OSEA 7:14 - Nanduk Ngget Tul Pidnak Wene

¹⁴ Ir-e ndemeret inndi-nen an neram tepan yili bug-o. Nde, it-nen nde tepan yuwoklug-e nene yugwi sa mbud luk-nen an nebem inndi angin tubu yugwi buk nap-nen kwarugwi nggal yip tili-o. Nde, it-nen nggandum mbato min anggut min wok unduwakluk tepan yogolar-e, kugwiwak erembel wanugwi nap-nen kwarugwi nggal enambik enaboro logwaril lobok yili-o. Iri kwarogolar-e, mondok an nimin-et ndemeret wim mbatli-o!

OSEA 7:14 ပူးပေါင်းရင်းမြစ်များ

MBIRIGA WENE 32:6

Yosoloma, nene luk, kub-e Isarael nab-e usu worak mende erep waruk lobok yogolar-e, wosa kan purak min worogolat, nde, ereb-e at imin kunduwokluk wirigarik, nonggolat, yi nonggolat kwarogoluk, men yogolar-e, kwe lak lak, ap lak lak keyari pogolat woraiga-o.

YESAYA 52:5

Yawo-ge an-e yu me-ge no kwarimin-o? Mbabel nap-nen-e we ereba-t kamat kunpuruk mbirigarik, it ininggiyapma rak kinpidnak nap-nen-e inndi kek tak pem lel mberel konpogolat, yawo-nen na an-e enlengenma nggal tak nobogolat worali-o.

YESAYA 65:14

Ndemeret ir-e enalen-nen kek kok lek kujwa-t nde, kir-e yip nggu lek tenak woragub-o.

OSEA 13:6

Alat nde, kir-e o konak ma woragolat, yi mende ndi mende ndak kinmbitsa woragolar-e, kir-e kinndi kek yogolat, an-e meme rak nibigeb-o.

OSEA 13:9

Kenlem Isarael nap wa-e. An-nen-e kir-e yigisa lak tak kinpimin-o. Iri kwat konposola-ge, ta-nen yongga kunduwa-o?

OSEA 3:1

Nagawan Indo-nen yak norosolar-e: ”Kar-e tuguruk mburugundik, kwe mbabi yoso kwe misik wanurak kindi ebem pi-o. Isarael nap-nen an keya nuburuk, mbal pem nagawan nin ereba na erembel wanogolat, kismis engen pem konidnak oroti kugwiwak amanggim pogolat yili-t nde, an-nen-e Isarael nap enabuwa kasu nggal-et mbabi yoso kwe irit abuwa ki-o” luk yak nirij-o.

AMOS 2:8

Nagawan Indo erembel wanugwi sa oboksa ereba na me nene yogolar-e, ap insilobulo lak nap-nen it enarengge luru wok unduruk, tuguruk uwi yakola-nen wok undurak puruk insilobulo lak nap unsum wanidnak ereba na min-et yirik nene yili-o. It-nen-e it enarengge wanidnak pem it ereba na enarengge anggut amburu iri-ge Mbal Pem Nagawan ama-nen nonggolat kwatli-o.

AMOS 8:3

Nde, iri tarem-e nagawan woraso sa-nen ndawi yugwi ereba na-ge yip lilan ndawi nde kwat ma-o. Nin me nan me ereba me-ge ap worak mbik mbok mbo inpidnak nak liring arem mburuwa-o” luk yij-o.

MIKA 2:11

Kit-nen ennesiget yogolat, enmberam lagolat yugwi nap-nen ennesiget urul pogolar-e: ’Kir-e anggut min inndi nden kaso yi min kwarat ombo yugub-o’ luk yugwi nap ereba na kinndingen tak inpili-o” luk yij-o.

OROMA 16:18

Iri nggal kwarugwi nab-e Nenagawan Indo Kerisut na ndegel ibili-ge lag-o. Are, it ondomok ukwe mende na lesa wanuwokluk-nen yili-o. Nde, iri kwarogolar-e, enaru buk woragwi nap na onmbol pem lagolat, enne amburu bem inndi wanili-o.

PILIPI 3:19

It iri-ge worok tak posolat tarem-e lag-et ma-o. Mbal Pem Nagawan ondolma-ge it unluk amanggim nggok tak pili-o. It-nen-e innggiri kagwi mende irit kek tak pili-o. Nde, ir-e nggweyak ma mende nak yebet yebet tak woragwi-o.

YAKOBUS 4:3

Kit kondomok ukwe ukwe mende iri na wanuwokluk nggi yogolat tepan yili iri-ge lugud tak nggwe yili-o. Iri bem-nen kit-nen tepan yili-t nde, yi mende ndi mende wanili bug-o.

YAKOBUS 5:1

Kenarengge worak nap wa-e. An-nen yak kundusu yu koler-o. Andi bandi mende kenpem mbuma na yebet karuk, yip togolat, tabun puruk wolmer-o.