridnak tengge misiger-o luk tet at erengen pem-e kura worasu-ge mondok lag-o. Yi mende ndi mende oboksa-ge at erengen pem-e mondok ngenwa nam-et nak yik kasu-o. Nde, iri yoso nap imbiri bem nit pidsa-ge nit-nen kwarogolat woraidnak mende-ge mondok nam para yak tul-o.