OSEA 6:1 - Nanduk Ngget Tul Pidnak Wene

¹ Nde, it Isarael nap-nen yogolar-e: ”Yawo-ge tuguruk nden karuk Nagawan Indo eram mburuwog-o. At-net andi bandi rak ninpij-et nde, at-net ki rak nunpuwa-o. At-net mep tak ninpij-et nde, uj-e engga nggitlik nunpuwa-o.

OSEA 6:1 ပူးပေါင်းရင်းမြစ်များ

AYUP 5:18

Mbal Pem Nagawan iri-ge at-nen andi bandi rak unpurug-e, at-nen ki rak onposo-net yusu-o. At inggi-nen undurug-e, inggi iri na-net ki rak onposo-o.

AID WENE YOSO NAP 3:3

undurak tarem min ki rak unpurak tarem min mijarurak tarem min o wururak tarem min wat tak pusu-o.

YESAYA 2:3

Nde, it-nen yogolar-e: ”Isarael Embal Pem Nagawan uwi Nagawan Indo ondobo bem worak iri na me lujwog-o. Mondok nit-nen kwarurak iri-ge at-nen mul nunduwa-o. Mul nondosola-ge, at-nen mul nundusu iri na imbirik nag-et mbururag-o. Nagawan Indo-nen mul ondoso wene iri-ge Yerusalem nak-nen lobok yoso-nen yusu-o. At wene-ge Sion iri me-nen yusu-o” luk yuwa-o.

YESAYA 55:7

Meya kwaroso nab-e at-nen meya kwaroso iri-ge mondok keya buwag-o. At indi-nen yebet kaso tula iri-ge nden kaga nin tak puwag-o. Nde, tuguruk Nagawan Indo-nen ubud kujwaklug-e, tuguruk nden karuk, Nenmbal Pem Nagawan eram mburuwag-o. Nagawan Indo iri-ge unpud kaso elem pem ap meya yidnag-e amberam tak poso-o.

OSEA 11:10

Nagawan Indo-nen yosolar-e: ”An-nen singa ndakngge-nen kwaroso nggal nurum ene ngol yosolat it unuwim nap kwiye rak onposola-ge, an nilirag-e an nimbirig-et mburuwa-o. An nilirag-e mo mboso (barat) nggwe-nen an nerembel wanurak pem ndag-et ndag-et lobok yuwa-o.

OSEA 14:1

Samaria iri-ge an nimin wim mbarogolat, eyak witli iri bem-e angin worak enpem pimin-o. Iri me woragwi nab-e wim pem unduwa-o. Nde, li nggisiya-ge onowak mburuk waga lel eneyagolat, kweyap enabila-ge enmbe ngaril lobok yogolat ma-o” luk yij-o.

OSEA 14:4

Asiut nap-nen-e ninmiri yurag-e meya-o. Wim pugwi kura wam-nen ninmiri yurag-e meya-o. Nit-nen-e nininggi-nen ndak wiridnak ereba na yak togolat: ’Kir-e nit nenmbal pem nagawan-nen yili-o’ yili ereba na-ge mondok tuguruk yul pug-o. Nagawan Indo wa-e. Kat-nen-e ta-nen inmiri yurak nggal inndi kabak woragwi nab-e enabuwa kaso-nen yusu-o” luk tepan yer-o.

OSEA 3:5

Alat nde, it enlem Isarael nap nden karuk, tuguruk Nagawan Indo Enmbal Pem Nagawan eram lobok yogolat, it-nen idnak nagawan Ndaut-nen wigarak iri na eram lobok yogolat yurak tarem-e wok ma-o. Iri lug-e, ir-e Nagawan Indo aye worak woragolat, kek tak pogolat woragolar-e, at-nen enpem puwa imbiringgat wanogolat wolma-o.

TUGURUK YIDNAK WENE 32:39

Kwara yebet ker-o. Mbal pem nagawan nin mbi-ge mondok lak. Mbal Pem Nagawan-e an narig-et nak-nen yusu-o. An-e lak tak onposo min unluk tak poso min-nen yusu-o. An-e mep tak onposo min ambut tak onposo min-nen yusu-o. An-nen kwarosola-ge, ap misiger-o luk tet nebem kore yugwi buk-nen yusu-o.

1 SEMUEL 2:6

Nagawan Indo iri-ge worak onposolat, unluk tak onposolat yoso-nen yusu-o. Nagawan Indo-nen-e ab-e wat luk ndok wiril mburugwi sa inpil ngguruk, at-nen iri me-n lesa inpil luwaso-o.

1 SEMUEL 7:3

Iri yogola, Semuel-nen Isarael nap yak ondosolar-e: ”Kit-nen nde mondok kinndi min-net tuguruk nden karuk, Nagawan Indo eram mbutluk Nagawan Indo kek tak purak yogola-ge, nin nap unkugwiwak min kugwi Ndewi Asoret ndak worak min mondok keya buruk, kenpe-ge mondok ndemeret ndemeret kegera Nagawan Indo eram nak pogolat, at nak kek tak pogolat wolmomtag-o. Iri kwarogola-ge, Pilisin nap ininggem-nen wisirik kunpuwa-o” luk yak indij-o.